Lion Finance Group-ის შვილობილმა Ameriabank-მა და FMO-მ ხელი მოაწერეს €120 მილიონის მოცულობის შეთანხმებას სომხეთში MSMEs-ის მხარდაჭერისა და მწვანე დაფინანსების განვითარების მიზნით
Ameriabank-მა და ნიდერლანდების განვითარების ბანკმა (FMO) ლატვიის დედაქალაქ რიგაში გამართული EBRD-ის ყოველწლიური შეხვედრის ფარგლებში 120 მილიონი ევროს მოცულობის სასესხო შეთანხმებას მოაწერეს ხელი. შეთანხმების მიზანია სომხეთში მიკრო, მცირე და საშუალო საწარმოებისთვის (MSME) ფინანსებზე ხელმისაწვდომობის გაფართოება და მწვანე დაფინანსების მეშვეობით მდგრადი განვითარების ხელშეწყობა.
დაფინანსების სულ მცირე 25% შესაბამის მწვანე პროექტებზე მიიმართება. დარჩენილი თანხა მიკრო, მცირე და საშუალო საწარმოების დაფინანსებას მოხმარდება, განსაკუთრებული აქცენტით ქალებისა და ახალგაზრდა მეწარმეების მიერ მართულ ბიზნესებზე, ასევე სოფლის მეურნეობისა და სოფლის რეგიონებში მოქმედ საწარმოებზე.
ახალი შეთანხმება ხაზს უსვამს Ameriabank-ისა და FMO-ს საერთო ერთგულებას ინკლუზიური ეკონომიკური ზრდის მხარდაჭერის, ადგილობრივი ბიზნესების კონკურენტუნარიანობის გაძლიერებისა და უფრო მდგრად ეკონომიკაზე გადასვლის პროცესის დაჩქარების მიმართ.
შეთანხმების შესახებ კომენტირებისას, Ameriabank-ის ფინანსური ინსტიტუტების მიმართულების ხელმძღვანელმა განაცხადა:
„მოხარულები ვართ, რომ FMO-სთან მრავალწლოვან პარტნიორობას ამ ახალი დაფინანსების მექანიზმით კიდევ უფრო ვაძლიერებთ. ეს შეთანხმება ხელს შეუწყობს სომხეთში მიკრო, მცირე და საშუალო ბიზნესისთვის ფინანსებზე წვდომის გაფართოებას და გაზრდის მხარდაჭერას მწვანე და ინკლუზიური პროექტების მიმართ. აღნიშნული თანამშრომლობა მნიშვნელოვან როლს ასრულებს მდგრადი ეკონომიკური ზრდის ხელშეწყობასა და ქვეყნის მასშტაბით მეწარმეებისთვის ახალი შესაძლებლობების შექმნაში, რაც Ameriabank-ისთვის სტრატეგიულად მნიშვნელოვანი მიმართულებაა.“
Ameriabank-სა და FMO-ს შორის პარტნიორობა მნიშვნელოვნად გაფართოვდა 2009 წლიდან, როდესაც Ameriabank-მა FMO-სგან პირველი დაფინანსება მიიღო სომხეთის მცირე და საშუალო ბიზნესისა და განახლებადი ენერგიის პროექტების მხარდასაჭერად.
ბოლო 17 წლის განმავლობაში FMO-მ Ameriabank-ს ჯამში დაახლოებით 400 მილიონი აშშ დოლარის დაფინანსება გამოუყო. აღნიშნულმა რესურსმა ხელი შეუწყო სომხეთში მრავალი ბიზნესისა და განახლებადი ენერგიის პროექტის განხორციელებას, მეწარმეობის განვითარებას, ახალი სამუშაო ადგილების შექმნასა და უფრო მწვანე ეკონომიკის ჩამოყალიბებას.
სხვა სიახლეები
„ვილაპარაკოთ, რომ გავუგოთ და არა მოვუგოთ“ - სელფი მობაილის ახალი კამპანია
19.11.2026.16:15
სელფი მობაილმა, კრეატიულ სააგენტო „სუპერმარკეტთან“ თანამშრომლობით, ახალი კამპანია: „ვილაპარაკოთ, რომ გავუგოთ და არა მოვუგოთ“ წარადგინა. კამპანიის მთავარი იდეაა, საზოგადოებას შეახსენოს, რომ საუბრის რეალური ღირებულება ერთმანეთის მოსმენა და გაგებაა.
დღეს, როდესაც ყოველდღიური საუბრები, ხშირად, კამათსა და საკუთარი სიმართლის დამტკიცებაში გადაიზრდება, სელფი მობაილი ყურადღებას ამახვილებს გულწრფელი კომუნიკაციის მნიშვნელობაზე. კამპანია ადამიანებს მოუწოდებს საუბარი არა შეჯიბრად, არამედ ერთმანეთის უკეთ გაცნობისა და გაგების შესაძლებლობად აღიქვან.
