„გურმანიას“ მოცვის საწებელი SIAL Innovation 2026-ისთვის შეირჩა
„გურმანიას“ ბრენდით წარმოებული მოცვის საწებელი საფრანგეთში SIAL 2026-ის ინოვაციების კონკურსისთვის შეარჩიეს ”, - ამის შესახებ, Buisness Insider Georgia-ს „ფრუტ ლოჯისტიკის“ წარმომადგენელმა განუცხადა.
„გურმანიას“ ბრენდით წარმოებული მოცვის საწებელი საფრანგეთში SIAL 2026-ის ინოვაციების კონკურსისთვის შეარჩიეს. გადაწყვეტილება SIAL Innovation-ის დამოუკიდებელ ექსპერტთა ჟიურიმ მიიღო.
SIAL Innovation მსოფლიოში კვების პროდუქტებისა და სასმელების უდიდეს და გავლენიან საერთაშორისო გამოფენის SIAL-ის (Salon International de l’Alimentation) ფარგლებში ტარდება, რომელიც სასურსათო ინდუსტრიის მთავარი გლობალური პლატფორმაა.
ჟიური ამ კონკურსზე კვების ინდუსტრიაში ინოვაციურ პროდუქტებს გამოავლენს და მათ საერთაშორისო პროფესიონალური აუდიტორიის წინაშე წარადგენს.
მოცვის საწებელი არტიზანული პროდუქტია, რომელიც 2026 წელს შეიქმნა. პროდუქტი ქართული ტრადიციული საწებლების რეცეპტითაა დამზადებული და არ შეიცავს ხელოვნურ დანამატებს. მის შემადგენლობაში 95% ქართული მოცვია.
SIAL Innovation -ის გზავნილი კომპანია „ფრუტ ლოჯისტიკისთვის“ მნიშვნელოვანი შესაძლებლობაა საერთაშორისო ბაზრებზე ბრენდისა და ქართული პროდუქტის ცნობადობის გასაზრდელად.
აღსანიშნავია ისიც, რომ ჩვენი კომპანია, საქართველოს ინვესტიციების სააგენტოს მხარდაჭერით, 17-21 ოქტომბერს, საფრანგეთში, SIAL Paris 2026-ის გამოფენაშიც მიიღებს მონაწილეობას, სადაც „გურმანიას“ ბრენდით წარმოებულ სხვა ქართულ პროდუქციასაც წარადგენს“, - აცხადებს კომპანიის წარმომადგენელი.
დღის ტოპ 10 სიახლე
სხვა სიახლეები
ჩვენთან ტურიზმის ინფრასტრუქტურა და ზოგადად ეს სექტორი ძალიან დინამიურად ვითარდება, განსაკუთრებით ბოლო წლებში, და მას მნიშვნელოვანი როლი უკავია ქვეყნის მთლიან ეკონომიკაში - სოსო ფხაკაძე
18.09.2026.16:04
გაეროს ტურიზმის ორგანიზაციის (UN Tourism) გენერალური მდივანი, შაიხა ალ ნუვაისი საქართველოს ოფიციალური ვიზიტით ეწვია. ვიზიტის ფარგლებში გამართულ შეხვედრაზე, რომელსაც საქართველოს ეკონომიკისა და მდგრადი განვითარების მინისტრის მოადგილე ირაკლი ნადარეიშვილი უძღვებოდა, მხარეებმა ქვეყნის ტურისტული შესაძლებლობები, სექტორის განვითარების პერსპექტივები და საერთაშორისო ბაზრებზე ქართული ტურისტული პროდუქტების პოზიციონირების საკითხები განიხილეს.
შეხვედრის ფარგლებში, საქართველოს ბიზნეს ასოციაციის (BAG) პრეზიდენტმა, სოსო ფხაკაძემ სტუმრებსა და მონაწილეებს საქართველოში არსებული ბიზნესგარემო და BAG ინდექსის მონაცემები გააცნო. მისი შეფასებით, ტურიზმის ინდუსტრიის დინამიური განვითარება და საერთაშორისო ორგანიზაციებთან მჭიდრო თანამშრომლობა ქვეყნის ეკონომიკური ზრდის მნიშვნელოვანი საფუძველია:
„ასეთი რანგის სტუმრის ვიზიტი საქართველოში ძალიან მნიშვნელოვანი და ფასეულია. მით უმეტეს, ჩვენთან ტურიზმის ინფრასტრუქტურა და ზოგადად ეს სექტორი ძალიან დინამიურად ვითარდება, განსაკუთრებით ბოლო წლებში, და მას მნიშვნელოვანი როლი უკავია ქვეყნის მთლიან ეკონომიკაში. BAG ინდექსის კვლევა წარგვადგინეთ , რაც მოიცავს ბიზნესის კლიმატს, დასაქმების ბარომეტრებსა და საინვესტიციო გარემოს. ძალიან მნიშვნელოვანია, რომ დინამიკა სამივე მაჩვენებლის პოზიტიურია და გვაქვს ზრდა.” - აღნიშნა სოსო ფხაკაძემ.
სამუშაო შეხვედრას ტურიზმის ეროვნული ადმინისტრაციის ხელმძღვანელი მაია ომიაძე, ესპანეთის სამეფოში საქართველოს ელჩი ალექსანდრე ჭკუასელი, საქართველოს ტურიზმის ასოციაციისა და სტუმარ-მასპინძლობის სექტორის სხვა წარმომადგენლები ესწრებოდნენ.
