თბილისში, კონცეპტუალურ სივრცე MAIZEN-ში, კიდევ ერთი გამორჩეული და დახვეწილი საღამო გაიმართა Missoni x MAIZEN-ის კოლაბორაციის ფარგლებში. ღონისძიებას ესწრებოდნენ Missoni-ს წარმომადგენლები იტალიიდან, რაც კიდევ ერთხელ უსვამს ხაზს MAIZEN-ისა და საერთაშორისო ბრენდების წარმატებულ თანამშრომლობას.

MAIZEN დღეს ოფიციალური და ექსკლუზიური წარმომადგენელია Missoni Tableware-ის საქართველოში და აგრძელებს მსოფლიო დონის დიზაინისა და lifestyle ბრენდების ქართულ ბაზარზე წარმოდგენას.

საღამოს ესწრებოდნენ MAIZEN-ის მომხმარებლები, დიზაინის, მოდის, არქიტექტურისა და კულტურის სფეროს წარმომადგენლები, ასევე ინფლუენსერები და ბრენდის მეგობრები. ღონისძიება აერთიანებდა თანამედროვე ესთეტიკას, იტალიურ დიზაინს, მუსიკას, კომუნიკაციასა და განსაკუთრებულ ატმოსფეროს, რომელიც უკვე MAIZEN-ის ხელწერად იქცა.

აღსანიშნავია, რომ მსოფლიოს მასშტაბით, პირველად სწორედ MAIZEN-ში გახდა ხელმისაწვდომი Missoni-ს ახალი კოლექცია “Waves”, რომელმაც საერთაშორისო დიზაინის სამყაროში განსაკუთრებული ყურადღება მიიპყრო. კოლექცია უკვე გაყიდვაშია MAIZEN-ის შოურუმში.

MAIZEN ეტაპობრივად აგრძელებს საქართველოში ახალი, საინტერესო და საერთაშორისო ბრენდების შემოყვანას, რითაც ქმნის უნიკალურ სივრცეს დიზაინის, კულტურისა და თანამედროვე ცხოვრების სტილის მოყვარულთათვის.

ბრენდის წარმომადგენლების განცხადებით, ეს მხოლოდ დასაწყისია - წინ კიდევ ბევრი საინტერესო საღამო, კოლაბორაცია და სპეციალური ღონისძიებაა დაგეგმილი. ამასთან, MAIZEN ძალიან მალე ქართველ მომხმარებელს კიდევ ერთ საერთაშორისო, ყველასთვის საყვარელ და ცნობილ ბრენდს წარუდგენს.