HENKA-მ მომხმარებელს 0% დამატებული შაქრის მქონე ახალი პროდუქტი წარუდგინა. რას ნიშნავს ეს სიახლე ბრენდისთვის და როგორია კომპანიის განვითარების გეგმები - ამის შესახებ Business Insider Georgia-ს HENKA-ს დირექტორი, გიორგი ჯირკვალიძე ესაუბრა.

ცოტა ხნის წინ HENKA-მ ახალი პროდუქტი წარადგინა - მოგვიყევით ამ სიახლის შესახებ და რას ნიშნავს ბრენდისთვის 0% დამატებული შაქრის მქონე პროდუქტის დამატება ასორტიმენტში?

ჩვენი კომპანიის ერთადერთი ხაზი სწორედ ჯანსაღი სასმელების წარმოებაა, ეს ამ საუკუნის მთავარი გამოწვევაა და სწორედ ეს განაპირობებს მსგავსი მიმართულების მაქსიმალურად ათვისებას, დახვეწას და მუდმივ გაუმჯობესებას. მიუხედავად იმისა, რომ შაქარი ძალიან მცირე, მინიმალური რაოდენობით არის ისედაც ჩვენს პროდუქტში, მისი სრულ ამოღებაზე დიდი ხანია ვმუშაობთ და ეს სიახლეც სწორედ ამ გზის წარმატებული გაგრძელებაა.

მოცვი-ლაიმი ჩვენი ერთ-ერთი ყველაზე მოთხოვნადი გემოა, ამიტომ გადავწყვიტეთ, სიახლე სწორედ ამ პროდუქტით დაგვეწყო. 0% დამატებული შაქრის მქონე პროდუქტი მხოლოდ 3.2 კილოკალორიას შეიცავს, რაც მას კიდევ უფრო კარგ არჩევანად აქცევს მათთვის, ვინც კალორიების კონტროლსა და ჯანსაღი ცხოვრების წესს განსაკუთრებულ ყურადღებას უთმობს.

როგორია კომპანიის მიდგომა პროდუქტის განვითარებისა და ახალი გემოების შექმნის პროცესში - რა პრინციპებით ქმნით პროდუქტებს, რომლებსაც მომხმარებელს სთავაზობთ?

ერთადერთი პრინციპი, რომელიც ახალი გემოების, მათ შორის პროდუქტების შექმნის პროცესშია არის - მხოლოდ ჯანსაღი, ნატურალური და სასარგებლო. ეს არის სამი მთავარი და უცვლელი კომპონენტი, რასაც უნდა აკმაყოფილებდეს ჩვენი პროდუქტი. ეს შესაძლოა სასიამოვნოდ და მარტივად ჟღერს, თუმცა ყველაზე მკაცრი მოთხოვნებია თავისთავად და მოითხოვს ძალიან დიდი შრომას, ძიებას, ცდებს, დროს და რესურსებს. თუმცა კომპანიის გახსნის დღიდან ეს იყო ჩვენი მთავარი ლაიტ-მოტივი, სრულად გააზრებული და გათვითცნობიერებული გვაქვს, რომ ეს მხოლოდ კომერციული სტრატეგია კი არა, სოციალური მისიაც არის და ამ გზას არასდროს გადავუხვევთ.

რა არის HENKA-ს სამომავლო გეგმები - რომელ მიმართულებებზე აპირებთ განვითარებას, იგეგმება თუ არა ასორტიმენტის გაფართოება და ახალი საექსპორტო ბაზრების ათვისება?

ასორტიმენტის გაფართოება ეს უწყვეტი ციკლია, ბუნებრივია ვმუშაობთ უამრავ სიახლესა და ინოვაციაზე. იცით, რომ ჩვენი ფუნქციურ-არომატული წყალი D3 ვიტამინით პირველი და ერთადერთი ფუნქციური წყალია საქართველოში და ანალოგებიც მსოფლიოში თითზე ჩამოსათვლელია. ვამაყობთ ამით და კიდევ მეტ საამაყო ინოვაციასა და სიახლეს შევქმნით ჩვენს ბაზარზე.

რაც შეეხება ექსპორტს, ამ ეტაპზე აქტიური ექსპორტი ხორციელდება ამერიკის შეერთებულ შტატებსა და ისრაელში და რათქმაუნდა საექსპორტო ბაზრების გაფართოებაზე აქტიურად მიდის მუშაობა, მათ შორის წყლის კუთხით ჩვენი სამიზნე ბაზარი სპარსეთის ყურის ქვეყნებია.