ინდივიდსაც და ბიზნესსაც შეუძლია, თავისი რისკები დააზღვიოს და მოწყვლადობის ხარისხი შეამციროს - ამის შესახებ სადაზღვევო კომპანია „არდის" გენერალურმა დირექტორმა, მიხეილ ჯაფარიძემ, ტელეკომპანია „მაესტროს" ეთერში, გადაცემა Business Insider Georgia-ში სტუმრობისას განაცხადა.

„ყველაზე მეტი პოტენციალი არის იქ, სადაც ყველაზე ნაკლებია განვითარება. შეიძლება, რთული იყოს ძალიან იქ განვითარება, მაგრამ ყველაზე მეტი პოტენციალი მას აქვს. თუმცა ყველაზე მარტივი ზღვრული განვითარება შეიძლება იყოს, კი არა და, ალბათ, არის იქ, სადაც ყველაზე მეტი მოთხოვნაა - ჯანმრთელობის დაზღვევა.

ჯანმრთელობის დაზღვევა განაპირობებს უკვე ჯანდაცვის პოლიტიკაში, როგორი იქნება ურთიერთქმედება კერძო სადაზღვევო სისტემებისა და სახელმწიფო სისტემებისა. რაც შეეხება ქონებრივ რისკებს, გააჩნია, როგორი იქნება სახელმწიფოს პოლიტიკა რისკის მართვის ინსტრუმენტებთან მიმართებაში. იმიტომ, რომ მთელ რიგ შემთხვევებში სახელმწიფოს შეუძლია გარკვეული ტიპის სტიმულირება შემოიღოს - აქ სუბსიდიას არ ვგულისხმობ.

აქ საუბარია იმაზე, რომ ბიზნესმა და კერძო ინდივიდებმა ჩამოიყალიბონ ცნობიერება, რომ ინდივიდსაც და ბიზნესსაც შეუძლია, თავისი რისკები დააზღვიოს თვითონ და, რეალურად, მოწყვლადობის ხარისხი შეიმციროს.

მაგალითს მოგიყვანთ: ბინები შენდება, სულ საუბარი გვაქვს თქვენს გადაცემებშიც, რომ დეველოპერული სექტორი ერთ-ერთი პრიორიტეტული სექტორია ენერგეტიკასთან და სხვა ბიზნესებთან ერთად და, ამავდროულად, ბინების უმეტესი ნაწილი არ არის დაზღვეული.

ადამიანები იხდიან ძალიან ძვირ თანხას, ყიდულობენ ბინას და ეს დაზღვეული არ არის. თუმცა, ვინც დღეს ახალ ბინას ფლობს და იხდის ყოველთვიურ მომსახურების საფასურს - ლიფტის და ა.შ - თვეში იმაზე იაფი ჯდება წელიწადში ქონების დაზღვევა.

ანუ, თვეში რასაც იხდის იქ და მისთვის ეს ბუნებრივია იცის, რომ პარკინგი მოწესრიგებული იყოს, ეზო და ასე შემდეგ ის, რაც თვეში ჯდება, დაახლოებით მაგდენი ჯდება წელიწადში ბინის დაზღვევა“, - აცხადებს მიხეილ ჯაფარიძე.