საქართველოს უმსხვილესმა სამშენებლო და სარემონტო ჰიპერმარკეტების ქსელმა „გორგიამ“ საერთაშორისო გაფართოების გზაზე კიდევ ერთი მნიშვნელოვანი ნაბიჯი გადადგა და სომხეთის დედაქალაქ ერევანში, ჰომპლექს მოლში, 3,000 კვადრატულ მეტრზე განთავსებული შოურუმი და 100 კვ/მ-ზე განლაგებული საწყობი გახსნა. 

გახსნის ოფიციალურ ცერემონიას დაესწრო: სომხეთის პრემიერ-მინისტრი ნიკოლ ფაშინიანი და ადგილობრივი ბიზნესის წარმომადგენლები. 

აღსანიშნავია, რომ „გორგიამ“ სომხეთში უკვე შექმნა 100-მდე  ახალი სამუშაო ადგილი, რაც კიდევ ერთხელ ადასტურებს კომპანიის ძლიერ სოციალურ პასუხისმგებლობას და რეგიონული თანამშრომლობის მხარდაჭერას, ახალი ფილიალის გახსნა არ არის მხოლოდ კომპანიის სტრატეგიული განვითარების ნაწილი — ის მნიშვნელოვანწილად უწყობს ხელს საქართველოს ეკონომიკური ინტეგრაციისა და პოზიციონირების განმტკიცებას რეგიონში.

„ამ ეტაპზე „გორგიას“ მთავარი ამოცანაა, ხელი შევუწყოთ რეგიონული თანამშრომლობის გაღრმავებას და მომხმარებელს შევთავაზოთ თანამედროვე სტანდარტების შესაბამისი პროდუქცია და მომსახურება. ერევანში შოურუმის გახსნა არა მხოლოდ ჩვენი ბიზნესსტრატეგიის მნიშვნელოვანი ნაწილია, არამედ გამოხატავს ჩვენს ნდობას რეგიონული ბაზრის პოტენციალის მიმართ,“ — განაცხადა „გორგიას“ აღმასრულებელმა დირექტორმა, თორნიკე გურულმა

2025 წელი „გორგიასთვის“ აქტიური გაფართოების ეტაპია. ევროკავშირსა და სამხრეთ კავკასიაში პოზიციების განმტკიცებასთან ერთად, კომპანიამ უკვე ჩამოაყალიბა სტაბილური პარტნიორული ქსელი სომხეთში, რაც მომხმარებლებისთვის ხარისხიანი და მრავალფეროვანი პროდუქციის მიწოდების წინაპირობაა.

„გორგია“ ამიერკავკასიაში ყველაზე დიდი DIY ჰიპერმარკეტების ქსელია. კომპანიის ოფისები მდებარეობს თბილისში, ბაქოში, სტამბოლში, სოფიასა და ერევანში.