2026 წლის პირველი ნახევარი Incendio Events-ისთვის განვითარების ახალი ეტაპით, რესურსების გაძლიერებითა და ახალი მიმართულების შექმნით გამოირჩეოდა.

როგორ აფასებს Incendio Events 2026 წლის პირველ ნახევარს, როგორ იცვლება მოთხოვნა ღონისძიებების ორგანიზებასა და დიზაინზე და რა გეგმები აქვს კომპანიას წლის მეორე ნახევარში - ამ საკითხებზე Business Insider Georgia-ს Incendio Events-ის თანადამფუძნებელი და კომერციული დირექტორი ქეთევან სიხარულიძე ესაუბრა.

როგორ შეაფასებდით Incendio Events-ისთვის 2026 წლის პირველ 6 თვეს, რა იყო ამ პერიოდის მთავარი შედეგები და მიღწევები?

2026 წლის პირველი ნახევარი INCENDIO EVENTS-ისთვის განვითარების ახალი ეტაპი იყო. თუ საქმიანობის საწყის ეტაპზე ჩვენი მთავარი ამოცანა ბაზარზე პოზიციონირება, საკუთარი ხელწერის ჩამოყალიბება და მომხმარებლის ნდობის მოპოვება იყო, წელს აქცენტი უკვე მასშტაბირებაზე, შიდა რესურსების გაძლიერებასა და ახალი მიმართულებების განვითარებაზე გადავიტანეთ.

ამ პერიოდში მნიშვნელოვნად გავზარდეთ საკუთარი ტექნიკური და დეკორატიული რესურსი, შევქმენით ახალი კონსტრუქციები, დეკორაციები და გავაფართოეთ ინვენტარი. შედეგად, პროექტების უფრო დიდი ნაწილის განხორციელება საკუთარი რესურსებით შეგვიძლია. ეს მნიშვნელოვანია საოპერაციო თვალსაზრისით, ვინაიდან, როდესაც ღონისძიების ძირითადი ეტაპები ერთი გუნდის მიერ იმართება, უფრო ეფექტიანად ვაკონტროლებთ ხარისხს, ვიზუალურ მთლიანობასა და დეტალების შესრულებას.

ამასთან, კიდევ უფრო გაძლიერდა ჩვენი საქორწილო მიმართულება. განსაკუთრებით საინტერესოა ის ცვლილება, რომ წყვილები სულ უფრო ხშირად გვრთავენ პროცესში დაგეგმვის ადრეული ეტაპიდან. შესაბამისად, ჩვენი ჩართულობა აღარ შემოიფარგლება მხოლოდ ღონისძიების დიზაინით, ჩვენ ვმუშაობთ საერთო კონცეფციაზე, სივრცის დაგეგმარებაზე, ცერემონიის დიზაინზე, სტუმრების მიღების სივრცეებზე, ფლორისტიკაზე, ღონისძიების დღის გეგმასა და უშუალოდ კოორდინაციაზე.

წლის პირველი ნახევრის კიდევ ერთ მნიშვნელოვან შედეგად ჩვენი საქმიანობის ახალი მიმართულებით გაფართოებას მივიჩნევთ. სწორედ ამ პერიოდში დავიწყეთ მუშაობა ახალ ბრენდზე - JARDIN D’INCENDIO (ჟარდენ ინსენდიო)-ზე, რომელიც INCENDIO EVENTS -ის ფარგლებში დაგროვილი გამოცდილებისა და ფლორისტიკის მიმართულებით ჩვენი ხედვის განვითარების შედეგად შეიქმნა.

შესაბამისად, წლის პირველი ექვსი თვის მთავარ შედეგად არა მხოლოდ განხორციელებულ პროექტებს, არამედ იმ საფუძვლის შექმნას მივიჩნევთ, რომელიც INCENDIO EVENTS-ს ეტაპობრივი ზრდისა და ახალი მიმართულებების განვითარების შესაძლებლობას აძლევს.

როგორ შეიცვალა მოთხოვნა ღონისძიებების ორგანიზების სერვისებზე წლის დასაწყისიდან და რა ტიპის ღონისძიებებზე ფიქსირდება ამ ეტაპზე ყველაზე მაღალი მოთხოვნა?

ამ ეტაპზე ყველაზე მაღალი მოთხოვნა კვლავ საქორწილო ღონისძიებებზე ფიქსირდება, თუმცა მნიშვნელოვნად იცვლება თავად მომხმარებლის მოთხოვნის შინაარსი.

მომხმარებლები გაცილებით მეტ ყურადღებას აქცევენ ღონისძიების ინდივიდუალურობას. სულ უფრო იშვიათია მოთხოვნა მხოლოდ კონკრეტული დეკორის ან უკვე არსებული ვიზუალური გადაწყვეტის გამეორებაზე. წყვილებს სურთ, რომ ქორწილი მათ ხასიათს, ისტორიასა და ესთეტიკურ ხედვას ასახავდეს - დაწყებული ლოკაციისა და ფერთა პალიტრის შერჩევიდან, დასრულებული მცირე პერსონალიზებული დეტალებით.

