Cottage Hamaki Pool & Spa დასვენებისთვის განკუთვნილი სივრცეა, რომელიც თბილისიდან 30 კილომეტრში მდებარეობს. მიმდინარე სიახლეებსა და სამომავლო გეგმებზე Business Insider Georgia კომპანიის დამფუძნებელს, თეონა ტეფნაძე, ესაუბრა.

„ჩვენს სივრცეში მნიშვნელოვანი განახლებები განხორციელდა. შუა კოტეჯი, რომელიც თავდაპირველად წვეულებებისთვის იყო განკუთვნილი, გადაკეთდა და დღეს უკვე წყვილებისთვის განკუთვნილ კომფორტულ კოტეჯს წარმოადგენს. ამასთან, გარე ტერიტორიაზე მოეწყო 50 კაციანი სადღესასწაულო სივრცე, რომელიც დაკავშირებულია ცენტრალურ ცეცხლის არენასთან. არენის გარშემო განთავსებული ჰამაკები და განახლებული ინფრასტრუქტურა ერთიან და მყუდრო გარემოს ქმნის წვეულებების, საქორწინო ცერემონიების, იუბილეებისა და სხვა ღონისძიებების გასამართად.

ამჟამად, აქტიურად ვმასპინძლობთ ექსკურსიებს. სტუმრების გამოცდილების გასამდიდრებლად დავამატეთ კვადროციკლი, რამდენიმე ველოსიპედი და ბავშვთა გასართობი სივრცისთვის საჭირო ინვენტარი “, - აცხადებს თეონა ტეფნაძე.

სივრცის მიმართ მოთხოვნა და ინტერესი მზარდი დინამიკით ხასიათდება.

„მოთხოვნა სტაბილურად იზრდება და მზარდი ტენდენციით ხასიათდება. რაც უფრო მეტი ადამიანი იგებს ჩვენი სივრცის შესახებ, მით უფრო იზრდება ინტერესი. განსაკუთრებით მაღალი მოთხოვნა მაისის თვეში დაფიქსირდა - სადღესასწაულო სივრცე პრაქტიკულად სრულად იყო დაჯავშნილი და ამ ეტაპზეც არაერთი ღონისძიებაა დაგეგმილი.

აღსანიშნავია, რომ სტუმრებზე სივრცე რეალურად მონახულების შემდეგ კიდევ უფრო დიდ შთაბეჭდილებას ახდენს, ვიდრე ფოტოებისა და ვიდეოების საშუალებით. ბუნებრივი გარემო, ატმოსფერო და სივრცის მასშტაბი ადგილზე მოსულების მოლოდინს ხშირად აღემატება“, - ამბობს კომპანიის დამფუძნებელი.

Cottage Hamaki Pool & Spa სამომავლოდ გაფართოებას გეგმავს.

„სამომავლოდ ვგეგმავთ სივრცის კიდევ უფრო გაფართოებას. კერძოდ, ვფიქრობთ 1-2 ახალი კოტეჯის დამატებას, ხოლო სპა ზონის განვითარებისთვის საუნის სივრცის მოწყობას“, - აცხადებს თეონა ტეფნაძე.