მთავარიბიზნესიეკონომიკათეგეტა ბიზნესისთვის
ტურიზმიფინანსებიჯანდაცვასპორტი
ტექნოლოგიებიმსოფლიოპოლიტიკაგანათლება
სტარტაპებიWEEKENDბიზნეს მრჩეველისაზოგადოება
კიბერუსაფრთხოებამოსაზრებაფინანსებიპოდკასტები
ეკონომიკური ფორუმიInsider სიუჟეტიBusiness Insider Georgia X TVყველა ვიდეო
ყველა სიახლე
ბიზნეს მედია - Bank of Georgia
flag
AMD 7193.6
0.0062
flag
AZN 1.5246
-0.0008
flag
CNY 38.893
0
flag
EUR 2.8547
0.01
flag
GBP 3.4159
0
flag
KZT 57.61
-0.0068
flag
TRY 0.0514
0
flag
USD 2.5933
0.0006
news banner

Georgia Capital-მა წარმატებით დაასრულა m²-ის, საქართველოში ერთ-ერთი წამყვანი დეველოპერის ადგილობრივ ინვესტორებზე გაყიდვის ტრანზაქცია, რაც GCAP-ის საინვესტიციო სტრატეგიის განხორციელების კიდევ ერთი მნიშვნელოვანი ეტაპია - ირაკლი გილაური

news image
mbc image

Georgia Capital-მა 2026 წლის მეორე კვარტლისა და პირველი ნახევრის ფინანსური შედეგები გამოაქვეყნა.

,,მოხარული ვარ წარმოგიდგინოთ კიდევ ერთი კვარტლის ძლიერი ფინანსური შედეგები, რაც ჩვენი სტრატეგიული პრიორიტეტების თანმიმდევრული და დისციპლინირებული შესრულების შედეგია. ეს კვლავაც უზრუნველყოფს ოპერაციულ ეფექტიანობასა და ჩვენი აქციონერებისთვის ღირებულების მდგრად შექმნას. 2026 წლის მეორე კვარტალში ერთ აქციაზე წმინდა აქტივების ღირებულებამ ახალ რეკორდულ ნიშნულს - 175.12 ლარს (50.10 ფუნტ სტერლინგს) მიაღწია, რაც წინა კვარტალთან შედარებით 13.1%-ით არის გაზრდილი. აღნიშნული ასახავს ჯგუფის ყველა ძირითად ბიზნესში დაფიქსირებულ ძლიერ ოპერაციულ შედეგებს და კიდევ ერთხელ ადასტურებს Georgia Capital-ის გრძელვადიან ღირებულებისა და ზრდის პოტენციალს აქციონერებისთვის. კომპანიის საჯაროდ სავაჭრო პორტფელმა კვარტლის განმავლობაში 484.1 მილიონი ლარის ღირებულება შექმნა, რამაც ერთ აქციაზე NAV-ის ზრდას 9.4 პროცენტული პუნქტით შეუწყო ხელი. აღნიშნული ზრდა ძირითადად Lion Finance Group PLC-ის აქციის ფასის 22.1%-იანი მატებით იყო განპირობებული. ჯამში, პორტფელმა კვარტლის განმავლობაში 720 მილიონ ლარზე მეტი ღირებულება შექმნა, რაც კიდევ ერთხელ უსვამს ხაზს მისი მაღალი ხარისხისა და მდგრადი ზრდის შესაძლებლობას.

2026 წლის ივნისში Georgia Capital-მა წარმატებით დაასრულა თავისი საცხოვრებელი უძრავი ქონების განვითარების ბიზნესის m²-ის, რომელიც საქართველოში ერთ-ერთი წამყვანი დეველოპერია, ადგილობრივ ინვესტორებზე გაყიდვა. აღნიშნული გარიგება მნიშვნელოვანი ეტაპი იყო Georgia Capital-ის კაპიტალზე ნაკლებად დამოკიდებული საინვესტიციო სტრატეგიის განხორციელების პროცესში გარიგებამ კიდევ უფრო გააძლიერა ჯგუფის ბალანსი, რადგან შეამცირა მისი საერთო რისკის პროფილი.

ჯგუფის ძლიერი ფინანსური მდგომარეობა, ჰოლდინგური კომპანიის დონეზე ვალის არარსებობა და კონსერვატიული ფინანსური პოლიტიკა ასევე აღიარა S&P Global Ratings-მა, რომელმაც Georgia Capital-ის საკრედიტო რეიტინგი BB-დან (Positive) BB-მდე (Stable) გააუმჯობესა.

