GuriaFish წელს ნორვეგიული ორაგულის გაყიდვების ზრდას პროგნოზირებს, ხოლო 2027 წლიდან ექსპორტსაც განიხილავს
GuriaFish გურიაფიში, რომელიც ნორვეგიული ორაგულის მოშენებასა და რეალიზაციას ახდენს, წლის მეორე ნახევრიდან გაყიდვების ზრდას პროგნოზირებს, რაც კომპანიისთვის გაზრდილი წარმოების შედეგად გახდება შესაძლებელი.
როგორც Business Insider Georgia-სთან „გურია ფიშ პროდაქშენის“ ხელმძღვანელმა რევაზ ჩიტიძემ განაცხადა, ამ ეტაპზე „გურია ფიში“ თვეში 25 ტონამდე ნორვეგიულ ორაგულს აწარმოებს.
„ჩვენ რეალურად ბაზარზე 2024 წლიდან შევედით. მანამდე საცდელი გაყიდვები გვქონდა. 2024 წლის ბოლოდან კი 2025 წელი უკვე სრული რეალიზაციის წელი იყო. თვეში 20–25 ტონის რეალიზაციას ვახდენთ. წელს წარმოება გაიზრდება და წლის მეორე ნახევარში თვეში დაახლოებით 30–40 ტონის რეალიზაციას ვგეგმავთ“, – განმარტავს რევაზ ჩიტიძე.
ამ ეტაპზე „გურია ფიშის“ პროდუქცია აქტიურად იყიდება როგორც სუპერმარკეტების ქსელებში, ასევე ჰორეკა სექტორში.
„კარფურის ქსელში მთლიანად ჩვენი თევზია წარმოდგენილი. ვამარაგებთ რესტორნებსა და სუში ბარებს“, – ამბობს რევაზ ჩიტიძე.
2027 წლიდან „გურიაფიში“ ექსპორტის დაწყებასაც განიხილავს, თუმცა კონკრეტულ ბაზრებზე კომპანიაში ჯერჯერობით არ საუბრობენ. აღნიშნავენ, რომ ამ მიმართულებით აქტიური მოლაპარაკებები მიმდინარეობს.
რაც შეეხება ადგილობრივ ბაზარს, „გურია ფიშის“ გაყიდვები ტურისტულ სეზონებზე დამოკიდებული არ არის.
„ჩვენს გაყიდვებზე ტურისტულ სეზონს დიდი გავლენა აქვს, რადგან ნორვეგიული ორაგულის მომხმარებელი ტურისტი საქართველოში დიდი რაოდენობით არ ჩამოდის. ნორვეგიული ორაგული ძირითადად გამოიყენება სუში და სხვა მსგავსი პროდუქტებისთვის, რომელთა მომხმარებლები ტურისტულ სეზონზე საქართველოდან გადიან. შესაბამისად, ტურისტულ სეზონზე ნორვეგიული ორაგულის მოხმარება არ იზრდება, პირიქით, კლებულობს. მაგალითად, იანვარი აქტიური თვე იყო, ხოლო თებერვალი შედარებით დაბალი გაყიდვებით ხასიათდება“, – განმარტავს „გურია ფიშ პროდაქშენის“ ხელმძღვანელი.
ცნობისთვის, ბრენდი „გურია ფიში“ სამ კომპანიას აერთიანებს. პირველი კომპანიაა „გურია ფიში“, სადაც ლიფსიტების გამოყვანა ხდება. შემდეგ თევზი გადადის ძირითად ფერმაში, სადაც ორაგულის გაზრდის პროცესი მიმდინარეობს, რასაც „გურია ფიშ ფარმინგი“ მართავს. მესამე კომპანიაა „გურია ფიშ პროდაქშენი“, რომელიც ნორვეგიული ორაგულის რეალიზაციას ახორციელებს.
სხვა სიახლეები
Black Friday ახლოვდება - აღმოაჩინე საქართველოს ბანკის შეთავაზებები
21.11.2026.21:37
Black Friday ახლოვდება, რაც იმას ნიშნავს, რომ შოპინგისთვის განსაკუთრებული დრო იწყება. ამასთან დაკავშირებით, საქართველოს ბანკი მომხმარებლებს მრავალფეროვან შეთავაზებებს სთავაზობს, რომლებიც სხვადასხვა ინტერესსა და საჭიროებაზეა მორგებული.
შეამოწმე შეთავაზებების სივრცე საქართველოს ბანკის მობილბანკში, შეარჩიე შენთვის საინტერესო შეთავაზება და ისარგებლე განსაკუთრებული პირობებით.
ფასდაკლებებთან ერთად, შესაძლებლობა გექნება, მიიღო ქეშბექი, დააგროვო მეტი PLUS და MR ქულა და შოპინგისას დამატებითი სარგებელი მიიღო.
მოემზადე Black Friday-სთვის, აღმოაჩინე შენთვის სასურველი შეთავაზებები და გახადე შოპინგი კიდევ უფრო მომგებიანი.