„ღვინის ემოცია“ 2026 წელს ახალი მოდელების შექმნასა და გაყიდვების ქსელის გაფართოებას გეგმავს
„ღვინის ემოცია“ სუვენირებისა და სამკაულის ქართული ბრენდია, რომელიც 2020 წელს დაარსდა და ქმნის პროდუქციას საქართველოსა და ვაზის თემატიკით. კომპანიას უჭირავს მოწინავე ნიშა ამ კუთხით და ამართლებს თავის მთავარ სლოგანს: „საუკეთესო ქართული საჩუქარი!“ 2025 წლის შედეგებსა და 2026 წლის გეგმებზე Business Insider Georgia კომპანიის დამფუძნებელს, თამარ აბულაძეს ესაუბრა.
„2025 წლის ჭრილში, „ღვინის ემოციამ“ გაზარდა წარმოება და არაერთი წარმატებული B2B პროექტი განახორციელა. ასევე, შექმნა რამდენიმე ახალი, პრემიალური მოდელი, რომელიც ძალიან მალე გახდა პოპულარული. „ღვინის ემოციას“ პროდუქციას აქვს თავისი დამახასიათებელი ხელწერა, რომელიც გამორჩეულია მსგავსი ნაკეთობებისგან. სწორედ ეს არის ბრენდის ერთ-ერთ დიდი მიღწევა და უნიკალურობა.
„ღვინის ემოცია“ დიდ ყურადღებას აქცევს ინდივიდუალიზმს და თითოეული მოდელი დიდი ყურადღებითა და ინდივიდუალური დიზაინით იქმნება. მთავარი ფაქტორი არის ქართული მეღვინეობის ისტორიისა და ყურძნის ჯიშების ზედმიწევნით ცოდნა, რაც სამკაულსა და სუვენირს მაქსიმალურად რეალურსა და შთამბეჭდავს ხდის.
„ღვინის ემოცია“ იყენებს უმაღლესი ხარისხის, ნარჩევ ნატურალურ ქვებს, ბრინჯაოს და მარმარილოს. ასევე აღსანიშნავია, გამორჩეული და ძვირფასი ბრენდული შეფუთვა და პასპორტი, რომელიც ნივთებს ახლავს თან. პასპორტი ქართულ და ინგლისურენოვანია. მასში საქართველოზე საინტერესო ცნობები წერია, რაც საუკეთესო კუთხით აცნობს ჩვენს ქვეყანას უცხოელ სტუმრებსა და პარტნიორებს.
გასულ წლებთან შედარებით, 2025 წელს „ღვინის ემოციის“ სუვენირებზე მოთხოვნა მკვეთრად გაიზარდა. კომპანიას უკვე აქვს საკმარისი ცნობადობაც და ასევე ხარისხიანი პროდუქციისა და სანდო პარტნიორის ავტორიტეტი, რომელიც ძალიან მნიშვნელოვანია. ყველაზე პოპულარი და გაყიდვადი პროდუქტი არის ქვევრი და საქართველო, ასევე ბრინჯაოს ბროში საქართველო, ქართული მტევანი ქვევრში და წლის ბოლოს შექმნილი, პრემიალური სუვენირი ვაზი და ყურძნის მტევანი.
2026 წელს დაგეგმილია ახალი მოდელების შექმნა და გაყიდვების ქსელის გაფართოვება. აქტიურად ვმუშაობთ ექსპორტის მიმართულებით. ვგეგმავთ კორპორატიულ თანამშრომლობას სხვადასხვა ორგანიზაციებთან. რაც მთავარია კვლავ ვინარჩუნებთ უმაღლეს ხარისხსა და მაღალი სტანდარტის მომსახურებას, რაც ძალიან მნიშვნელოვანია “, - აცხადებს თამარ აბულაძე.
ღვინის ემოცია - საუკეთესო ქართული საჩუქარი!
მისამართი: თბილისი, ანა პოლიტკოვსკაიას 3/31
მაღაზია: #გადაეციემოცია
სხვა სიახლეები
რა სიახლეებით ხვდება სეზონს „შატო ართვაინი“
22.06.2026.18:00
ზაფხულის ტურისტულ სეზონს თელავის მუნიციპალიტეტში, სოფელ ართანაში მდებარე Chateau Artwine - შატო ართვაინი განახლებული ინფრასტრუქტურითა და ახალი სერვისებით ხვდება. როგორც Business Insider Georgia-სთან „შატო ართვაინის“ გენერალურმა მენეჯერმა ანა გაბაშვილმა განაცხადა, ბოლო პერიოდში კომპლექსში გაიხსნა აუზი და გაფართოვდა ღონისძიებების მიმართულებაც, რაც სტუმრებს კიდევ უფრო მრავალფეროვან გამოცდილებას სთავაზობს.
„ბოლო პერიოდში ჩვენს კომპლექსს რამდენიმე მნიშვნელოვანი სიახლე დაემატა. გავხსენით აუზი, რის შედეგადაც სტუმრებს უკვე შეგვიძლია შევთავაზოთ როგორც აუზით, ისე საუნებით სარგებლობა. ასევე მნიშვნელოვნად გამწვანდა ტერიტორია, რამაც გარემო კიდევ უფრო მიმზიდველი და კომფორტული გახადა.
სიახლეები გვაქვს ღონისძიებების მიმართულებითაც. დამატებით შევიძინეთ შესაბამისი ინვენტარი, რაც გვაძლევს შესაძლებლობას, სტუმრებს სხვადასხვა ტიპის ღონისძიების ორგანიზებაში შევუწყოთ ხელი - იქნება ეს ქორწილი, დაბადების დღე, თუ სხვა ღონისძიება. ამასთან, კომპლექსში ფუნქციონირებს გასართობი სივრცეც, სადაც სტუმრებს სხვადასხვა აქტივობითა და გასართობი ინვენტარით სარგებლობა შეუძლიათ“, - აცხადებს ანა გაბაშვილი.
მსოფლიოში მიმდინარე მოვლენებმა ობიექტის ჯავშნების დინამიკაზე გარკვეული უარყოფითი გავლენა იქონია.
„მიმდინარე სეზონზე მოთხოვნა აქტიურია, თუმცა მსოფლიოში მიმდინარე მოვლენებმა გარკვეული გავლენა ჩვენს საქმიანობაზეც მოახდინა და რამდენიმე მსხვილი ჯავშანი გაგვიუქმდა. მიუხედავად ამისა, სეზონი სტაბილურად მიმდინარეობს და იმედი გვაქვს, რომ აგვისტო-სექტემბერში მოთხოვნა კიდევ უფრო გაიზრდება.
რაც შეეხება სამომავლო გეგმებს, ამ ეტაპზე გაფართოებას არ ვგეგმავთ. ჩვენი მთავარი პრიორიტეტია არსებული სერვისების ხარისხის შენარჩუნება, განვითარება და სასტუმროს პოზიციების კიდევ უფრო გაძლიერება ბაზარზე, რათა აქტიურ რეჟიმში გავაგრძელოთ სტუმრების მიღება და მათთვის კომფორტული გარემოს შექმნა“, - აღნიშნავს გენერალური მენეჯერი.
როგორ იცვლება მოთხოვნა სამართლის კურსებზე და რომელი მიმართულებები ლიდერობს - ინტერვიუ „პრაქტიკული სწავლების ცენტრის“ დირექტორთან
22.06.2026.14:00
Brim Tbilisi საერთაშორისო ცნობადობის ზრდასა და ახალი პროექტების განხორციელებაზე მუშაობს
22.06.2026.12:00
