2012 წლიდან ბაზარზე მოქმედი „გურმე“ ქეითერინგის მიმართულების განვითარებას აქტიურად განაგრძობს. კომპანია მომხმარებელს სრულ ქეითერინგულ მომსახურებას სთავაზობს და ამ მიმართულებით ახალ სერვისებსაც ნერგავს. რა სიახლეები აქვს „გურმეს“ და როგორ იცვლება მომხმარებლების მოთხოვნები, ამის შესახებ Business Insider Georgia-ს კომპანიის მარკეტინგისა და საზოგადოებასთან ურთიერთობის ხელმძღვანელი, ანი იაშვილი ესაუბრა.

„როგორც იცით „გურმე“ 2012 წლიდან ოპერირებს ბაზარზე და კომპანიის ერთ-ერთი მთავარი მიმართულება სრული ქეითერინგის მომსახურებაა, რომელსაც ვთავაზობთ როგორც მსხვილ კომპანიებს, ისე კერძო მომხმარებლებს.

ჩვენთვის ხარისხი და სურსათის უვნებლობის სტანდარტები პრიორიტეტულია. სწორედ ამიტომ, საწარმო, სადაც ფურშეტები მზადდება, ფლობს როგორც ISO-ს სერტიფიკატს, ასევე „სახალხო კონტროლის“ სტიკერს, რაც მომხმარებლის ნდობას კიდევ უფრო აძლიერებს.

ამ ეტაპზე განსაკუთრებით აქტუალურია ქორწილების მიმართულება. მომხმარებელს ვთავაზობთ სრულ მომსახურებას - ველქამ ზონიდან დაწყებული, ფურშეტითა და მომსახურე პერსონალით დასრულებული. პრაქტიკულად, ყველა საჭირო დეტალს „გურმე“ უზრუნველყოფს.

ბოლო პერიოდში არაერთ მსხვილ კომპანიასთან ვითანამშრომლეთ. მაგალითად, ახლახან კომპანია Nike-ის ღონისძიების ქეითერინგი სრულად ჩვენ უზრუნველვყავით.

ქორწილების მიმართულებით კიდევ ერთი სიახლე გვაქვს - დავიწყეთ თანამშრომლობა კომპანია Laka Wedding-თან. 

მომხმარებლები, საქორწილო ტორტს ან ქეითერინგს თუ შეუკვეთავენ - Laka Wedding, ივენთ კომპანიის 300 ლარიან ვაუჩერს მიიღებენ.

გარდა ამისა, უცხოელი სტუმრებისთვის დამატებითი სერვისები შევქმენით, რადგან მათი რაოდენობა მნიშვნელოვნად გაიზარდა. საქართველოში ჩამოსულ სტუმრებს, რომლებსაც სურთ ქორწილი ქართული ტრადიციების მიხედვით გადაიხადონ, ვთავაზობთ ფურშეტს, სადაც მინი-კანაპეების ფორმატში წარმოდგენილია ქართული ტრადიციული კერძები, მათ შორის ხაჭაპური, ფხალის ასორტი და სხვა ქართული გემოები. ამასთან, მათ შეუძლიათ მონაწილეობა მიიღონ ქართული კულინარიის მასტერკლასებში - ჩურჩხელის, ხინკლისა და მწვადის მომზადებაში, რომლებიც ქორწილებისა და სხვადასხვა ღონისძიებების ფარგლებში, მათ შორის ღია სივრცეებში, ტარდება. ამგვარად, მომხმარებელი ერთ სივრცეში სრულ მომსახურებას იღებს“, - აღნიშნავს ანი იაშვილი.

წინა წელთან შედარებით ქეითერინგის მიმართულებით მოთხოვნა საგრძნობლად გაზრდილია.

„2026 წელს ფურშეტებისა და ქეითერინგის მომსახურებაზე მოთხოვნა მნიშვნელოვნად გაიზარდა. მომხმარებელი სულ უფრო მეტად აფასებს კომფორტს - სურს, ადგილზე მიიღოს სრულად ორგანიზებული მომსახურება, თავად კი მეტი დრო დაუთმოს სტუმრებთან ურთიერთობასა და ღონისძიებით სიამოვნებას.

ამ მიმართულებით „გურმე“ ფართო არჩევანს სთავაზობს მომხმარებელს. კომპანიის მენიუში დაახლოებით 1 000-მდე სახეობის კანაპეა, ასევე შესაძლებელია თემატური, სხვადასხვა ქვეყნის კულინარიაზე დაფუძნებული სუფრების ორგანიზება - იტალიური, ფრანგული, გერმანული, ავსტრიული და სხვა“, - ამბობს კომპანიის მარკეტინგისა და საზოგადოებასთან ურთიერთობის ხელმძღვანელი.