Global Finance: მდგრადი დაფინანსების მიმართულებით საქართველოს ბანკი საუკეთესოა საქართველოში
საერთაშორისო გამოცემა Global Finance-მა მდგრადი დაფინანსების მიმართულებით 2026 წლის საუკეთესო ფინანსური ინსტიტუტები გამოავლინა 56 ქვეყნისა და ტერიტორიული ერთეულის მასშტაბით.
გამოცემამ საქართველოს ბანკი 2026 წლის საუკეთესოდ ბანკად დაასახელა საქართველოში მდგრადი დაფინანსების მიმართულებით.
როგორც Global Finance-ის რედაქცია აღნიშნავს, ჯილდოს მიზანი ისეთი გლობალური, რეგიონული და ადგილობრივი ფინანსური ლიდერების გამოვლენა და აღიარებაა, რომლებსაც მნიშვნელოვანი წვლილი შეაქვთ მდგრადი მომავლის შექმნის პროცესში.
ინფორმაციისთვის, მდგრადი დაფინანსება მიმართულია განახლებადი ენერგიის, ენერგოეფექტური მშენებლობების, ჯანდაცვის, განათლების და სხვა, დადებითი გარემოსდაცვითი და სოციალური გავლენის სექტორებისკენ/საქმიანობებისკენ.
„მდგრადი დაფინანსების მნიშვნელობა მსოფლიოს წამყვან ბაზრებზე სულ უფრო და უფრო იზრდება, რასაც ხელს უწყობს მდგრადი დაფინანსების მოცულობის ზრდა. შესაბამისად, Global Finance-ის მდგრადი დაფინანსების ჯილდო იმ ფინანსური ინსტიტუტების აღიარებასა და გამოვლენას ემსახურება, რომლებიც ქმნიან სხვადასხვა კრეატიულ, ინოვაციურ გადაწყვეტებს და სექტორში მწვანე დაფინანსების მიმართულებით ლიდერის პოზიციებს იკავებენ“, - აღნიშნავს ჯოზეფ ჯიარაპუტომ, Global Finance-ის დამფუძნებელი და სარედაქციო დირექტორი.
"Global Finance-ის მიერ საქართველოს ბანკისთვის მონიჭებული ჯილდო - “2026 წლის საუკეთესო ბანკი საქართველოში მდგრადი დაფინანსების მიმართულებით” - ჩვენი გრძელვადიანი სტრატეგიისა და სისტემური მუშაობის მნიშვნელოვანი აღიარებაა. ჩვენთვის მდგრადობა არ არის ცალკეული ინიციატივა - ის ინტეგრირებულია ჩვენს ბიზნეს მოდელში, რისკების მართვაში და პროდუქტების განვითარებაში. ვმუშაობთ მწვანე და კლიმატზე ორიენტირებული დაფინანსების გაფართოებაზე, ESG შეფასებების გაძლიერებაზე და ისეთი ფინანსური გადაწყვეტილებების შექმნაზე, რომლებიც ერთდროულად ქმნის ეკონომიკურ ღირებულებას და პოზიტიურ გარემოსდაცვით და სოციალურ გავლენას. ჩვენი წარმატება და Global Finance-ის მიერ მონიჭებული აღიარება საქართველოს ბანკის 9000-ზე მეტი თანამშრომლის ძალისხმევის შედეგია. ეს ჯილდო გვაძლევს დამატებით მოტივაციას, გავაგრძელოთ ლიდერობა საქართველოს ფინანსურ სექტორში მდგრადი განვითარების მიმართულებით”, - აღნიშნავს ანა ოსაძე, საქართველოს ბანკის ESG და მდგრადობის მიმართულების ხელმძღვანელი.
ინფორმაციისთვის, მდგრადი დაფინანსების ჯილდოს ფარგლებში გამარჯვებულების შერჩევა დამოუკიდებელი მკვლევრებისა და სარედაქციო ჯგუფის მიერ ორგანიზაციების მხრიდან წარმოდგენილ მონაცემებზე დაყრდნობით განხორციელდა. შეფასების კრიტერიუმები მოიცავდა როგორც მმართველობით პოლიტიკასა და მიზნებს, ასევე მიღწევებს გარემოსდაცვითი და სოციალური მდგრადი დაფინანსების მიმართულებით.
Global Finance-ის აღნიშნული ჯილდო მოიპოვეს ისეთმა ფინანსურმა ინსტიტუტებმა, როგორებიც არის: Ameriabank (სომხეთი), Deutsche Bank (გერმანია), Societe Generale (საფრანგეთი), HSBC (დიდი ბრიტანეთი) და სხვა.
დღის ტოპ 10 სიახლე
სხვა სიახლეები
გაფართოება, ახალი მიმართულებები და იმპორტ-ექსპორტის განვითარება - ARTE განვითარების ახალ ეტაპზე გადადის
29.04.2026.16:00
ARTE ბრენდირებული უნიფორმებისა და პრომო აქსესუარების მწარმოებელი კომპანიაა, რომელიც ბაზარზე 2022 წლიდან ოპერირებს. კომპანიის სიახლეებსა და სამომავლო გეგმებზე Business Insider Georgia-ს ARTE-ს დამფუძნებელი ნინო გიგინეიშვილი ესაუბრა.
