მსოფლიოში არსებობს ბრენდები, რომლებიც უბრალოდ ტრანსპორტს კი არ ქმნიან, არამედ ეპოქასა და ცხოვრების სტილს განსაზღვრავენ.

ზუსტად ასეთია იტალიური თავისუფლების სიმბოლო Vespa, რომელიც წელს საოცარ საიუბილეო თარიღს - არსებობის 80 წელს აღნიშნავს!

ამ მნიშვნელოვანი მოვლენის აღსანიშნავად, ბრენდმა რომის დიდებულ „ფორო იტალიკოზე“ სრულიად განსაკუთრებული, საკოლექციო მოდელი - Vespa Edizione Ottantesimo (Vespa 80th Edition) წარადგინა.

თუ თქვენ თავისუფლების, სტილისა და იტალიური „ტკბილი ცხოვრების“ (La Dolce Vita) მოყვარული ხართ, ეს სიახლე თქვენს გულს აუცილებლად ააჩქარებს.

1946 ერთეული ნამდვილი კოლექციონერებისთვის

ეს მოდელი თავიდანვე იშვიათობად არის ჩაფიქრებული. ვესპას დაბადების წლის (1946) პატივსაცემად, მსოფლიოში სულ რაღაც 1,946 დანომრილი ერთეული დამზადდება.

თითოეულ სკუტერს სავარძლის ქვეშ ექნება სპეციალური საიუბილეო დაფა თავისი უნიკალური ნომრით.

შეგახსენებთ, რომ ვესპას ბრენდის მოდელები ხელმისაწვდომია მოტო მაღაზია “პიტსტოპ მოტოს” შოურუმში.

მოდელის დიზაინი

Edizione Ottantesimo-ს მთავარი შთაგონების წყარო თავად ვესპას საფირმო ნიშანი - სუფთა, მყარი და ავთენტური ფოლადის კორპუსია. მოპედის უნიკალური შეფერილობა ნედლი ლითონის ეფექტს იმეორებს, თუმცა ეს სიმკაცრე იდეალურადაა დაბალანსებული დახვეწილი ფერებით.

სავარძელსა და დისკებზე გამოყენებულია სპეციალური მწვანე ფერი, რომელიც ბრენდის პირველ, კლასიკურ მოდელებს გვახსენებს.

უკანა სავარძელს აქვს მყარი კაპოტი, რომელიც იხსნება. ეს სპორტული, ერთადგილიანი მოტოციკლის ილუზიას ქმნის, თუმცა, სინამდვილეში სავარძელი ორ მგზავრზეა გათვლილი და წარმოუდგენლად კომფორტულია.

დისკები 1946 წლის პირველი მოდელის დიზაინს იმეორებს თანამედროვე, ალმასისებრი ჭრილის ფინიშით.

კორპუსის გვერდებზე კი ამაყად აწერია ციფრი „80“, რომლის კონტურებიც ქანჩის ფორმას მოგვაგონებს - ეს არის ერთგვარი პატივისცემა ხელით მუშაობისა და იტალიური ტრადიციისა, რომელმაც ვესპა მსოფლიოში წამყვან ბრენდად აქცია.

ყველაზე მძლავრი ძრავი ვესპას ისტორიაში

ვიზუალურ სრულყოფილებასთან ერთად, ეს მოდელი ტექნიკურადაც მოწოდების სიმაღლეზეა. იგი შექმნილია უახლესი Vespa GTS 310-ის ბაზაზე და აღჭურვილია 25 ცხენის ძალის მქონე 310 hpe ძრავით. ის არის ყველაზე მძლავრი მოპედი, რომელიც ბრენდ ოდესმე შეუქმნია!

მოდელის სტანდარტულ აღჭურვილობაში შეხვდებით უახლეს ტექნოლოგიებს:
● სრულ LED განათებას;
● 5-ინჩიან ფერად TFT დისპლეის;
● სმარტფონთან დაკავშირების სისტემა “VESPA MIA”-ს;
● უგასაღებო დაქოქვის სისტემას;
● მუხრუჭების დაბლოკვის საწინააღმდეგო (ABS) და მოცურების საწინააღმდეგო ელექტრონული სისტემას (ASR).

ექსკლუზიური საჩუქარი: Assouline-ის საკოლექციო წიგნი

ვინაიდან ეს მოდელი იტალიური სტილს იდეალურად ასახავს, თითოეულ მფლობელს საჩუქრად გადაეცემა ცნობილი ლუქს-გამომცემლობის, Assouline-ის მიერ სპეციალურად შექმნილი წიგნი.

წიგნში თავმოყრილია იშვიათი მასალები პიაჯოს (Piaggio) არქივებიდან, რომლებიც ბრენდის 80-წლიან გავლენას ასახავს მსოფლიო კულტურაზე.

როგორ შევუკვეთოთ?

Vespa Edizione Ottantesimo-ს შეკვეთა დღეიდან უკვე შესაძლებელია, თუმცა ექსკლუზიურად ონლაინ, ბრენდის ოფიციალურ ვებგვერდზე. 

თუ გსურთ ფლობდეთ თავისუფლებისა და დიზაინის 80-წლიანი ისტორიის ნაწილს, იჩქარეთ - ლიმიტირებულ სერიებს კოლექციონერები წამებში ყიდულობენ!