ჯი-თი მოტორსი მესამედ გახდა BMW-ს პრეზიდენტის ჯილდოს მფლობელი
BMW ჯგუფის ოფიციალური წარმომადგენელი საქართველოში, ჯი-თი მოტორსი უკვე მესამედ გახდა BMW-ს პრეზიდენტის ჯილდოს მფლობელი. ეს არის გლობალური ბრენდის მიერ ოფიციალური დილერი კომპანიის მორიგი უმნიშვნელოვანესი აღიარება, რაც წარმატებული თანამშრომლობის დასტურია. BMW საქართველოს გუნდის წარმომადგენლებს პრეზიდენტის ჯილდო ქალაქ მიუნხენში, საგამოფენო ცენტრ BMW Welt-ში გადაეცათ. აღნიშნულ ღონისძიებას BMW ჯგუფის C3-R1 რეგიონის (სახელმწიფოები აზია-წყნარი ოკეანის, აღმოსავლეთ ევროპის, ახლო აღმოსავლეთისა და აფრიკის არეალებიდან) 45 ქვეყნის წარმომადგენლები ესწრებოდნენ.
“ჯი-თი მოტორსი BMW-ს ოფიციალურად წარმოადგენს 2022 წლიდან და ამ მოკლე პერიოდში ჩვენ უკვე მესამედ გვერგო პატივი მოგვეპოვებინა BMW-ს პრეზიდენტის ჯილდო. ეს მართლაც დიდი დაფასებაა იმ ძალისხმევის, რომელსაც ჩვენი გუნდი ამ თანამშრომლობაში დებს. ჩვენთვის საამაყოა, რომ ვართ მსოფლიოს წამყვანი საავტომობილო ბრენდის ოფიციალური დილერები და მიმაჩნია, რომ ჩვენი ამგვარი დამოკიდებულება აისახება ამ თანამშრომლობის დინამიკაზეც, რომელიც ძალიან აქტიურია.“ - აღნიშნავს BMW-ს, MINI-ს, BMW Motorrad-ისა და Suzuki-ს გაყიდვების ხელმძღვანელი თამუნა დიასამიძე.
2025 წელი მნიშვნელოვანი იყო BMW ჯგუფისა და ჯი-თი მოტორსის თანამშრომლობაში. საქართველოში BMW ჯგუფის ბრენდების გაყიდვებმა წინა წელთან შედარებით დაახლოებით 28%-იანი ზრდა აჩვენა, ხოლო 2022 წელთან შედარებით (ვიდრე „ჯი-თი მოტორსი“ ოფიციალური წარმომადგენელი გახდებოდა) 435%-იანი ზრდა.
2025 წელს კომპანიამ საქართველოში ოფიციალურად შემოიყვანა ჯგუფის კიდევ ერთი ბრენდი BMW Motorrad, რომელიც ერთ-ერთი წამყვანია მოტორადების წარმოებაში მსოფლიოს მასშტაბით. აღსანიშნავია, რომ ამ ბრენდის შემოყვანით „ჯი-თი მოტორსმა“ აიღო პასუხისმგებლობა არამხოლოდ მოდელების ფართო არჩევანი მიაწოდოს ადგილობრივ ბაზარს, არამედ დაამკვიდროს მართვის კულტურა და უსაფრთხოების სტანდარტები.
ასევე, ბოლო 1 წლის განმავლობაში „ჯი-თი მოტორსი“ აქტიურად იყო ჩართული BMW-ს გლობალურ აქტივობებში, რაც ნიშნავს იმას, რომ საქართველო სულ უფრო ხშირად ჩნდება BMW-ს საერთაშორისო დღის წესრიგში. ამ კონტექსტში განსაკუთრებულად ხაზგასასმელი იყო #BMWdriveit პროექტი, რომელიც BMW-ს გლობალური პლატფორმის ნაწილია. ამ პროექტის ფარგლებში, პირველად რეგიონში, „ჯი-თი მოტორსის“ ორგანიზებით ჩატარდა X-Plorer Days. ღონისძიება, რომელიც მოიცავდა მოგზაურობას საქართველოში BMW X3 მოდელებით.
