კრედო ბანკმა ტურიზმისა და სტუმარმასპინძლობის სფეროში მოქმედი ბიზნესების მხარდასაჭერად ახალი პროექტი „გიდი“წამოიწყო. პროექტის მიზანია ტურისტული ბიზნესებისთვის ფინანსურ რესურსებთან ერთად ისეთი მხარდაჭერის შეთავაზება, რომელიც მათ საქმიანობის განვითარებასა და ბიზნესის ეფექტიან მართვაში დაეხმარება.

„გიდი“ განკუთვნილია სასტუმროების, ჰოსტელების, კოტეჯების, აპარტამენტებისა და ტურიზმისა და სტუმარმასპინძლობის სფეროში მოქმედი სხვა ბიზნესებისთვის. პროექტის ფარგლებში კრედო ბანკი მათ სთავაზობს სრულ საბანკო მომსახურებას, დაფინანსების ხელსაყრელ პირობებსა და თითოეული ბიზნესის სპეციფიკის გათვალისწინებით შექმნილ ინდივიდუალურ შეთავაზებებს.

პროექტის მნიშვნელოვანი ნაწილია ტრენინგების სერია, რომლის ფარგლებშიც სტუმარმასპინძლობის სფეროს წარმომადგენლებს ბიზნესის განვითარებისთვის საჭირო ცოდნისა და პრაქტიკული გამოცდილების მიღების შესაძლებლობა ეძლევათ. ტრენინგები სხვადასხვა აქტუალურ საკითხს მოიცავს და მიზნად ისახავს ბიზნესების მხარდაჭერას როგორც ყოველდღიური საქმიანობის გაუმჯობესებაში, ისე გრძელვადიან განვითარებაში.

პროექტის ფარგლებში პირველი წარმატებული ტრენინგი ივლისში ჩატარდა. 

შეხვედრაზე განხილული იყო შემდეგი თემები:
(1) როგორ გამოიყენო AI ტურისტულ ბიზნესში ყოველდღიური პროცესების გასამარტივებლად;
(2) როგორ გამოიყენო Booking.com-ის შესაძლებლობები მეტი ჯავშნისა და უკეთესი შედეგებისთვის;
(3) პრაქტიკული რეკომენდაციები ბიზნესის ეფექტურად განვითარებისთვის.
მონაწილეებს საკუთარ გამოცდილებასა და პრაქტიკულ რეკომენდაციებს უზიარებდა გიორგი მაისურაძე - სტუმარმასპინძლობის სფეროს ექსპერტი.

კრედო ბანკი სტუმარმასპინძლობის ბიზნესების მხარდაჭერას პროექტის „გიდის“ ფარგლებში მომავალშიც აქტიურად გააგრძელებს. ტრენინგების სერია გრძელდება და 24 აგვისტოს ახალი შეხვედრა გაიმართება, რომელზეც სტუმარმასპინძლობის სფეროს წარმომადგენლებს შესაძლებლობა ექნებათ, მიიღონ პრაქტიკული ცოდნა და საკუთარ ბიზნესზე მორგებული გამოცდილება.

ახალ ტრენინგზე დასწრების მსურველებს კრედო ბანკი 24 აგვისტოს შეხვედრაზე შემოერთებასა და წინასწარ რეგისტრაციას სთავაზობს.

ცნობისთვის, კრედო ბანკი ტურისტული ბიზნესის წარმომადგენლებს ყოველდღიური საბანკო მომსახურების სრულ პაკეტსაც სთავაზობს.

მომხმარებლებისთვის ხელმისაწვდომია ბიზნეს ანგარიში და ბიზნეს ბარათი, რომლებიც ყოველდღიური ბიზნესოპერაციების მარტივ მართვას უზრუნველყოფს; საბანკო ოპერაციების შესრულება შესაძლებელია Mycredo მობაილ და ინტერნეტბანკის საშუალებით, რაც მომხმარებლებს ნებისმიერ დროსა და ადგილიდან, სრულად ონლაინ რეჟიმში, 24/7-ზე აძლევს საბანკო მომსახურების მიღების შესაძლებლობას; შეთავაზების ნაწილია Keepz QR ტერმინალიც – თანამედროვე ციფრული ანგარიშსწორების საშუალება, რომელიც გადახდების მიღების შესაძლებლობას დამატებითი ხარჯების გარეშე უზრუნველყოფს; ტურისტული ბიზნესისთვის ასევე ხელმისაწვდომია POS ტერმინალი საბარათე გადახდების სწრაფად, უსაფრთხოდ და მარტივად მისაღებად, სპეციალური ტარიფებით; შეთავაზება მოიცავს  საერთაშორისო გადარიცხვებსაც, რაც 50-ზე მეტ ქვეყანაში თანხის იაფად და სწრაფად გადარიცხვის შესაძლებლობას იძლევა; ამასთან, ბიზნესებს შეუძლიათ ისარგებლონ სახელფასო პროგრამით, რომელიც თანამშრომლების ხელფასების მარტივ, სწრაფ და ეფექტურ ადმინისტრირებას უზრუნველყოფს.