შესაბამისად, გაიზარდა მოთხოვნა ღონისძიების სრულ დაგეგმვასა და დიზაინზე. მომხმარებლებისთვის მნიშვნელოვანია ერთ გუნდთან თანამშრომლობა, რომელსაც შეუძლია დაინახოს პროექტის სრული სურათი და ერთმანეთთან თანმიმდევრულად დააკავშიროს სივრცე, დეკორი, ფლორისტიკა, ცერემონია, სტუმრების მიღება და ღონისძიების დღის საორგანიზაციო ნაწილი.

ქორწილების გარდა, აქტიურია მოთხოვნა ნიშნობის, დაბადების დღის, ნათლობის, კერძო და კორპორაციული ღონისძიებების მიმართულებითაც.

ცალკე აღსანიშნავია Destination Wedding-ების მიმართულება. საქართველო უცხოელი წყვილებისთვის საინტერესო საქორწილო მიმართულებად რჩება და ჩვენი მიზანია, ამ სეგმენტზე მუშაობა ეტაპობრივად კიდევ უფრო გავაძლიეროთ.

ჩვენი დაკვირვებით, დღეს მომხმარებლისთვის მნიშვნელოვანია არა მხოლოდ ის, თუ როგორ გამოიყურება ღონისძიება ფოტოებსა და ვიდეოში, არამედ სტუმრის გამოცდილებაც, თუ როგორ არის ორგანიზებული სივრცე, რამდენად კომფორტულია სტუმრების გადაადგილება, როგორ ვითარდება ღონისძიება დღის განმავლობაში და რამდენად თანმიმდევრულად უკავშირდება ერთმანეთს მისი სხვადასხვა ნაწილი. შესაბამისად, იზრდება მოთხოვნა უფრო გააზრებულ და კომპლექსურ დაგეგმვაზე.

რა სიახლეები აქვს Incendio Events-ს 2026 წლის პირველ ნახევარში, ხომ არ დაემატა ახალი სერვისები, პროექტები ან მიმართულებები და რა სიახლეებს უნდა ელოდოს მომხმარებელი წლის მეორე ნახევარში?

2026 წლის ერთ-ერთი მთავარი სიახლე ჩვენთვის JARDIN D’INCENDIO-ს შექმნაა - ახალი ფლორისტიკული ბრენდის, რომელიც INCENDIO EVENTS-ის გამოცდილებაზე შეიქმნა, თუმცა დამოუკიდებელი იდენტობითა და განვითარების ხედვით წარდგება.

JARDIN D’INCENDIO-ს შექმნის იდეა თავიდანვე სცდებოდა მხოლოდ ყვავილების შეთავაზებას. ჩვენი მიზანია ფლორისტიკას მივუდგეთ როგორც დიზაინის დამოუკიდებელ მიმართულებას, სადაც თითოეული თაიგული თუ კომპოზიცია კონკრეტული კონცეფციისა და ინდივიდუალური ხედვის საფუძველზე იქმნება.

ბრენდის ძირითადი მიმართულებები იქნება პრემიუმ კლასის საქორწილო თაიგულები, ექსკლუზიური ყვავილების კომპოზიციები და ღონისძიებების ფლორისტიკული დიზაინი, ეს იქნება ფლორისტული ატელიე.

ჩვენი მიზანია, თითოეული თაიგული კონკრეტული ადამიანის სტილისა და სურვილების გათვალისწინებით შეიქმნას და არა უბრალოდ ღონისძიების აქსესუარი, არამედ საერთო ვიზუალური კონცეფციის მნიშვნელოვანი ნაწილი გახდეს.

ბრენდის პირველი მიმართულება Eternal Bloom Collection იქნება. კოლექციის კონცეფცია ეფუძნება იდეას, რომ მნიშვნელოვან მომენტებთან დაკავშირებულ ყვავილებს მხოლოდ დეკორატიული ფუნქცია არ აქვს და ისინი ხშირად კონკრეტული დღის ემოციასა და მოგონებასთან ასოცირდება.

JARDIN-ის შექმნა INCENDIO EVENTS -ისთვის სტრატეგიული ნაბიჯიცაა. ფლორისტიკა ჩვენი ღონისძიებების დიზაინის მნიშვნელოვანი ნაწილია და ახალი ბრენდის შექმნით ამ კომპეტენციას დამოუკიდებელ ბიზნესმიმართულებად ვავითარებთ. ამავდროულად, JARDIN D’INCENDIO-ი დამოუკიდებლადაც მოემსახურება მომხმარებელს, რომელსაც სრული ღონისძიების ორგანიზება არ სჭირდება და კონკრეტული ფლორისტიკული პროდუქტის ან დიზაინის შექმნა სურს.

