„გორგიამ“ უზბეკეთში სამშენებლო-სარემონტო მასალების გამოფენაზე მიიღო მონაწილეობა
„გორგიამ“ უზბეკეთში გამართულ საერთაშორისო სამშენებლო-სარემონტო გამოფენაზე მონაწილეობა მიიღო. აღნიშნული ღონისძიება ცენტრალური აზიის ერთ-ერთი ყველაზე მასშტაბური და გავლენიანი სამშენებლო პლატფორმაა, რომელიც ყოველწლიურად აერთიანებს ინდუსტრიის წამყვან კომპანიებს.
რიგით 27-ე სამშენებლო გამოფენა „Uzbuild 2026” -მა გააერთიანა 22 ქვეყანა და 450-ზე მეტი კომპანია. „გორგიას“ მონაწილეობა აღნიშნულ ღონისძიებაში წარმოადგენს გლობალურ ასპარეზზე გაფართოების სტრატეგიის მორიგ მნიშვნელოვან ნაბიჯსა და ცენტრალური აზიის ბაზარზე პოზიციონირების შესაძლებლობას.
„როგორც სამშენებლო-სარემონტო მასალების სფეროში წამყვანი კომპანია, ჩვენი ერთ-ერთი მთავარი სტრატეგიული მიზანია საერთაშორისო ბაზარზე განვითარება. ბოლო წლებში აქტიურად ვაანალიზებთ და ვსწავლობთ იმ რეგიონებს, სადაც კომპანიის გაფართოება ყველაზე პერსპექტიული იქნება. დღეს უკვე წარმოდგენილნი ვართ ბულგარეთში, სომხეთსა და აზერბაიჯანში, ხოლო ჩვენი პროდუქციის რეალიზაციას ვახდენთ საუდის არაბეთშიც. უზბეკეთის ბაზარი კი ჩვენთვის განვითარების ახალი შესაძლებლობაა, რადგან ქვეყნის ეკონომიკური ზრდა და სამშენებლო სექტორის აქტიური დინამიკა მას სტრატეგიულად მნიშვნელოვან მიმართულებად წარმოაჩენს საერთაშორისო გაფართოებისთვის. “ - აღნიშნა, „გორგიას“ აღმასრულებელმა დირექტორმა, თორნიკე გურულმა
გამოფენაზე „გორგიას“ სტენდმა განსაკუთრებული ინტერესი გამოიწვია, რაც კიდევ ერთხელ ადასტურებს საერთაშორისო ბაზრის მზარდ ინტერესს კომპანიის მიმართ.
ჰიპერმარკეტების ქსელი გორგია ამიერკავკასიაში ყველაზე დიდი კორპორაციაა სამშენებლო-სარემონტო სფეროში. კომპანიის ოფისები მდებარეობს თბილისში, ბაქოში, სტამბოლში, ერევანში, ჯიდასა და სოფიაში.
დღის ტოპ 10 სიახლე
სხვა სიახლეები
საქართველოს საავიაციო ბაზარზე ახალი ავიაკომპანია DAN AIR-ი შემოდის
11.06.2026.15:32
საქართველოსა და რუმინეთის დედაქალაქებს შორის პირდაპირი რეგულარული საჰაერო მიმოსვლა განახლდება. ფრენებს რუმინული ავიაკომპანია DAN AIR-ი, ბუქარესტი - თბილისი - ბუქარესტის საჰაერო ხაზზე შეასრულებს.
ავიაკომპანიის მიერ, სამოქალაქო ავიაციის სააგენტოში წარმოდგენილი განაცხადის შესაბამისად, ავიაკომპანია ფრენებს განახორციელებს 1 ივლისიდან 24 ოქტომბრამდე, კვირაში 2 სიხშირით ყოველ სამშაბათსა და შაბათს.
საქართველოს ეკონომიკისა და მდგრადი განვითარების სამინისტროს სსიპ სამოქალაქო ავიაციის სააგენტომ ავიაკომპანიას ფრენების შესრულებისათვის აუცილებელი ნებართვა 9 ივნისს მიანიჭა.
საქართველო არის ადგილი, სადაც შესაძლებელია ბიზნესის დაწყება და გლობალურ ბაზრებზე გასვლა - ავთანდილ კასრაძე
11.06.2026.15:30
ინოვაციების საგრანტო პროგრამა ახალგაზრდებს ახალისებს, რადგან სახელმწიფო აძლევს მათ შესაძლებლობას, საწყის კაპიტალთან ჰქონდეთ წვდომა - ავთანდილ კასრაძე
11.06.2026.14:30
5-7 ივნისს, ემბისის წარმომადგენლები EBRD-ის 35-ე ყოველწლიურ შეხვედრასა და ბიზნეს ფორუმს დაესწრნენ, რომელიც ლატვიის დედაქალაქ რიგაში გაიმართა
11.06.2026.14:07
Emaar-ი დუბაის გენერალური განვითარების გეგმას წარადგენს, რომელიც 150,000 მაცხოვრებელზე იქნება გათვლილი - დეტალები
11.06.2026.13:56
ყველა საერთაშორისო ავტორიტეტული ორგანიზაციის რეიტინგებში ქართული ბიზნეს გარემო ერთ-ერთ პირველ ადგილზეა - GITA-ს თავმჯდომარე
11.06.2026.11:30
