GREENOX Development  სამშენებლო კომპანიაა, რომლის საქმიანობაც ეფუძნება ეკოლოგიური პასუხისმგებლობის პრინციპებს, პრემიუმ ხარისხის მასალების გამოყენებასა და თბილისის ისტორიულ უბნებში თანამედროვე ინფრასტრუქტურის დანერგვას. მეტი ინფორმაციისთვის, Business Insider Georgia კომპანიის მარკეტინგის მენეჯერს ნინი თანდილაშვილს ესაუბრა.

როგორია კომპანიის საქმიანობის სპეციფიკა, როდიდან ოპერირებთ ბაზარზე და რას სთავაზობთ მომხმარებელს?

Greenox Development არის ერთ-ერთი წამყვანი დეველოპერი, რომელიც თბილისის უძრავი ქონების ბაზარზე 2016 წლიდან ოპერირებს. კომპანიის საქმიანობა მიმართულია მაღალი ხარისხის საცხოვრებელი გარემოს შექმნისკენ, თანამედროვე არქიტექტურული და ურბანული მიდგომების გათვალისწინებით.

Greenox-ის ძირითადი მიმართულებაა დედაქალაქის ისტორიულ უბნებში, ბუტიკური ტიპის საცხოვრებელი პროექტების შექმნა, სადაც დაცულია გარემოს ავთენტურობა და ამავდროულად დანერგილია თანამედროვე ცხოვრების სტანდარტები.

კომპანია მომხმარებელს სთავაზობს გონივრულად დაგეგმარებულ საცხოვრებელ სივრცეებს, გამწვანებულ გარემოს, თანამედროვე ინფრასტრუქტურას, კომერციულ ზონებსა და მიწისქვეშა პარკინგს, რაც სრულად პასუხობს კომფორტული და მაღალი ხარისხის ურბანული ცხოვრების მოთხოვნებს.

რამდენად მზარდია მოთხოვნა ეკოლოგიურ და ენერგოეფექტურ საცხოვრებელ პროექტებზე და როგორ პასუხობთ ამ ტენდეციას?

ბოლო წლებში თბილისში ნამდვილად მზარდია მოთხოვნა ეკოლოგიურ და ენერგოეფექტურ საცხოვრებელ პროექტებზე, რასაც ადასტურებს ჩვენს მიერ 2024-2025 წელს შესრულებულ პროექტზე, “გრინოქსი აბაშიძეზე” , მომხმარებლების ინტერესი. ეს განპირობებულია როგორც ცხოვრების ხარისხის მიმართ გაზრდილი მოლოდინებით, ისე გრძელვადიანი ეკონომიური სარგებლისადმი ინტერესით.

Greenox Development ამ ტენდენციას პასუხობს პროექტების დაგეგმარების პროცესიდანვე - აქცენტი კეთდება გარემოსთან ჰარმონიულ ინტეგრაციაზე, ბუნებრივი რესურსების რაციონალურ გამოყენებასა და საცხოვრებელი სივრცეების მაქსიმალურ კომფორტზე.

კომპანია ცდილობს ისეთი ურბანული გარემოს შექმნას, სადაც ენერგოეფექტურობა და თანამედროვე ცხოვრების სტანდარტები ერთიანდება ერთ მთლიან, გააზრებულ არქიტექტურულ გადაწყვეტაში, რაც მომხმარებელს აძლევს როგორც კომფორტს, ისე მდგრად საინვესტიციო ღირებულებას მომავალში.

რა არის ის ძირითადი ფაქტორები, რომლებიც Greenox-ის პროექტებს კონკურენტებისგან განასხვავებს, განსაკუთრებით პრემიუმ სეგმენტში?

