ისწავლე საზღვარგარეთ საქართველოს ბანკის სტიპენდიით - მოსწავლეებისთვის შექმნილ საერთაშორისო პროგრამაზე მიღება მალე დაიწყება

ბიზნესი

კრედო ბანკმა „მწვანე ანაბრის“ პროექტის ფარგლებში მარნეულში გარემოსდაცვითი და გამწვანების ღონისძიებები განახორციელა

25.06.2026.17:04

კრედო ბანკი გარემოსდაცვითი და სოციალური პასუხისმგებლობის მიმართულებით აქტიურად აგრძელებს ინიციატივების განხორციელებას. აღნიშნულის ნაწილია „მწვანე ანაბარი“ - პროდუქტი, რომელიც მომხმარებლებს საშუალებას აძლევს, დანაზოგით არამხოლოდ ფინანსური სარგებელი მიიღონ, არამედ გარემოს დაცვის მიმართულებითაც შეიტანონ წვლილი.

პროექტის ფარგლებში მარნეულში განხორციელდა ტყე-პარკის დასუფთავებისა და „კიდევაც დაიზრდებიან“ ძეგლის მიმდებარე ტერიტორიის გამწვანების აქციები. ადგილობრივი ლანდშაფტისა და გარემო პირობების გათვალისწინებით, ტერიტორიაზე 150-მდე ხის ნერგი დაირგო.

ინიციატივა განხორციელდა „მწვანე ანაბრის“ მფლობელი მომხმარებლების, პარტნიორი კომპანიების, კრედო ბანკის მიერ შექმნილი ფონდისა და გლობალური გარემოსდაცვითი მოძრაობის Let’s Do It საქართველოს მხარდაჭერით.

„მწვანე ანაბრის“ ფარგლებში ქვეყნის სხვადასხვა რეგიონში უკვე არაერთი გარემოსდაცვითი აქტივობა განხორციელდა, მათ შორის რეკრეაციული სივრცეების დასუფთავებისა და გამწვანების პროექტები, რომლებიც ბუნებრივი გარემოს შენარჩუნებასა და გაუმჯობესებას ემსახურება.

კრედო ბანკი მომავალშიც გააგრძელებს გარემოსდაცვითი ინიციატივების მხარდაჭერას, რათა ხელი შეუწყოს ეკოლოგიური გარემოს გაუმჯობესებასა, საზოგადოებაში გარემოზე ზრუნვის კულტურის გაძლიერებასა და გარემოსდაცვითი ცნობიერების ამაღლებას.