„შუაგული“ ღონისძიებების ინდუსტრიაში ერთ-ერთ გამორჩეულ სივრცედ ჩამოყალიბდა. მრავალფუნქციური ინფრასტრუქტურითა და მომხმარებელზე ორიენტირებული კონცეფციით კომპანია როგორც კერძო, ისე კორპორატიულ ღონისძიებებს მასპინძლობს. რა განასხვავებს „შუაგულს“ ბაზარზე და როგორ ინარჩუნებს ის მაღალი მოთხოვნის პირობებში ხარისხის სტანდარტს - ამის შესახებ Business Insider Georgia-ს „შუაგულის“ დამფუძნებელი, გვანცა მიქუჭაძე ესაუბრა.

„შუაგულმა“ მოკლე დროში ბაზარზე ძლიერი პოზიციები დაიკავა. თქვენი შეფასებით, რამ განაპირობა ეს წარმატება და რა არის თქვენი მთავარი კონკურენტული უპირატესობა?

„შუაგულის“ გარშემო არსებული ინტერესი სრულიად ბუნებრივი პროცესია. ჩვენ თავიდანვე უარი ვთქვით სტანდარტულ ფორმულაზე - მხოლოდ ლამაზი გარემოსა და კარგი კერძების შეთავაზებაზე. ჩვენ შევქმენით ღონისძიებების მართვის მთლიანი, ინტეგრირებული ეკოსისტემა.

კერძოდ, ამ შედეგს განაპირობებს საღონისძიებო ინფრასტრუქტურა და ერთმანეთისგან ხასიათითა თუ მასშტაბით განსხვავებული სივრცეები, რომლებიც სპეციალურად სხვადასხვა ფორმატის ღონისძიებებისთვის დაპროექტდა.

განსაკუთრებით უნდა აღინიშნოს „შუაგულის“ პროფესიონალთა გუნდი, რომელიც ყოველდღიურად ქმნის უმაღლეს ხარისხს, მუდმივად აკონტროლებს პროცესის თითოეულ დეტალს და არაფერს ტოვებს შემთხვევითობის იმედად. ეს არის გუნდი, რომელიც უპირველესად ზრუნავს ჩვენი დამკვეთების პრესტიჟზე, სიმშვიდესა და უნაკლო შედეგზე.

დღეს მომხმარებელი ღონისძიებისგან მხოლოდ ლამაზ სივრცეს აღარ ელოდება. რა გამოცდილებასა და ემოციას სთავაზობს „შუაგული“ სტუმრებს, რაც მას სხვა ლოკაციებისგან გამოარჩევს?

„შუაგულის“ მთავარი ფილოსოფია სწორედ ამ ემოციურ გამოცდილებაზეა აგებული. ჩვენ შევქმენით სივრცე, სადაც მწვანე ლანდშაფტი, ბუნებრივი ტბის სიმშვიდე, თანამედროვე არქიტექტურა და უმაღლესი დონის სერვისი ერთიან, ჰარმონიულ ეკოსისტემად კრავს ღონისძიებას.

სტუმარი აქ მოსვლისთანავე გრძნობს განსაკუთრებულ ატმოსფეროს - მას ავიწყდება ქალაქის ხმაური და სრულად გადადის გარემოში, სადაც ყოველი დეტალი - განათება, ესთეტიკა თუ ულამაზესი ხედები დაუვიწყარ შთაბეჭდილებასა და ემოციებს ქმნის.

ცნობილია, რომ „შუაგულში“ ღონისძიების დაგეგმვა თვეებით ადრე ხდება და მოთხოვნა წლიდან წლამდე იზრდება. ასეთი მაღალი დატვირთვისა და მუდმივი დეფიციტის პირობებში, როგორ ახერხებთ ხარისხის სტანდარტის სტაბილურად შენარჩუნებას?

ეს ნამდვილად დიდი გამოწვევაა, თუმცა ჩვენთვის ხარისხი კომპრომისის საგანი არასდროს არის. ასეთ დატვირთვას ვუმკლავდებით არა რესურსების გამოფიტვით, არამედ მართვის სწორი სისტემითა და პროცესების მკაცრი კონტროლით.

პირველი - ეს არის გუნდის პროფესიონალიზმი და პასუხისმგებლობების მკაფიო გადანაწილება. თითოეულ ღონისძიებას ჰყავს თავისი ჯგუფი, რომელიც თავიდან ბოლომდე აკონტროლებს თითოეული დეტალის სიზუსტეს;

მეორე - ეს არის ინფრასტრუქტურული მზაობა. ჩვენი სივრცე თავიდანვე იმგვარად დაპროექტდა, რომ მაღალი დატვირთვის პირობებშიც კი ლოჯისტიკამ, ტექნიკურმა გამართულობამ და ქეითერინგმა შეუფერხებლად, საათივით იმუშაოს.