Greenox Development-ის პროექტების კონკურენტული უპირატესობები პრემიუმ სეგმენტში რამდენიმე ძირითად ფაქტორზეა დაფუძნებული, რომლებიც მას ბაზარზე გამორჩეულ პოზიციას აძლევს. პირველ რიგში, ეს არის ლოკაციის სტრატეგიული შერჩევა. გრინოქსის ძირითადი სამიზნე ტერიტორია დედაქალაქის ისტორიულ და პრესტიჟულ უბნებშია, როგორებიცაა ვერა, ვაკე, მარჯანიშვილის მიმდებარე ტერიტორია, ლისი და სხვა.

მეორე მნიშვნელოვანი ფაქტორია ბუტიკური მასშტაბის განაშენიანება - შედარებით მცირე, დაბალი განაშენიანების პროექტები ქმნის უფრო მეტ პრივატულობას, ნაკლებ დატვირთვასა და კომფორტულ საცხოვრებელ გარემოს, რაც პრემიუმ სეგმენტში განსაკუთრებით მოთხოვნადია. მესამე მიმართულებაა არქიტექტურული და ფუნქციური გადაწყვეტა - თანამედროვე, მინიმალისტური დიზაინი შერწყმულია გონივრულ გეგმარებასთან, რაც მაქსიმალურად იყენებს სივრცეს და უზრუნველყოფს ბუნებრივ განათებასა და კომფორტს. 

ასევე მნიშვნელოვანი უპირატესობაა ეკოლოგიური და ენერგოეფექტური მიდგომა - პროექტებში გამოყენებულია თანამედროვე სამშენებლო სტანდარტები, რაც მიმართულია ენერგიის მოხმარების შემცირებისა და უფრო მდგრადი საცხოვრებელი გარემოს შექმნისკენ.

და ბოლოს, კომპანიას გამოარჩევს ხარისხსა და ვადებზე ორიენტირებული შესრულება, რაც ზრდის ბრენდის სანდოობას პრემიუმ ბაზარზე.

რა მიმართულებით გეგმავთ კომპანიის განვითარებას - იგეგმება თუ არა ახალი პროექტების დაწყება, ლოკაციების გაფართოება ან ახალი კონცეფციების დანერგვა ბაზარზე?

როგორც უკვე ავღნიშნე, კომპანიის განვითარების მთავარი მიმართულებაა ისტორიულ უბნებში ძველი თბილისის კულტურის შენარჩუნება თანამედროვე არქიტექტურის ინტეგრირებით.

უახლოეს მომავალში „გრინოქსი“ გეგმავს ვაკის ტერიტორიაზე ბუტიკური, მცირე განაშენიანების პროექტის დაწყებას, სადაც ყურადღება გამახვილდება თანამედროვე არქიტექტურაზე, ენერგოეფექტურობასა და მობინადრეთა კომფორტზე.
ასევე, ერთ-ერთი მნიშვნელოვანი მიმართულებაა ლოკაციების გაფართოება - პრესტიჟული ცენტრალური უბნების გარდა, კომპანია განიხილავს ახალ, სწრაფად განვითარებად არეალებს. გარდა ამისა, გრინოქსის მაღალკვალიფიციური გუნდი მუშაობს ახალი კონცეფციების დანერგვაზე, რაც მოიცავს:

● ეკოლოგიურად მეგობრულ (მწვანე) პროექტებს ისტორიულ უბნებში;
● თანამედროვე, ფუნქციურ დაგეგმარებებს თანამედროვე ადამიანის მოთხოვნებიდან გამომდინარე;
● საცხოვრებელ კომპლექსებში დამატებითი სერვისებისა და ინფრასტრუქტურის ინტეგრაციას.

გრინოქს დეველოპმენტის მთავარი მიზანია არა მხოლოდ საცხოვრებელი სივრცეების შექმნა, არამედ ისეთი გარემოს განვითარება, რომელიც პასუხობს თანამედროვე ცხოვრების სტილს, მაგრამ, ამავდროულად არ კარგავს დედაქალაქის ისტორიის ავთენტურობას.

დამატებითი ინფორმაციისთვის, დაინტერესებულ პირებს შეუძლიათ ბრენდის ვებგვერდს ეწვიონ.