მარკეტინგის ნაწილში აღსანიშნავი იყო ასევე BMW M Experience. “ჯი-თი მოტორსმა“ სექტემბრის თვეში რუსთავის საერთაშორისო ავტოდრომზე მასშტაბური ღონისძიება გამართა, სადაც ახალი M5-ების გასაცნობად და მათი მართვის გამოცდილების შესაძენად ათასობით ადამიანი მივიდა. ღონისძიებაში მონაწილეობდა მსოფლიოში ცნობილი ჟურნალისტი, ავტოინდუსტრიის ხმა - კრის ჰარისი.
აღსანიშნავია, რომ “ჯი-თი მოტორსი” თბილისში, აღმაშენებლის ხეივანზე აშენებს BMW-ს, MINI-სა და BMW Motorrad-ის ერთ-ერთ ყველაზე მასშტაბურ შოურუმს რეგიონში. ამ პროექტში კომპანია ათობით მილიონი ლარის ოდენობის ინვესტიციას ახორციელებს. "მომავლის შოურუმი" Retail.Next-ის პრინციპით იმუშავებს, რაც BMW-ს ახალ საცალო კონცეფციას წარმოადგენს, რომელიც უკვე მრავალ ქვეყანაში იქცა წარმატებულ მოდელად. “ჯი-თი მოტორსი” BMW ჯგუფს ოფიციალურად 2022 წლის 1 სექტემბრიდან წარმოადგენს.
დღის ტოპ 10 სიახლე
სხვა სიახლეები
Vaziani Company ქართული ღვინის საერთაშორისო პოპულარიზაციის ახალ ეტაპს იწყებს
03.07.2026.16:00
Vaziani Company ქართული ღვინის მწარმოებლებისთვის Berlin Wine Trophy-ის ფარგლებში სპეციალურ შეთავაზებას ამზადებს. ინიციატივა საერთაშორისო კონკურსებში მონაწილეობის გამარტივებასა და ქართული ღვინის პოპულარიზაციის ხელშეწყობას ისახავს მიზნად. ამის შესახებ Business Insider Georgia-ს კომპანიის გაყიდვებისა და მარკეტინგის უფროსმა, აურიკა კროიტორმა, განუცხადა.
რაოგორია კომპანიის მიმდინარე სიახლეები?
წელს, წინა წლებისგან განსხვავებით, ქართული ღვინის მწარმოებლებისთვის სპეციალური შეთავაზება მოვამზადეთ. ის მოიცავს განსაკუთრებულ პირობებს როგორც Berlin Wine Trophy-ში, ისე Asia Wine Trophy-ში მონაწილეობისთვის. ყველაზე მნიშვნელოვანი სიახლე კი ის არის, რომ კონკურსებზე ნიმუშების ტრანსპორტირების ხარჯს მთლიანად ორგანიზატორები დაფარავენ.
Berlin Wine Trophy Group წელიწადში სამ საერთაშორისო კონკურსს ატარებს - ორს ბერლინში და ერთს სამხრეთ კორეაში. წელს ზაფხულის კონკურსი ბერლინში გაიმართება, სადაც ქართული ღვინის ნიმუშები გაიგზავნება. ამის შემდეგ კი იმავე ნიმუშების ტრანსპორტირება ორგანიზატორების დაფინანსებით სამხრეთ კორეაში განხორციელდება, სადაც Asia Wine Trophy ნოემბრის დასაწყისში გაიმართება.
შეთავაზების ფარგლებში ქართველ მწარმოებლებს შესაძლებლობა ექნებათ, კლასიკური და ქვევრის ღვინის კატეგორიებიდან ორ-ორი ნიმუში სპეციალური პირობებით წარადგინონ. შემდგომ ნიმუშებზე კი ფასდაკლება გავრცელდება, რაც მონაწილეობის ხარჯებს მნიშვნელოვნად შეამცირებს.
