Chako Lab არის საერთაშორისო ბრენდი, რომელიც თერმული ჭურჭლისა და აქსესუარების წარმოებით არის ცნობილი. საქართველოში ბრენდი 2026 წლის გაზაფხულიდან ოპერირებს და მომხმარებლებს საერთაშორისო სტანდარტების შესაბამის, ფუნქციურ და თანამედროვე დიზაინის პროდუქციას სთავაზობს. როგორ ვითარდება კომპანია ადგილობრივ ბაზარზე და რა გეგმები აქვს მომავალში - ამის შესახებ Business Insider Georgia-ს Chako Lab Georgia-ს დამფუძნებელი ნინო მიქაბერიძე ესაუბრა.

როგორია თქვენი საქმიანობის სპეციფიკა, როდის დაიწყეთ ბაზარზე ოპერირება და რას სთავაზობთ მომხმარებლებს?

ჩვენი გუნდი საქართველოში რეალიზაციას უწევს საერთაშორისო ბრენდის Chako Lab-ის პროდუქციას, კომპანია დაარსდა ჩინეთში 2020 წელს, როგორც კრეატიული სტარტაპი, დღეს კი მსოფლიოს გარშემო მრავალ ქვეყანაში აწარმოებს ბიზნეს საქმიანობას. Chako Lab-ი საქართველოს ბაზარზე 2026 წლის გაზაფხულზე გამოჩნდა, ჩვენი გუნდის მიზანი იყო წარმოგვედგინა ისეთი ბრენდის პროდუქცია, რომელიც აკმაყოფილებდა საერთაშორისო სტანდარტებს, ხდიდა ადამიანის ყოველდღიურობას უფრო კომფორტულსა და ეკოლოგიურს, ამასთანავე ნაკლებდ იყო ცნობილი ადგილობრივ ბაზარზე. ძიების პროცესში აღმოვაჩინეთ Chako Lab-ი, რომელიც ქმნის მაღალი ხარისხის თერმულ ჭურჭელს და ფოკუსირებულია ესთეტიკისა და ფუნქციურობის სინთეზე.

როგორია კომპანიის მიმდინარე ასორტიმენტი და რომელი პროდუქტებია დღეს ყველაზე მოთხოვნადი?

Chako Lab Georgia-ს ასორტიმენტი შედგენილია ისე, რომ დააკმაყოფილოს სხვადასხვა საჭიროება - ყოველდღიური ჰიდრატაციიდან დაწყებული, აქტიური მოგზაურობით დასრულებული. მიმდინარე ასორტიმენტს შეადგენს თერმული ჭიქები და თერმული ბოთლები, ასევე აქსესუარები: სხვადასხვა ტიპის თავსახურები, დამცავი გადასაფარებლები, ჩანთები და სხვ. Chako Lab-ის პროდუქცია ინარჩუნებს სასმლის ოპტიმალურ ტემპერატურას საათების განმავლობაში და არ უცვლის შიგთავსს გემოს. განსაკუთრებული პოპულარობით სარგებლობს საბავშვო მოდელი ე.წ bobo cup, რომელიც შექმნილია ბავშვების საჭიროებების გათვალისწინებით, არის კომფორტული ყოველდღიური მოხმარებისთვის, არ ჟონავს ჩანთაში, ამასთანავე, როგორც ყველა ჩვენი პროდუქტი დამზადებულია უსაფრთხო მასალისგან, რაც მშობლებისთვის ხშირ შემთხვევაში გადამწყვეტი ფაქტორია.

თქვენი შეფასებით, რა არის კომპანიის მთავარი კონკურენტული უპირატესობა ბაზარზე?

თანამედროვე ბაზარზე თერმული ჭურჭელი ხშირად ერთმანეთის მსგავსი ან იდენტურია, ამ პირობებში Chako Lab-ი ახერხებს სხვადასხვა ინდივიდუალური მახასიათებლებით გამორჩევას. Chako Lab-ის პროდუქტი არ არის მხოლოდ ფუნქციური ნივთი; ის არის აქსესუარი, რომელიც ატარებს ესთეტიკურ დატვირთვას. ჩვენი პატენტირებული დიზაინები, ფერთა გამა და ფორმები მიზნად ისახავს ყოველდღიურობაში მხიარულებისა და პერსონალიზაციის შეტანას, რაც მას ანსხვავებს ტრადიციული, „მონოტონური" ალტერნატივებისგან. ამასთანავე ჩვენი ბრენდი ფოკუსირებულია მხოლოდ უმაღლესი ხარისხის ნედლეულზე, როგორიცაა sus 316 უჟანგავი ფოლადი, რომელიც უზრუნველყოფს კოროზიის მიმართ მაღალ გამძლეობას და სასმელს არ აძლევს ლითონის გემოს. ბევრ მოდელში დამატებით გამოყენებულია შიდა კერამიკული ფენა, რომელიც იცავს სასმელს გემოს შეცვლისგან. დამატებით ყველა პროდუქტი მზადდება BPA-სგან თავისუფალი (BPA-free) მასალებით, რაც გადამწყვეტია როგორც ბავშვებისთვის, ისე ჯანსაღი ცხოვრების წესის მოყვარულთათვის. ჩვენი ბრენდის მთავრი უპირატესობა სწორედ ფუნქციურობუსა და ხარისხის სინთეზია, რაც გამოგვარჩევს ადგილობრივ ბაზარზე.

როგორია კომპანიის სამომავლო გეგმები და განვითარების ხედვა?

ამ ეტაპზე ყოველდღიურ რეჟიმში ვმუშაობთ ბრენდის განვითარებაზე სხვადასხვა მიმართულებით, დროისა და რესურსის დიდი ნაწილი ეთმობა ადგილობრივ ბაზარზე ცნობადობის გაზრდას, გვინდა რომ Chako Lab-ი ასოცირდებოდეს არა მხოლოდ ხარისხთან არამედ, ბრენდთან რომელიც ზრუნავს ეკოლოგიაზე და წვლილი შეაქვს პლასტიკის ნარჩენების შემცირების პროცესში. ასევე ვმუშაობთ ასორტიმენტის გაზრდაზე, რათა უფრო მრავალფეროვანი არჩევანი შევთავაზოთ მომხმარებლებს. ჩვენი მიზანია ციფრული არხების გაძლიერების პარალელურად, შევქმნათ ფიზიკური სივრცე, რომელის საშუალებას მისცემს მომხმარებლებს მეტი გაიგონ ჩვენი პროდუქციის ფუნქციურობაზე და არჩევნი გააკეთონ მათთვის სასურველ პროდუქტზე.

ჩვენი დაკვირვებით Chako Lab georgia-ს აქვს მზადი პოტენციალი, ვინაიდან ჩვენი პროდუქცია სრულყოფილად პასუხობს თანამედროვე მომხმარებლის მოთხოვნას ხარისხიან, ესთეტიკურ და ეკოლოგიურად მდგრად ალტერნატივებზე.