შედეგად, Georgia Capital-ის საკრედიტო რეიტინგი სრულად გაუთანაბრდა საქართველოს სუვერენულ საკრედიტო რეიტინგს, რაც კიდევ ერთხელ ადასტურებს ჯგუფის ძლიერ ფინანსურ პროფილს. ამასთან, 2026 წლის 29 ივნისს, ჯგუფმა გამოაცხადა თავისი ქართული ჰოლდინგური კომპანიის Georgia Capital-ის 50 მილიონი აშშ დოლარის მოცულობის მდგრადობასთან დაკავშირებული ადგილობრივი ობლიგაციების ვადამდე სრულად გამოსყიდვის შესახებ. კომპანიამ უკვე გამოიყენა აღნიშნული ობლიგაციების ვადამდე გამოსყიდვის უფლება, ხოლო საბოლოო ანგარიშსწორება 2026 წლის 19 აგვისტოს არის დაგეგმილი. ამავდროულად, კომპანიამ ასევე გამოაცხადა აქციების გამოსყიდვისა და გაუქმების მიმდინარე პროგრამის გახანგრძლივების შესახებ, რომლის ფარგლებშიც ჯერ კიდევ დაახლოებით 11 მილიონი აშშ დოლარის მოცულობის გამოსყიდვაა დარჩენილი. მიმდინარე გამოსყიდვის პროგრამის დასრულების შემდეგ, ეს ტრანზაქციები სრულად დაასრულებს Georgia Capital-ის 700 მილიონი ლარის კაპიტალის დაბრუნების პროგრამას, თანაც საწყისად განსაზღვრულ 2027 წლის დეკემბრის ვადაზე ერთ წელზე მეტი ხნით ადრე. პროგრამის ვადაზე ადრე დასრულება კიდევ ერთხელ ადასტურებს ძლიერ ფულად ნაკადებს და კაპიტალის განაწილებისადმი დისციპლინირებულ მიდგომას", - აღნიშნავს ირაკლი გილაური, Georgia Capital-ის CEO. 

banner image news banner
ნინო ჭანტურია ავტორი
LIVE
news banner

დღის ტოპ 10 სიახლე











სხვა სიახლეები

ბიზნესი
image „ვილაპარაკოთ, რომ გავუგოთ და არა მოვუგოთ“ - სელფი მობაილის ახალი კამპანია

19.11.2026.16:15

სელფი მობაილმა, კრეატიულ სააგენტო „სუპერმარკეტთან“ თანამშრომლობით, ახალი კამპანია: „ვილაპარაკოთ, რომ გავუგოთ და არა მოვუგოთ“  წარადგინა. კამპანიის მთავარი იდეაა, საზოგადოებას შეახსენოს, რომ  საუბრის რეალური ღირებულება ერთმანეთის მოსმენა და გაგებაა. 

დღეს, როდესაც ყოველდღიური საუბრები, ხშირად, კამათსა და საკუთარი სიმართლის დამტკიცებაში გადაიზრდება, სელფი მობაილი ყურადღებას ამახვილებს გულწრფელი კომუნიკაციის მნიშვნელობაზე. კამპანია ადამიანებს მოუწოდებს საუბარი არა შეჯიბრად, არამედ ერთმანეთის უკეთ გაცნობისა და გაგების შესაძლებლობად აღიქვან. 

კამპანიის მთავარი ვიდეორგოლი ყოველდღიურ, ყველასთვის ნაცნობ სიტუაციებს ასახავს, სადაც ჩვეულებრივი საუბრები დებატებად იქცევა. დედა-შვილი, მეგობრები და თანამშრომლები ერთმანეთს არგუმენტებით უპირისპირდებიან, თითოეული არგუმენტი კი ქულად ითვლება. ყველა საკუთარი პოზიციის დამტკიცებას ცდილობს, რის შედეგადაც საუბარი თავდაპირველ მიზანს - ერთმანეთის გაგებას კარგავს. 

