Kairos Logistics საერთაშორისო ლოგისტიკური კომპანიაა, რომელიც ბაზარზე უკვე 13 წელია ოპერირებს და საკუთარი ავტოპარკით ემსახურება, როგორც საქართველოსა და ევროპას შორის რეგულარულ რეისებს, ისე ევროპის შიდა მარშრუტებსაც. კომპანიის დამფუძნებელი, მიხეილ ნამადოვი, Business Insider Georgia-სთან ვრცლად საუბრობს კომპანიის საქმიანობის სპეციფიკაზე, 2026 წლის შედეგებსა და სამომავლო გეგმებზე.

როგორია Kairos Logistics-ის საქმიანობის სპეციფიკა და რა გამოცდილება დაგროვდა ამ წლების განმავლობაში?

საერთაშორისო გადაზიდვების სფეროში 2013 წლიდან ვოპერირებთ და ამ ხნის განმავლობაში ქვეყნის უმსხვილეს იმპორტიორებთან თუ ექსპორტიორებთან თანამშრომლობის მყარი გამოცდილება დავაგროვეთ. საკუთარი ავტოპარკით ვემსახურებით როგორც საქართველოსა და ევროპას შორის რეგულარულ რეისებს, ისე - ახლა უკვე - ევროპის შიდა მარშრუტებსაც. მომხმარებელს ვთავაზობთ როგორც სრული (FTL), ისე ნაკრები (LTL) ტვირთის ტრანსპორტირებას - სახმელეთო და საზღვაო მეთოდებით.

როგორი იყო 2026 წლის შედეგები ევროპის მიმართულებით - რომელი ქვეყნები ლიდერობენ ექსპორტსა და იმპორტში?

კომპანიის მაგალითზე, 2026 წლის პირველ კვარტალში, ქართული პროდუქციის ექსპორტის მიმართულებით ევროპული ბაზარი ერთ-ერთ წამყვან პოზიციას ინარჩუნებს. მოწინავე პარტნიორი ქვეყნების ჩამონათვალი ასე გამოიყურება:უკრაინა,ლიტვა,პოლონეთი,მოლდოვა,გერმანია,იტალია,ესპანეთი.

საექსპორტო პორტფელში წამყვან პოზიციას ალკოჰოლური და უალკოჰოლო სასმელების ფართო ასორტიმენტი იკავებს, რასაც ემატება საავტომობილო ზეთები და ნაწილები.

რაც შეეხება იმპორტს, ტვირთი შემოვიტანეთ შემდეგი ქვეყნებიდან: უკრაინა, იტალია, გერმანია, პოლონეთი, რუმინეთი, ესპანეთი და ბულგარეთი.

კომპანიის მაგალითზე ყველაზე ხშირად იმპორტირებული ტვირთის ჩამონათვალი ასეთია: საკონდიტრო ნაწარმი, გაყინული ხილი, ბოსტნეული და ხორცი, რძის პროდუქტები, კოსმეტიკური ნაწარმი, ბავშვთა კვება, დანადგარები, საყოფაცხოვრებო ნივთები, ჰიგიენური საშუალებები და ბაკალეა.

ბოლო დროს ევროპის შიდა მიმართულებით საინტერესო პროექტი განახორციელეთ - გვიამბეთ ამის შესახებ.

ეს მიმართულება ჩვენი გუნდისთვის ახალია, თუმცა წარმატებით შევასრულეთ რეისი ერთ-ერთი წამყვანი ევროპული პრემიუმ-კლასის მოდის სახლისთვის - გერმანიიდან ესპანეთის მიმართულებით. ტვირთის მაღალი ღირებულებისა და სპეციფიკის გამო, პარტნიორისთვის კრიტიკულად მნიშვნელოვანი იყო ორი ფაქტორი: უსაფრთხოება და ტვირთის სასაქონლო იერსახის სრულყოფილი შენარჩუნება მთელი მარშრუტის განმავლობაში. აქტიურად ვმუშაობთ ამ მიმართულების განვითარებაზე, წელი არ დასრულებულა და ვფიქრობ ჯერ კიდევ წინ გვაქვს საინტერესო პროექტები.

რა არის ის რაც განასხვავებს Kairos Logistics კონკურენტებისგან?

რამდენიმე ფაქტორს გამოვყოფდი. პირველ რიგში - დაგროვილ გამოცდილებას, რომელიც გვეხმარება ვმართოთ ნებისმიერი მოცულობის შეკვეთები, საკუთარი ავტოპარკს, ასევე განრიგის სტაბილურობას, მასშტაბსა და მოქნილობას: ვთავაზობთ როგორც სრული, ისე ნაკრები ტვირთის ფორმატს, რაც ერთნაირად ეხმარება მსხვილ და მცირე ბიზნესს. და ბოლოს - მულტიმოდალურობას: სახმელეთო, საზღვაო და სარკინიგზო გადაზიდვის კომბინაციით ვირჩევთ თითოეული ტვირთისთვის ოპტიმალურ მარშრუტსა და ღირებულებას.

რა გეგმები აქვს კომპანიას სამომავლოდ?

ჩვენი გეგმები სამივე მთავარ მიმართულებას მოიცავს: საქართველო-ევროპის ღერძს, ევროპის შიდა ბაზარსა და ცენტრალური აზიის მიმართულებას - თუმცა თითოეულს საკუთარი ლოგიკა და პრიორიტეტული ამოცანები აქვს.

პირველ რიგში მინდა გამოვყო ექსპორტის მიმართულების ხელშეწყობა და არსებული მაჩვენებლების ზრდა, ასევე ცენტრალური აზიის მიმართულება ჩვენთვის პრიორიტეტულია,მზარდია მოთხოვნაც, ამიტომ აქტიურად ვავითარებთ სასაწყობე ინფრასტრუქტურას თბილისსა და ფოთში - ორივე მათგანი ბიზნესებს სთავაზობს არა მხოლოდ დროებით შენახვას, არამედ ტვირთის კონსოლიდაციის, გადანაწილებისა და საბაჟო პროცედურების უფრო სწრაფად და მოქნილად წარმართვის შესაძლებლობას.

ამ ეტაპზე კომპანია ფლობს, როგორც საბაჟო, ისე არასაბაჟო საწყობებს თბილისის გეზთან,ამავდროულად აქტიურად მიმდინარეობს ფოთში A კლასის ტერმინალის მშენებლობა, რომლის ერთ-ერთი უპირატესობაც რკინიგზის ჩიხები იქნება.

გრძელვადიან პერსპექტივაში ჩვენი მიზანი უცვლელია: დავრჩეთ პარტნიორი, რომელსაც ბიზნესი ენდობა, როგორც სტანდარტული, ისე განსაკუთრებული სირთულის გადაზიდვების დროს. B2B სეგმენტისთვის ეს ნიშნავს ინდივიდუალურად მორგებულ მარშრუტებს, გამჭვირვალე კომუნიკაციას პროცესის ყველა ეტაპზე,პროცესის სრულ დაზღვევას და მოქნილობას - იქნება ეს ერთჯერადი, სპეციფიკური მოთხოვნების მქონე გადაზიდვა თუ სტაბილური თანამშრომლობა. სწორედ ეს მიდგომა გვეხმარება ვიყოთ არა ერთჯერადი მომსახურების მიმწოდებელი, არამედ სტრატეგიული, გრძელვადიანი პარტნიორი.