ტექნოლოგიური სექტორის განვითარება იწყება ხარისხიან ცოდნაზე, პრაქტიკულ გამოცდილებასა და ინდუსტრიის პროფესიონალებთან წვდომით. ICTA-ს წევრი კომპანია DataArt ხსნის რეგისტრაციას საერთაშორისო საგანმანათლებლო პროგრამაზე - IT Camp 2026: Build Your Edge.

2–14 ნოემბერს დაგეგმილი უფასო ონლაინ პროგრამა 8 ინტერაქტიულ ვებინარსა და 4 პრაქტიკულ ვორქშოპს გააერთიანებს. მონაწილეები ცოდნას გაიღრმავებენ ისეთ მიმართულებებში, როგორებიცაა:

● ხელოვნური ინტელექტი;
● მონაცემები;
● Full-Stack დეველოპმენტი;
● NET;
● კიბერუსაფრთხოება;
● IT სერტიფიკაციები;
● ბიზნესკომუნიკაცია.

IT Camp-ის ფორმატი მონაწილეებს საკუთარი ინტერესებისა და კარიერული მიზნების შესაბამისად სესიების შერჩევის საშუალებას აძლევს. ყველა ვებინარზე და ვორქშოპზე დასწრება სავალდებულო არ არის - თითოეულ მონაწილეს შეუძლია მისთვის რელევანტური თემები აირჩიოს და ინდივიდუალური განრიგი შექმნას.
პროგრამა ჩატარდება ონლაინ, ინგლისურ ენაზე და მონაწილეობა უფასოა. ვებინარებსა და პრაქტიკულ სესიებს ინდუსტრიის გამოცდილი პროფესიონალები გაუძღვებიან.

ICTA-სთვის წევრი კომპანიების მსგავსი ინიციატივები სექტორის განვითარებაში კერძო ბიზნესის პრაქტიკული წვლილის მნიშვნელოვანი მაგალითია. ასოციაციის წევრები არა მხოლოდ ტექნოლოგიურ პროდუქტებსა და სერვისებს ქმნიან, არამედ ცოდნას უზიარებენ მომავალ პროფესიონალებს, ავითარებენ ტალანტს და განათლებასა და ინდუსტრიას შორის კავშირს აძლიერებენ.

ICTA აერთიანებს და ფართო აუდიტორიას აცნობს წევრი კომპანიების შესაძლებლობებს, რომლებიც ტექნოლოგიურ განათლებას, პროფესიულ განვითარებასა და საერთაშორისო გამოცდილებაზე წვდომას უწყობს ხელს. DataArt IT Camp 2026 სწორედ ასეთი ინიციატივაა - პროგრამა, რომელიც მონაწილეებს საშუალებას აძლევს, ინდუსტრიის აქტუალური მიმართულებები პრაქტიკოსებთან ერთად შეისწავლონ და საკუთარი კარიერული განვითარების გზა უფრო ინფორმირებული გადაწყვეტილებებით დაგეგმონ.

რეგისტრაცია ღიაა 1 ნოემბრის 23:00 საათამდე, თბილისის დროით - 19:00 UTC.

IT Camp 2026: 2–14 ნოემბერი

ფორმატი: ონლაინ

ენა: ინგლისური

ღირებულება: უფასო

რეგისტრაცია და პროგრამის დეტალები:

DataArt IT Camp 2026 აჩვენებს, როგორ გარდაქმნიან ICTA-ს წევრი კომპანიები საკუთარ ექსპერტიზას სექტორისთვის ხელმისაწვდომ შესაძლებლობად - ცოდნის გაზიარებით, ახალი ტალანტის მხარდაჭერითა და ტექნოლოგიური ეკოსისტემის გაძლიერებით.