ვფიქრობთ, ეს ძალიან კარგი შესაძლებლობაა ქართული ღვინის საერთაშორისო პოპულარიზაციისთვის. Berlin Wine Trophy გერმანიის ერთ-ერთი ყველაზე პრესტიჟული ღვინის კონკურსია, რომლის მედლები და შეფასებები საერთაშორისო ბაზარზე მაღალი ავტორიტეტით სარგებლობს. კონკურსზე მიღებული ჯილდოები და ქულები მწარმოებლებს საკუთარი ღვინის, ჭაჭისა და სხვა მაღალალკოჰოლური სასმელების საერთაშორისო ბაზრებზე პოზიციონირებასა და პოპულარიზაციაში მნიშვნელოვნად ეხმარება.
როგორ აფასებთ დღეს ქართული ღვინის მიმართ საერთაშორისო მოთხოვნას?
ბოლო ორი წლის განმავლობაში მსოფლიო ბაზარზე ღვინის მოხმარების გარკვეული კლება შეინიშნება, რაც თითქმის ყველა ბაზარზე აისახა. თუმცა არსებობს გამონაკლისებიც. გერმანიაში, სამხრეთ კორეაში, აშშ-სა და რუსეთში ქართული ღვინის მიმართ მოთხოვნა კვლავ მზარდია.
ამჟამად, დაახლოებით 20 სახეობის ღვინოს ვაწარმოებთ, ასევე მაღალალკოჰოლურ სასმელებს, მათ შორის ჭაჭას. ექსპორტის მნიშვნელოვანი ნაწილი კვლავ რუსეთის ბაზარზე მოდის, სადაც ტრადიციულად ყველაზე მაღალი მოთხოვნა ადგილწარმოშობის ნახევრად ტკბილ ღვინოებზე, მათ შორის ქინძმარაულსა და ხვანჭკარაზე, ფიქსირდება.
როგორია თქვენი სამომავლო გეგმები?
ღვინის საერთაშორისო ბაზარი დღეს ძალიან დინამიკურია, ამიტომ გრძელვადიანი პროგნოზების გაკეთება საკმაოდ რთულია. ჩვენი მთავარი მიზანია, მაქსიმალურად სწრაფად ვუპასუხოთ ბაზრის მოთხოვნებს, პროცესები მუდმივად მოვარგოთ არსებულ ვითარებას და ოპტიმიზაციის პარალელურად გავზარდოთ საქმიანობის მასშტაბი. მიუხედავად არსებული გამოწვევებისა, რიგ ბაზრებზე მოთხოვნის ზრდა გვაძლევს საფუძველს, რომ საერთაშორისო მიმართულებით კიდევ უფრო აქტიურად ვიმუშაოთ და ქართული ღვინის პოზიციები გავაძლიეროთ.
ცნობისთვის, მეღვინეობა კახეთში, ქ. თელავში მდებარეობს, რომელიც 1982 წელს დაფუძნდა და მისი რესტრუქტურიზაცია 2012 წელს მოხდა.
Big Tech. Global Legends. One Future - თიბისის მხარდაჭერით თბილისში Change Inspire 2026 გაიმართა
03.07.2026.13:27
განახლებული სივრცე და მზარდი მოთხოვნა - რა სიახლეებს სთავაზობს „მზიანი“ მომხმარებელს ახალ სეზონზე
03.07.2026.12:00
TBILISI OPEN AIR 2026 - რეგიონის ყველაზე მასშტაბური მუსიკალური ფესტივალი | კოკა-კოლა ფესტივალის პარტნიორია
03.07.2026.10:32
9 წელი ბაზარზე, ახალი ფილიალები და საერთაშორისო გაფართოება - რა სიახლეებს სთავაზობს „პიელ ნატურალსი“ მომხმარებლებს
03.07.2026.10:00
LED ტექნოლოგიებზე მოთხოვნა საქართველოში იზრდება - Absen Georgia ბაზარს მსოფლიო დონის გადაწყვეტილებებს სთავაზობს
03.07.2026.09:34
5 ივლისი გაორმაგების დღეა - მომხმარებლებს 500-ზე მეტ პარტნიორ ობიექტში 50%-იანი ფასდაკლება დახვდებათ
02.07.2026.18:14
