ბიოქიმფარმის გენერალური მენეჯერი, რატი ღოლიჯაშვილი განცხადებით, კომპანიამ ბოლო წლებში ფაგების ისტორიული საწარმოს მოდერნიზებისთვის 17 მილიონი ლარის ინვესტიცია განახორციელა, რის შედეგადაც საწარმო საერთაშორისო GMP სტანდარტების შესაბამის თანამედროვე ინფრასტრუქტურად გარდაიქმნა.

რომელიც ტელეკომპანია „მაესტროს“ ეთერში გადაცემა Business Insider Georgia-ში სტუმრობისას მან აღნიშნა, პროექტის განხორციელებაში მნიშვნელოვანი როლი სახელმწიფოსა და საერთაშორისო პარტნიორების მხარდაჭერამ ითამაშა, რაც კერძო და საჯარო სექტორის თანამშრომლობის წარმატებულ მაგალითად შეიძლება ჩაითვალოს.
„დაახლოებით ხუთი წლის წინ ჩვენ განვახორციელეთ 17 მილიონი ლარის ინვესტირება და ეს ისტორიული ფაგების პირველი საწარმო გადავაქციეთ თანამედროვე, ევროპული საერთაშორისო სტანდარტების GMP-ის შესაბამის საწარმოდ. და ამ პროექტის ფარგლებში ძალიან მნიშვნელოვანი იყო, სახელმწიფოს როლი. ადგილობრივ და საერთაშორისო პარტნიორებთან ერთად, მათი ჩართულობით განვახორციელეთ ყველაფერი, მათ შორის ეკონომიკის სამინისტრო, GITA, სააგენტო „აწარმოე საქართველოში“, EBRD - მათი ხელშეწყობის გარეშე, ფაქტობრივად, ძალიან რთული იქნებოდა ამ ყველაფრის განხორციელება. ეს იყო „ზურგის ქარი“ და ვფიქრობ, რომ ეს ძალიან მნიშვნელოვანი იყო. ეს შედეგი, მიმაჩნია, რომ სწორედ კერძო და საჯარო თანამშრომლობის ძალიან კარგი მაგალითია, თუმცა, რა თქმა უნდა, მომავალში კიდევ ძალიან ბევრია გასაკეთებელი“, - ამბობს კომპანიის გენერალური მენეჯერი.

რატი ღოლიჯაშვილის განცხადებით, კომპანიას აქვს ამბიცია, საქართველო ანტიბიოტიკორეზისტენტობის წინააღმდეგ ბრძოლის საერთაშორისო ცენტრად ჩამოყალიბდეს. 
„ჩვენ გვაქვს ძალიან დიდი, თითქმის 100 წლიანი აკუმულირებული გამოცდილება და ძალიან დიდი ამბიციები იმ თვალსაზრისით, რომ საქართველო გახდეს სწორედ რომ ანტიბიოტიკორეზისტენტობის წინააღმდეგ მებრძოლი ჰაბი, შეიძლება ითქვას, და ის მსოფლიო მიზიდულობის ცენტრი, სადაც პაციენტები ჩამოვლენ და აქ იმკურნალებენ ამ მიმართულებით რეზისტენტული ინფექციების მიმართულებით, კომპანიები ჩამოვლენ, ინსტიტუციები ჩამოვლენ, ინვესტორები ჩამოვლენ, კვლევითი ორგანიზაციები და საქართველოს ბაზაზე, მოხდება ძალიან ბევრი თანამშრომლობა ადგილობრივი, საერთაშორისო და მნიშვნელოვან როლს შევიტანთ ანტიბიოტიკორეზისტენტობის ამ პრობლემის მოგვარებაში არა მხოლოდ საქართველოში, რეგიონულ და მსოფლიო დონეზე“, - ამბობს ბიოქიმფარმის გენერალური მენეჯერი.