„მეორე ფილიალის დამატებასთან ერთად, მომხმარებელთა მისაღები სივრცე სრულად გადავაკეთეთ და შოურუმი ცალკე გამოვყავით, რამაც წარმოების გაფართოების პროცესის დაწყების შესაძლებლობა მოგვცა.
გადავედით გუნდის გაფართოების ეტაპზე - ვამატებთ თანამშრომლებს და ვაძლიერებთ საოპერაციო პროცესებს. პარალელურად, მიმდინარეობს ლიდერი კადრების შერჩევა, რომლებიც კომპანიის განვითარების შემდეგ ეტაპებს წარმართავენ.
ახლო პერიოდში ვგეგმავთ ბეჭდვის მიმართულებით ახალი დანადგარების დამატებას, ასევე იწყება სამკერვალოს გაფართოება, რაზეც ამ ეტაპზე ინტენსიურად ვმუშაობთ “, - ამბობს ნინო გიგინეიშვილი.
კომპანია ასორტიმენტს მუდმივად აფართოებს და მომხმარებელთა მოთხოვნებზე ოპერატიულად რეაგირებს.
„ასორტიმენტს მუდმივად ვაფართოებთ - მომხმარებლის მოთხოვნებზე მაქსიმალურად სწრაფად ვრეაგირებთ და თითქმის ყოველდღიურად ვამატებთ ახალ პოზიციებს. მნიშვნელოვნად გავზარდეთ წარმადობაც.
იანვარ-თებერვალი შედარებით ნაკლებად დატვირთული პერიოდი იყო, რაც გამოვიყენეთ შიდა პროცესების დასარეგულირებლად - გავმართეთ გაყიდვების CRM სისტემა, დავალაგეთ ოპერაციული პროცესები, მარაგების მართვა და შესყიდვების მიმართულება, რათა ყველაფერს უფრო სისტემური სახე მიეღო.
ამასთან, აქტიურად ვთანამშრომლობთ სხვადასხვა კომპანიასთან - ჩვენი პორტფელი ყოველდღიურად იზრდება და გვყავს არაერთი სტაბილური დამკვეთი, მათ შორის მრავალი მსხვილი და ბრენდული კომპანია “, - აცხადებს კომპანიის დამფუძნებელი.
ARTE სამომავლოდ იმპორტისა და ექსპორტის მიმართულებით აქტიურ განვითარებას გეგმავს.
„გვსურს საწარმოს აშენება და გაფართოება. ამ მიმართულებით უკვე დაწყებულია მუშაობა. ჩვენი მიზანია, მაქსიმალურად ეფექტურად გამოვიყენოთ არსებული რესურსები, მათ შორის სხვადასხვა ტიპის დაფინანსება, და ეტაპობრივად განვახორციელოთ საწარმოს გაფართოება.
გარდა ამისა, გამოცხადებული გვაქვს იმპორტის მენეჯერის ვაკანსია, რათა კიდევ უფრო გავაძლიეროთ ეს მიმართულება და აქტიურად გავზარდოთ უცხოური პროდუქციის შემოტანა.
პირადად გავდივარ საწარმოს დაფინანსებისა და ექსპორტის კურსს, რაც საშუალებას მოგვცემს მომავალში ექსპორტის მიმართულებაც სისტემურად განვავითაროთ. შესაბამისად, კომპანია უკვე აქტიურად იწყებს მუშაობას როგორც იმპორტის, ისე ექსპორტის განვითარებაზე “, - აღნიშნავს ნინო გიგინეიშვილი.
ინფორმაციისთვის, ARTE-ს საკმაოდ ბევრი, მასშტაბური პროექტი აქვს განხორციელებული. ბაზარზე გამოირჩევა მომხმარებელზე მორგებული ტარიფებითა და მაღალი პასუხისმგებლობით. პროდუქცია იწარმოება საქართველოში.
Mercedes-Benz Fashion Week Tbilisi ბრუნდება საქართველოს დედაქალაქი მოდის კვირეულს 7-10 მაისს უმასპინძლებს
29.04.2026.15:58
როგორ აფასებს „სანდომი“ FHA 2026-ის გამოფენას და რა გეგმები აქვს კომპანიას სამომავლოდ
29.04.2026.14:00
საქართველოს ბიზნეს ასოციაციასა და ყირგიზეთის სავაჭრო ქსელებისა და მომსახურების სფეროს ასოციაციაციას შორის შეხვედრა გაიმართა
29.04.2026.13:56
Global Finance-ის დაჯილდოების ცერემონიაზე საქართველოს ბანკს მდგრადი დაფინანსების მიმართულებით საქართველოში საუკეთესო ბანკის ჯილდო გადაეცა
29.04.2026.12:29