როდესაც სტუმარი „შუაგულში“ მოდის, მან არ უნდა იგრძნოს, მერამდენე ღონისძიებაა ეს ჩვენთვის. მან უნდა იგრძნოს, რომ ეს დღე და ეს სივრცე მხოლოდ მისთვის შეიქმნა.

ბოლო პერიოდში მკვეთრად შეიცვალა B2B სექტორის მიდგომა კორპორატიული ღონისძიებების მიმართ. რამ განაპირობა ტრადიციული საკონფერენციო დარბაზებიდან ღია, მრავალფუნქციურ სივრცეებზე გადასვლა და როგორ პასუხობს „შუაგული“ ამ ახალ მოთხოვნებს?

თანამედროვე ბიზნესმა გაიაზრა, რომ კორპორატიული ღონისძიების მთავარი ღირებულება მხოლოდ ფორმალური პრეზენტაცია არ არის - ეს არის ადამიანური კავშირები, ენერგიის გაცვლა და ძლიერი გუნდურობა. სტანდარტულ დარბაზებში პროდუქტიული, მაგრამ ხშირად ჩაკეტილი გარემო იქმნება. დღეს კი კომპანიებს სჭირდებათ სივრცე, სადაც ოფიციალური ნაწილი და არაფორმალური ნეთვორქინგი სრულიად ბუნებრივად გადადის ერთმანეთში.

„შუაგული“ სწორედ ამ გამოწვევის საპასუხოდ არის დაპროექტებული. ჩვენი მასშტაბური მწვანე ზონები, ტბის მიმდებარე ტერიტორია და ტექნიკურად სრულად აღჭურვილი ღია თუ დახურული სივრცეები კომპანიებს აძლევს სრულ თავისუფლებას -ჩაატარონ მაღალი დონის სტრატეგიული სესია და იქვე, ყოველგვარი ლოჯისტიკური სირთულის გარეშე, გადავიდნენ მასშტაბურ Corporate Fest-სა თუ თიმბილდინგზე. ეს არის გარემო, სადაც ბიზნეს-ამოცანები და დასვენება იდეალურად ავსებს ერთმანეთს.

„შუაგულმა“ ღონისძიებების ინდუსტრიაში ახალი სტანდარტები დაამკვიდრა. თქვენი დაკვირვებით, როგორ შეცვალეთ მომხმარებლის წარმოდგენები ღია ცის ქვეშ დაგეგმილი ღონისძიებების მიმართ და რა სძენს დამკვეთს სრულ ნდობას Outdoor-ფორმატის არჩევისას?

ღია ცის ქვეშ ღონისძიების დაგეგმვა უდიდეს ესთეტიკასთან ერთად ყოველთვის უკავშირდებოდა მთავარ რისკს - ამინდის ცვალებადობას. „შუაგულმა“ ეს მიდგომა ფუნდამენტურად შეცვალა და დამკვეთს სრული უსაფრთხოების განცდა გაუჩინა.

პირველ რიგში, ჩვენ გვაქვს ღია სივრცეების ყველაზე დიდი და მრავალფეროვანი არჩევანი, რაც საშუალებას გვაძლევს ნებისმიერი მასშტაბის იდეა მოვარგოთ კონკრეტულ ლოკაციას. თუმცა, ჩვენი მთავარი სტანდარტი რისკების სრული ნიველირებაა: უამინდობის შემთხვევაში გვაქვს როგორც უმაღლესი დონის ალტერნატიული დახურული სივრცეები, ისე ღია ზონების სწრაფი გადახურვის ტექნიკური შესაძლებლობა.

ამის გარანტი კი ჩვენი გუნდის მრავალწლიანი გამოცდილებაა. ფორსმაჟორის დროს ოპერაციული გადაწყობა ხდება ისე სწრაფად, შეუმჩნევლად და პროფესიონალურად, რომ დამკვეთი და სტუმრები პროცესის შეფერხებას საერთოდ ვერ გრძნობენ. სწორედ ამან დაამკვიდრა ახალი სტანდარტი - ღია ცის ქვეშ ღონისძიება ნიშნავს უნაკლო სანახაობას, ყოველგვარი ნერვიულობის გარეშე.