Mastercard Economics Institute-მა (MEI) თბილისში მაღალი დონის კონფერენციას უმასპინძლა, რომელმაც სახელმწიფო სექტორის, ტურიზმის, ავიაციის, სტუმარმასპინძლობის, საცალო ვაჭრობისა და ფინანსური ინდუსტრიის ლიდერები გააერთიანა. ღონისძიების მთავარი თემა იყო „საქართველოს ეკონომიკური პერსპექტივები და მათი გავლენა ტურიზმზე“ (Economic Outlook and Implications for Travel in Georgia).

მაშინ, როდესაც 2026 წელს გლობალური ტურიზმი სულ უფრო მეტად განისაზღვრება გეოპოლიტიკური გარემოს ცვლილებით, ენერგომატარებლების ღირებულებითა და მოგზაურობის დაგეგმვის პროცესში ციფრული და ხელოვნური ინტელექტის ტექნოლოგიების მზარდი გამოყენებით, დისკუსია შეეხო იმას, თუ როგორ ცვლის ეს ფაქტორები ტურისტულ მოთხოვნას, სამომხმარებლო ხარჯვის მოდელებსა და ტურისტული მიმართულებების კონკურენტუნარიანობას მსოფლიოს მასშტაბით და რას ნიშნავს ეს ყველაფერი საქართველოს ტურიზმის სექტორისა და ეკონომიკისთვის.

ღონისძიებას ესწრებოდნენ საქართველოს ეკონომიკისა და მდგრადი განვითარების სამინისტროს, საქართველოს ტურიზმის ეროვნული ადმინისტრაციის, ავიაკომპანიების, აეროპორტების, სტუმარმასპინძლობის სექტორის, ფინანსური ინსტიტუტების, საერთაშორისო ორგანიზაციებისა და ბიზნეს ასოციაციების წარმომადგენლები.

ღონისძიების ფარგლებში გაიმართა ინტერაქტიული პრეზენტაცია, რომელსაც უძღვებოდნენ Mastercard-ის ევროპის, ახლო აღმოსავლეთისა და აფრიკის რეგიონის (EEMEA) მთავარი ეკონომისტი ხატიჟა ჰაკი და Mastercard-ის EEMEA რეგიონის უფროსი ეკონომისტი დენიზ ბაირამი.

ეკონომისტებმა ხაზი გაუსვეს, რომ ტურისტული მოთხოვნა კვლავ მდგრადია, თუმცა მომხმარებლები უფრო გააზრებულად გეგმავენ მოგზაურობასა და ხარჯვას.

„Mastercard Economics Institute-ის უნიკალურობა მდგომარეობს იმაში, რომ ის აერთიანებს ეკონომიკურ მაჩვენებლებს, მომხმარებელთა ქცევის ტენდენციებსა და ანონიმიზებულ, აგრეგირებულ გადახდების მონაცემებს, რაც საშუალებას გვაძლევს რეალურ დროში უკეთ გავიგოთ, როგორ ვითარდება ეკონომიკები და ინდუსტრიები. ეს ცოდნა ეხმარება მთავრობებს, ბიზნესებსა და გადაწყვეტილების მიმღებ პირებს, მიიღონ უფრო ინფორმირებული გადაწყვეტილებები და გამოავლინონ მდგრადი ზრდის ახალი შესაძლებლობები,” - განაცხადა ხატიჟა ჰაკმა.

კონფერენციაზე განსაკუთრებული ყურადღება დაეთმო როგორც ტურისტული ბაზრის ძირითად ტენდენციებს, ასევე საქართველოს შესაძლებლობებს, კიდევ უფრო გააძლიეროს საკუთარი პოზიციები, როგორც რეგიონულმა ტურისტულმა და ბიზნეს ჰაბმა.

„მონაცემებზე დაფუძნებული ანალიზი ტურიზმის მომავლისთვის სულ უფრო მნიშვნელოვანი ხდება. Mastercard Economics Institute-ის კვლევები გვაძლევს შესაძლებლობას, უკეთ გავიგოთ ვიზიტორთა ქცევა, გამოვავლინოთ ახალი შესაძლებლობები და ხელი შევუწყოთ საქართველოს ტურიზმის ეკოსისტემის მდგრად განვითარებას,“ - აღნიშნა Mastercard-ის ვიცე-პრეზიდენტმა საქართველოსა და სომხეთში, დავით ზღუდაძემ.

ღონისძიებამ კიდევ ერთხელ დაადასტურა Mastercard-ის ერთგულება საქართველოს ეკონომიკური და ტურისტული განვითარების მხარდაჭერისადმი კვლევების, ინოვაციების, საერთაშორისო გამოცდილებისა და ანალიტიკური ცოდნის გაზიარების გზით.