კამპანიის მთავარი ვიდეორგოლი ყოველდღიურ, ყველასთვის ნაცნობ სიტუაციებს ასახავს, სადაც ჩვეულებრივი საუბრები დებატებად იქცევა. დედა-შვილი, მეგობრები და თანამშრომლები ერთმანეთს არგუმენტებით უპირისპირდებიან, თითოეული არგუმენტი კი ქულად ითვლება. ყველა საკუთარი პოზიციის დამტკიცებას ცდილობს, რის შედეგადაც საუბარი თავდაპირველ მიზანს - ერთმანეთის გაგებას კარგავს.
„როგორც ტელეკომ ოპერატორი, ჩვენი მთავარი მიზანი ადამიანების ერთმანეთთან დაკავშირებაა. თუმცა მნიშვნელოვანია არა მხოლოდ კომუნიკაციის შესაძლებლობის შექმნა, არამედ ისიც, თუ როგორ იყენებენ ადამიანები ამ კავშირს. ამ კამპანიით გვსურს შევახსენოთ საზოგადოებას, რომ საუბრის მიზანი ყოველთვის საკუთარი სიმართლის დამტკიცება არ არის. ზოგჯერ გაცილებით მნიშვნელოვანია მოვუსმინოთ ერთმანეთს, გავიგოთ საპირისპირო მოსაზრება და მეტი სივრცე დავტოვოთ გულწრფელი დიალოგისთვის“, - აცხადებენ სელფი მობაილში.
„ვილაპარაკოთ, რომ გავუგოთ და არა მოვუგოთ“ კამპანია ადამიანებს მარტივ კითხვაზე დაფიქრებას სთავაზობს: ბოლოს როდის ვისაუბრეთ იმისთვის, რომ ერთმანეთისთვის გაგვეგო და არა მოგვეგო?
ვილაპარაკოთ, რომ გავუგოთ და არა მოვუგოთ
კრედიტები:
კრეატიული სააგენტო: SUPERMARKET
კრეატიული დირექტორები: ეკა ყიფიანი, სანდრო ციცქიშვილი
არტ დირექტორი: ანი როსტომაშვილი
დიზაინერი: თიკუნა ადეიშვილი
ექაუნთ მენეჯერი: გიორგი ტაბატაძე
აღმასრულებელი პროდიუსერი - სანდრო გაბილაია
ფროდაქშენის ჰედი & პროდიუსერი - მაიკო გურაბანიძე
რეჟისორი - დავით ბორჩხაძე
დამდგმელი ოპერატორი - სანდრო დარახველიძე
ფოტოგრაფი - ელენე შენგელია
1st AD / LP - ნინი იაშვილი
ფროდაქშენ მენეჯერი - ტატო ფანცულაია
ფინანსური მენეჯერი - მაკა ლაბაძე
ფინანსური ადმინისტრატორი - თეკო გურაბანიძე
პოსტ ფროდაქშენ პროდიუსერი - ბურო
ლოჯისტიკის მენეჯერი - დავით მაღლაკელიძე
ტრანსპორტ მენეჯერი - დავით ფერაძე
ლოკაციის მენეჯერი - ნათია ჩომახიძე
ლოკაციის კოორდინატორი - ზაზა ჭიღლაძე
კასტინგის მენეჯერი - ლიზა ადამაშვილი
კასტინგის ასისტენტი - ვიკა ბოკერია
PA - ანეტა გვასალია
სეტი
სეტ მენეჯერი - ნიკო ჩხაიძე
დიასახლისი - სვეტა ბაღდასარიანი
მხატვრობა
ფროდაქშენ დიზაინი: Nisley studio
დამდგმელი მხატვრები - სოფიო გულისაშვილი, ზურა კიკვაძე
არტ დეპარტამენტი: დავით ღვინაშვილი, თამაზ ბოჭოიძე, გური ჭვრიტიძე, გარიკ მარტიროსიანი, ბექა ყალაბეგაშვილი
რეკვიზიტორი: თათია გულისაშვილი
კოსტუმი /გრიმი
კოსტიუმების მხატვარი - ანკა გაბუნია
კოსტიუმების მხატვარი - მარიამ გელაშვილი
გრიმი - სალომე ზაქარაია, ტაისია ერაძე
ტექნიკური ჯგუფი
2nd AC - კარბელა
ფოკუსი - საბა თეთრაძე
გაფერი - კადაფა
პოსტი
VFX/AI - Highway VFX
VFX/AI - გიორგი ფაილოძე
ფერის კორექცია - მინდია ინასარიძე
მუსიკა - Break Records
საუნდ დიზაინი - Uzupo
Motion Graphics - ლევან ზაზარაშვილი
მუსიკა - გიორგი ჩაგელაშვილი
საკონტაქტო ინფორმაცია მედიისთვის: asadunashvili@cellfie.ge
დამატებითი ინფორმაციისთვის კომპანიის შესახებ, ეწვიეთ: http://cellfie.ge; ასევე სელფის სოციალური მედიის არხებს: