„ღვინის ემოცია“ განვითარების ახალ ეტაპზე - ინოვაციური დიზაინი, გაფართოებული ასორტიმენტი და საექსპორტო გეგმები
„ღვინის ემოცია“ ქართული ბრენდია, რომელიც 2020 წელს დაარსდა. ბრენდი ქმნის სუვენირებსა და სამკაულს საქართველოსა და ვაზის თემატიკით. მიმდინარე სიახლეებზე, გამოწვევებსა და სამომავლო გეგმებზე Business Insider Georgia კომპანიის დამფუძნებელს, თამარ აბულაძეს ესაუბრა.
„ღვინის ემოცია“ ქართული ბრენდია, რომელიც 2020 წელს დაარსდა. ბრენდი ქმნის სუვენირებსა და სამკაულს საქართველოსა და ვაზის თემატიკით. კომპანიას აქვს გამორჩეული, საავტორო ხელწერა, რომელის იდეა გაჩნდა მაშინ, როდესაც ქართულ ბაზარზე არ არსებობდა პრემიალური სუვენირები ამ მიმართულებით. ამჟამად, ღვინის ემოცია ცნობილია, როგორც პრემიალური ქართული საჩუქრების ბრენდი. კომპანია იყენებს ბრინჯაოს, მარმარილოს და უმაღლესი ხარისხის ნატურალურ ქვებს. თითოეული მოდელი ხელნაკეთია და შექმნილია საავტორო დიზაინით.
2026 წელს „ღვინის ემოცია“ ახალ მიმართულებებს ნერგავს. მისი საავტორო დიზაინის კოპირების გამო, შეიცვალა პარტნიორი, რომელთანაც წლების მანძილზე თანამშრომლობდა. ეს საკმაოდ ხშირი შემთხვევაა ქართულ ბაზარზე და დიდი გამოწვევა არაერთი ბიზნესისთვის.
მიუხედავად ცვლილებებისა, „ღვინის ემოციამ“ გაზარდა ასორტიმენტი და შექმნა ახალი მოდელი, სახელწოდებით „ბარაქის მტევანი“, რომელიც სრულიად ახალი სიტყვაა ქართული, ტრადიციული საჩუქრების მიმართულებით. ეს არის ბარაქის მომტანი მტევანი, რომელიც ყველა ქართლ ოჯახში უნდა იყოს.
„ღვინის ემოცია“ ასევე ზრდის ასორტიმენტს შარფების მიმართულებით. კომპანია ქმნის აბრეშუმის შარფებს, რომელზეც მიკროსკოპში დანახული, გაყინული ღვინის წვეთია გამოსახული. ახალ კოლექციას დაემატა ქართლი ღვინის კრისტალების ფოტოც, რომელიც უანალოგო მიმართულებაა როგორც საქართველოში, ასევე მსოფლიოში.
„ღვინის ემოცია“ აქამდე მხოლოდ ადგილობრივ ბაზარზე ოპერირებდა, თუმცა, ახლა უკვე მუშაობს საექსპორტო მიმართლებითაც. ყურძნისა და ვაზის თემატიკა ბევრი ქვეყნისთვისაა საინტერესო. კომპანია აფართოვებს ონლაინ გაყიდვებს და გეგმავს ექსპორტის დაწყებას რამდენიმე საერთაშორისო პლატფორმიდან. მის მთავარ ნიშად, ვაზისა და ქართული ღვინის თემატიკის ინოვაციური კუთხით წარმოჩენა რჩება “, - აცხადებს თამარ აბულაძე.
ინფორმაციისთვის, შოურუმი მდებარეობს ანა პოლიტკოვსკაიას 3/31 ნომერში.
სხვა სიახლეები
ვახტანგ ჟვანიამ გაერო-ს საჯარო სერვისების ფორუმის ფარგლებში გამართულ თემატურ სესიაზე საერთაშორისო საზოგადოებას იუსტიციის სახლის წარმატებული კონცეფცია „ყველაფერი ერთ სივრცეში“ – გააცნო
23.06.2026.18:50
იუსტიციის სახლის თავმჯდომარემ ვახტანგ ჟვანიამ გაერო-ს საჯარო სერვისების ფორუმის ფარგლებში გამართულ თემატურ სესიაზე საერთაშორისო საზოგადოებას იუსტიციის სახლის წარმატებული კონცეფცია – „ყველაფერი ერთ სივრცეში“ – გააცნო
სესიაზე „ინტეგრირებული მომსახურების მიწოდების სისტემები” სიტყვით გამოსვლისას ვახტანგ ჟვანიამ ყურადღება გაამახვილა იუსტიციის სახლის ფილიალებზე, მობილური იუსტიციის სახლის პროექტზე, პენიტენციურ დაწესებულებებში ხელმისაწვდომ სერვისებზე, სატელეფონო ცენტრსა და ბიზნესასისტენტის მომსახურებაზე.
მისი განცხადებით, იუსტიციის სახლის მიერ დანერგილი ინტეგრირებული სერვისების მოდელი მოქალაქეთა საჭიროებებზეა ორიენტირებული და ადმინისტრაციულ ბარიერებს ამცირებს. ვახტანგ ჟვანიამ აღნიშნა, რომ ამ მიდგომის წარმატება საერთაშორისო დონეზეც აღიარებულია და იუსტიციის სახლს სერვისების მიწოდების სფეროში საუკეთესო მიღწევებისთვის გაერო-ს საჯარო სამსახურის ჯილდო აქვს მინიჭებული.
იუსტიციის სახლი გაეროს მდგრადი განვითარების მიზნების შესაბამისად მუშაობს და განსაკუთრებულ მნიშვნელობას ანიჭებს ინკლუზიურობასა და თანაბარ ხელმისაწვდომობას, მათ შორის, შეზღუდული შესაძლებლობის მქონე პირებისთვის ადაპტირებული სერვისების განვითარებას.
დღეს საქართველოს მასშტაბით 127 იუსტიციის სახლი ფუნქციონირებს, რომლებიც მოქალაქეებს 500-ზე მეტ სახელმწიფო და კერძო სექტორის სერვისს სთავაზობს. წლის ბოლომდე ფილიალების რაოდენობა 132-მდე გაიზრდება, ხოლო ხელმისაწვდომი სერვისების რაოდენობა 1 000-ს გადააჭარბებს.
