„ამბასადორი აილენდ ბათუმი" აღარ არის უბრალო დეველოპერი. კომპანიამ სრული სტრატეგიული ტრანსფორმაცია განახორციელა და საერთაშორისო ინვესტორებს მზა ბიზნეს-კონცეფციებს, სრულ დოკუმენტაციასა და Due Diligence-ის მხარდაჭერას სთავაზობს - ბაზარზე შესვლის დრო მინიმუ  ორი წლით მცირდება.

საერთაშორისო ინვესტორებისთვის განვითარებადი ბაზრების მთავარი დაბრკოლება ჩვეულებრივ ერთი და იგივეა: მაღალი ბიუროკრატია, სამართლებრივი გაურკვევლობა და Due Diligence-ის შრომატევადი პროცესი. სწორედ ამ პრობლემის გადაჭრაზე ააგო „ამბასადორი აილენდ ბათუმმა" თავისი ახალი სტრატეგია.

კომპანიამ სამი მსხვილი საერთაშორისო ორგანიზაციის გამოცდილება შეისწავლა - აბუ-დაბის სახელმწიფო საინვესტიციო ფონდი ADIA, ინდონეზიის სუვერენული განვითარების ფონდი (INA) და სააგენტო „აწარმოე საქართველოში". ამ სამი მოდელის საუკეთესო პრაქტიკაზე დაყრდნობით განხორციელდა კომპანიის სრული რეპოზიციონირება.

„ჩვენ არ ვპოზიციონირებთ როგორც უძრავი ქონების გამყიდველი - ჩვენ ბიზნეს-კონცეფციების შემომთავაზებლები ვართ. გვაქვს კონკრეტული ლოკაციები, მონაცემებზე დაფუძნებული ბიზნეს-გეგმები და გლობალური კომპანიების ჩართულობით მომზადებული არქიტექტურული კონცეფციები," - განმარტავს კამკია.

პრაქტიკულად ეს ნიშნავს, რომ ინვესტორი კუნძულზე მოდის არა ცარიელ ნაკვეთზე, არამედ სრულად მომზადებულ პირობებში: Off-the-shelf კომპანია - ანუ უკვე რეგისტრირებული იურიდიული პირი - მზადაა, არქიტექტურული კონცეფცია დამტკიცებულია, საჭირო ნებართვების მიღების პროცესი კი კომპანიის მიერ კოორდინირდება.

„ზუსტად ვიცით, რა ეკონომიკური და სამართლებრივი კითხვები უჩნდება ინვესტორს Due Diligence-ის პროცესში. შესაბამისად, მზა პასუხებით ვხვდებით. საქართველოში ბიზნესის გახსნა ერთ დღეში შეიძლება," - აცხადებს კამკია.

კამკია ღიად საუბრობს განვითარებადი ბაზრის სპეციფიკაზეც. მისი თქმით, ინვესტორები ხშირად განვითარებულ ბაზარს ანიჭებენ უპირატესობას - იქ სისტემები ჩამოყალიბებულია და რისკი დაბალია. თუმცა განვითარებადი ბაზარი მათთვის მომგებიანია მოგების მაღალი მარჟის გამო.

„განვითარებად ბაზრებზე ინვესტორები ჩვეულებრივ სამ ბარიერს ხედავენ: მაღალი ბიუროკრატია, კორუფციის რისკი და ინტეგრირებული სისტემების სიმწირე. ჩვენი გზავნილი ისაა, რომ საქართველოში ეს სამივე საკითხი მოგვარებულია - ევროპაში ერთ-ერთი ყველაზე დაბალი გადასახადები, გამჭვირვალე სამართლებრივი გარემო და სრულად მზა ინფრასტრუქტურა," - დასძენს კამკია.