ამ ეტაპზე ვმუშაობთ კლასიკური ხაზის შექმნაზე, რომლის გაყიდვაშიც ჩაშვებას უახლოეს პერიოდში ვგეგმავთ, - ამის შესახებ Business Insider Georgia-ს ქართული ნატურალური ჩაის მწარმოებელი კომპანია „ბუეთის“ გაყიდვების ხელმძღვანელმა ქეთევან კაკაურიძემ განუცხადა.

რა სიახლეებს სთავაზობს „ბუეთი“ მომხმარებელს ამ ეტაპზე და რა მიმართულებებით ვითარდება კომპანია?

ამ ეტაპზე ვმუშაობთ კლასიკური ხაზის შექმნაზე, რომლის გაყიდვაშიც ჩაშვებას უახლოეს პერიოდში ვგეგმავთ. პარალელურად, HoReCa სექტორის ობიექტებთან აქტიურად ვთანამშრომლობთ და მათი საჭიროებებისა და მოთხოვნების შესაბამისად ინდივიდუალური პროდუქტებისა და სახეობების შექმნაზე ვმუშაობთ.

როგორია მოთხოვნა თქვენს პროდუქტებზე და რა ტენდენციებს ხედავთ მომხმარებელთა ინტერესების კუთხით?

ინტერესი ჩაის მიმართ ვისაც გააჩნია ყველა უპირობოდ ეძებს ნამდვილ ძველ გემოს რომელიც ახსოვთ. მოთხოვნაც მეტად იზრდება და ტენდენცია ჩაის მიმართ მაინც კლასიკური სუფთა ჩაის გემოა,ბუნებრივი,დანამატების გარეშე.

ჩაის მიმართ ინტერესი მზარდია - მომხმარებლები ეძებენ ტრადიციულ, ავთენტურ გემოს. ბაზარზე იკვეთება ტენდენცია კლასიკური, ბუნებრივი და დანამატების გარეშე ჩაის მიმართ.

როგორ ყალიბდება კომპანიის ასორტიმენტი და რა პრინციპით არჩევთ ახალ პროდუქტებს?

ასორტიმენტი სრულად მოთხოვნიდან გამომდინარე ყალიბდება და იცვლება, თუმცა ის ძირითადი 6 გემო რაც ყუთებით გვაქვს წარმოდგენილი უცვლელად ინარჩუნებს ადგილს.

როგორია კომპანიის სამომავლო ხედვა და რა მიმართულებებზე გეგმავთ განვითარებას?

კომპანიის სამომავლო გეგმაა ცნობადობის გაზრდა და პროდუქციის უნიკალურობის შესახებ ინფორმაციის უფრო ფართო აუდიტორიამდე მიტანა, რაც გაყიდვების ზრდაზეც აისახება.

ინფორმაციისთვის, კომპანია ექვსი წელია, რაც ბაზარზე ოპერირებს და მომხმარებლებს მრავალფეროვან არჩევანს სთავაზობს. საწარმო ტყიბულში მდებარეობს და აღჭურვილია თანამედროვე ტექნოლოგიით.