„როგორც ტელეკომ ოპერატორი, ჩვენი მთავარი მიზანი ადამიანების ერთმანეთთან დაკავშირებაა. თუმცა მნიშვნელოვანია არა მხოლოდ კომუნიკაციის შესაძლებლობის შექმნა, არამედ ისიც, თუ როგორ იყენებენ ადამიანები ამ კავშირს. ამ კამპანიით გვსურს შევახსენოთ საზოგადოებას, რომ საუბრის მიზანი ყოველთვის საკუთარი სიმართლის დამტკიცება არ არის. ზოგჯერ გაცილებით მნიშვნელოვანია მოვუსმინოთ ერთმანეთს, გავიგოთ საპირისპირო მოსაზრება და მეტი სივრცე დავტოვოთ გულწრფელი დიალოგისთვის“, - აცხადებენ სელფი მობაილში. 

 „ვილაპარაკოთ, რომ გავუგოთ და არა მოვუგოთ“ კამპანია ადამიანებს მარტივ კითხვაზე დაფიქრებას სთავაზობს: ბოლოს როდის ვისაუბრეთ იმისთვის, რომ ერთმანეთისთვის გაგვეგო და არა მოგვეგო? 

ვილაპარაკოთ, რომ გავუგოთ და არა მოვუგოთ 

კრედიტები: 

კრეატიული სააგენტო: SUPERMARKET 

კრეატიული დირექტორები: ეკა ყიფიანი, სანდრო ციცქიშვილი 

არტ დირექტორი: ანი როსტომაშვილი 

დიზაინერი: თიკუნა ადეიშვილი 

ექაუნთ მენეჯერი: გიორგი ტაბატაძე 

აღმასრულებელი პროდიუსერი - სანდრო გაბილაია 

ფროდაქშენის ჰედი & პროდიუსერი - მაიკო გურაბანიძე 

რეჟისორი - დავით ბორჩხაძე 

დამდგმელი ოპერატორი - სანდრო დარახველიძე 

ფოტოგრაფი - ელენე შენგელია 

1st AD / LP - ნინი იაშვილი 

ფროდაქშენ მენეჯერი - ტატო ფანცულაია 

ფინანსური მენეჯერი - მაკა ლაბაძე 

ფინანსური ადმინისტრატორი - თეკო გურაბანიძე 

პოსტ ფროდაქშენ პროდიუსერი - ბურო 

ლოჯისტიკის მენეჯერი - დავით მაღლაკელიძე 

ტრანსპორტ მენეჯერი - დავით ფერაძე 

ლოკაციის მენეჯერი - ნათია ჩომახიძე 

ლოკაციის კოორდინატორი - ზაზა ჭიღლაძე 

კასტინგის მენეჯერი - ლიზა ადამაშვილი 

კასტინგის ასისტენტი - ვიკა ბოკერია 

PA - ანეტა გვასალია 

სეტი 

სეტ მენეჯერი - ნიკო ჩხაიძე 

დიასახლისი - სვეტა ბაღდასარიანი 

მხატვრობა 

ფროდაქშენ დიზაინი: Nisley studio 

დამდგმელი მხატვრები - სოფიო გულისაშვილი, ზურა კიკვაძე 

არტ დეპარტამენტი: დავით ღვინაშვილი, თამაზ ბოჭოიძე, გური ჭვრიტიძე, გარიკ მარტიროსიანი, ბექა ყალაბეგაშვილი 

რეკვიზიტორი: თათია გულისაშვილი 

კოსტუმი /გრიმი 

კოსტიუმების მხატვარი - ანკა გაბუნია 

კოსტიუმების მხატვარი - მარიამ გელაშვილი 

გრიმი - სალომე ზაქარაია, ტაისია ერაძე 

ტექნიკური ჯგუფი 

2nd AC - კარბელა 

ფოკუსი - საბა თეთრაძე 

გაფერი - კადაფა 

პოსტი 

VFX/AI - Highway VFX 

VFX/AI - გიორგი ფაილოძე 

ფერის კორექცია - მინდია ინასარიძე 

მუსიკა - Break Records 

საუნდ დიზაინი - Uzupo 

Motion Graphics - ლევან ზაზარაშვილი 

მუსიკა - გიორგი ჩაგელაშვილი                                                    

საკონტაქტო ინფორმაცია მედიისთვის:   asadunashvili@cellfie.ge

დამატებითი ინფორმაციისთვის კომპანიის შესახებ, ეწვიეთ: http://cellfie.ge; ასევე სელფის სოციალური მედიის არხებს:

Facebook

Instagram

YouTube

LinkedIn

საქართველოს ეკონომიკური ფორუმი

Powered by Business Insider Georgia

ვრცლად
economic forum

სიახლეების გამოწერა