წლის მეორე ნახევარში ჩვენი ერთ-ერთი მთავარი სიახლე სწორედ JARDIN D’INCENDIO-ს ოფიციალური წარდგენა, პირველი კოლექციების განვითარება და სხვადასხვა მასშტაბის ფლორისტიკულ პროექტებზე მუშაობა იქნება.

პარალელურად, ვაგრძელებთ INCENDIO EVENTS -ის საკუთარი ინვენტარის, კონსტრუქციებისა და დიზაინ-რესურსების გაფართოებას, რაც უფრო მრავალფეროვანი და ტექნიკურად კომპლექსური პროექტების განხორციელების შესაძლებლობას მოგვცემს.

რა გეგმები აქვს კომპანიას 2026 წლის მეორე ნახევრისთვის, რა იქნება მთავარი პრიორიტეტები და რამდენად აქტუალურია ახალი ღონისძიებების სივრცის გახსნის გეგმა?

2026 წლის მეორე ნახევარში რამდენიმე ძირითადი პრიორიტეტი გვაქვს. პირველ რიგში, გვინდა კიდევ უფრო გავაძლიეროთ INCENDIO EVENTS -ის პოზიციონირება Event Planning & Design მიმართულებით და გავზარდოთ იმ პროექტების წილი, რომლებშიც ღონისძიების შექმნის პროცესში დაგეგმვის საწყისი ეტაპიდანვე ვართ ჩართული.

მეორე მნიშვნელოვანი მიმართულებაა JARDIN D’INCENDIO-ს განვითარება და ფლორისტიკის დამოუკიდებელ ბიზნესმიმართულებად ჩამოყალიბება.

პარალელურად, ვაგრძელებთ საკუთარი რესურსების ზრდას. ჩვენთვის მნიშვნელოვანია, რომ პროექტის რეალიზებისას ნაკლებად ვიყოთ დამოკიდებული მხოლოდ ბაზარზე არსებულ სტანდარტულ გადაწყვეტილებებზე და საჭიროების შემთხვევაში კონკრეტული კონცეფციისთვის შევძლოთ ინდივიდუალური კონსტრუქციის, დეკორატიული ელემენტის ან ფლორისტიკული გადაწყვეტის შექმნა.

რაც შეეხება INCENDIO EVENTS -ის საკუთარ ღონისძიებების სივრცეს, ეს გეგმა კვლავ აქტუალურია და პროექტზე მუშაობა გრძელდება.

ჩვენი მიზანი თავიდანვე არ ყოფილა მხოლოდ კიდევ ერთი გასაქირავებელი ღონისძიებების სივრცის შექმნა. გვინდა შევქმნათ ადგილი, რომელსაც ექნება საკუთარი იდენტობა და ამავდროულად იქნება მაქსიმალურად მოქნილი და ტრანსფორმირებადი, რათა სხვადასხვა ფორმატისა და კონცეფციის ღონისძიებისთვის სრულიად განსხვავებული გარემოს შექმნა იყოს შესაძლებელი.
სწორედ ამიტომ ამ ეტაპზე მუშაობა მიმდინარეობს როგორც სივრცის კონცეფციაზე, ისე მის ფუნქციურ და ბიზნესმოდელზე. ჩვენთვის მნიშვნელოვანია, საბოლოო პროექტი იყოს არა მხოლოდ ვიზუალურად გამორჩეული, არამედ გრძელვადიანად მდგრადი და სხვადასხვა ტიპის ღონისძიებაზე ადაპტირებადი.

საბოლოოდ, ჩვენი განვითარების ხედვა მხოლოდ ღონისძიებების რაოდენობის ზრდას არ უკავშირდება. ჩვენი მიზანია, INCENDIO EVENTS -ის გარშემო ეტაპობრივად განვითარდეს ერთმანეთთან დაკავშირებული მიმართულებები.

JARDIN D’INCENDIO ამ განვითარების პირველი დამოუკიდებელი ახალი მიმართულებაა, ხოლო წლის მეორე ნახევარში ჩვენი მთავარი ამოცანა უკვე დაწყებული პროექტების გაძლიერება და ახალი შესაძლებლობების ეტაპობრივი განვითარება იქნება.

დაინტერესებულ პირებს დამატებითი დეტალების დასაზუსტებლად შეუძლიათ დაკავშირება შემდეგ სოციალურ არხებში:

IG: https://www.instagram.com/incendio_events/

FB: https://www.facebook.com/profile.php?id=61574947478335

TikTok: https://www.tiktok.com/@incendio.events

YouTube: https://www.youtube.com/@IncendioEvents

LinkedIn: https://lnkd.in/djAMsNGH

ან შემდეგ საკონტაქტო ნომერზე : 598 00 60 12.