Le Méridien Batumi Luxury Lifestyle Awards 2026-ის გამარჯვებული გახდა კატეგორიაში Best Luxury Conference & Event Hotel in Batumi , - ამის შესახებ, Business Insider Georgia -ს Le Méridien Batumi-ის გაყიდვების დირექტორმა ნონა შოთაძემ განუცხადა.

„Luxury Lifestyle Awards 2026-ზე გამარჯვება კატეგორიაში Best Luxury Conference & Event Hotel in Batumi ჩვენთვის ძალიან მნიშვნელოვანი აღიარებაა. ეს ჯილდო კიდევ ერთხელ ადასტურებს, რომ „ლე მერიდიენ ბათუმი“ არა მხოლოდ პრემიუმ სასტუმროა, არამედ სივრცეა, სადაც თითოეული ღონისძიება განსაკუთრებულ გამოცდილებად გარდაიქმნება.

ჩვენი მიზანი ყოველთვის იყო შეგვექმნა ადგილი, რომელიც საერთაშორისო სტანდარტებს არა მხოლოდ აკმაყოფილებს, არამედ ახალ ნიშნულსაც აყალიბებს რეგიონში. სწორედ ამიტომ, განსაკუთრებულ ყურადღებას ვუთმობთ დეტალებს - მომსახურების ხარისხს, ტექნოლოგიურ შესაძლებლობებს, სივრცის დიზაინსა და სტუმრის ემოციას.

„ლე მერიდიენ ბათუმის“ ერთ-ერთი მთავარი უპირატესობა ჩვენი საკონფერენციო და ივენთ სივრცეებია, რომლებიც მე-12 სართულზე მდებარეობს და ბათუმისა და შავი ზღვის პანორამულ ხედებს აერთიანებს. ეს გარემო თითოეულ ღონისძიებას განსხვავებულ ხასიათსა და ენერგიას სძენს. ჩვენი სივრცეები სრულად არის ადაპტირებული, როგორც საერთაშორისო კონფერენციებისთვის, ისე ბიზნესფორუმებისა და კორპორატიული ღონისძიებებისთვის.

განსაკუთრებით საამაყოა ისიც, რომ Marriott-ის გლობალურ ქსელში სტუმრების კმაყოფილების მაღალი ინდექსით გამოვირჩევით. ეს შედეგი ჩვენი გუნდის ყოველდღიური შრომისა და პროფესიონალიზმის პირდაპირი გამოხატულებაა.

ჩვენ აქტიურად ვთანამშრომლობთ სხვადასხვა ინდუსტრიასთან - სპორტის, ავიაციის, საავტომობილო, ფარმაცევტიკისა და სხვა სფეროების წარმომადგენლებთან, რაც საშუალებას გვაძლევს, თითოეულ პარტნიორს ინდივიდუალური და სრულყოფილი გამოცდილება შევთავაზოთ.

ჩვენთვის თითოეული პროექტი უნიკალურია. სწორედ ამიტომ, პროცესს მაქსიმალურად მოქნილსა და კომფორტულს ვხდით - იქნება ეს სივრცის ადაპტირება, მენიუს ინდივიდუალური შერჩევა თუ ღონისძიების სრული კოორდინაცია. ჩვენი მიზანია, ორგანიზატორები სრულად კონცენტრირდნენ საკუთარ იდეაზე, დანარჩენზე კი ჩვენ ვიზრუნოთ.

დამატებით ღირებულებას ქმნის Marriott Bonvoy-ის პროგრამაც, რომელიც კორპორაციულ კლიენტებს სთავაზობს ექსკლუზიურ ბენეფიტებსა და ქულების დაგროვების შესაძლებლობას, რაც თანამშრომლობას კიდევ უფრო საინტერესოს და ეფექტურს ხდის.

ეს გამარჯვება ჩვენთვის დიდი მოტივაციაა, გავაგრძელოთ განვითარება და შევქმნათ კიდევ უფრო გამორჩეული გამოცდილებები როგორც ადგილობრივი, ისე საერთაშორისო სტუმრებისთვის “, - აცხადებს ნონა შოთაძე.