ჰიპერმარკეტების ქართული ქსელი „გუდვილი“ თავისი გამორჩეული ქეითერინგის მომსახურებით არის ცნობილი. წლების განმავლობაში დაგროვილი გამოცდილების საფუძველზე, კომპანიამ ორი წლის წინ ეს მიმართულება ცალკე ბრენდად ჩამოაყალიბა და დღეს ის მომხმარებლისთვის AllGood-ის სახელით არის ცნობილი. მიმდინარე სიახლეებსა და სამომავლო გეგმებზე Business Insider Georgia-სთან კომპანიის დირექტორი, ქეთი მდივანი საუბრობს.

„გუდვილის" ქეითერინგის მიმართულება საქართველოში ამ სფეროს პიონერია - უკვე თითქმის ოცი წელია ამ საქმეში ვართ, ხოლო ორი წლის წინ ეს სერვისი Allgood-ის სახელით ცალკე ბრენდად გამოვიტანეთ.

ამ წლების განმავლობაში ჩვენს გუნდს ისეთი მასშტაბური ღონისძიებების ქეითერინგი ებარა, როგორიცაა Bruno Mars, Elton John, Aerosmith, Imagine Dragons, Eurovision და ჭადრაკის მსოფლიო ჩემპიონატი. წინ კიდევ არაერთი მსხვილი პროექტი გვაქვს. ამასთან, კორპორატიულ და ბიზნეს სექტორში ერთ-ერთი ყველაზე გამოცდილი პარტნიორები ვართ.

ჩვენი სიძლიერე ასევე, იმ სტანდარტშია, რომ არ აქვს მნიშვნელობა - ოჯახური შეკრებისთვის გჭირდება სუფრის გაშლა თუ ათასი სტუმრის ღონისძიებისთვის, ყველა მასშტაბს ერთნაირი პასუხისმგებლობით და მონდომებით ვეპყრობით.

ახლა ჩვენი მიზანია Allgood კიდევ უფრო ხელმისაწვდომი გავხადოთ. ვუშვებთ ახალ ვებგვერდს სერვისებისა და მენიუების სრული სპექტრით. ვამზადებთ კორპორატიული და კერძო ღონისძიებებისთვის ახალ მენიუებს. საცალო მიმართულებაში კი, სადაც ისედაც ვმუშაობდით, მნიშვნელოვნად ვფართოვდებით - სეზონური სიახლეები, რომლებსაც ეტაპობრივად გავუზიარებთ მომხმარებელს",- აცხადებს ქეთი მდივანი.