Memory Casa სახლისა და სამზარეულოს ჭურჭლისა და აქსესუარების ონლაინ მაღაზიაა, რომელიც მომხმარებლებს თანამედროვე დიზაინით, მაღალი ხარისხითა და ფუნქციურობით გამორჩეულ პროდუქტებს სთავაზობს. კომპანიის საქმიანობისა და სამომავლო გეგმების შესახებ Business Insider Georgia-ს Memory Casa-ს მარკეტინგის მენეჯერები - თეკლა მუგასაშვილი და ნატალია ჯაფარიძე ესაუბრნენ.

როგორია კომპანიის საქმიანობის სპეციფიკა და როდიდან ოპერირებთ ბაზარზე?

Memory Casa არის სახლისა და სამზარეულოს ჭურჭლისა და აქსესუარების ონლაინ მაღაზია, რომელიც მომხმარებელს სთავაზობს თანამედროვე დიზაინის, მაღალი ხარისხისა და პრაქტიკული დანიშნულების პროდუქტებს.

ბრენდი შეიქმნა ერთი მარტივი იდეით - ლამაზი სერვირების მიმართ სიყვარულით. ჩვენ ვთვლით, რომ ჭურჭელი არ არის მხოლოდ ყოველდღიური ნივთი, ის არის ემოცია, განწყობა და მოგონება, რომელიც სახლს სითბოსა და განსაკუთრებულ ატმოსფეროს სძენს. გვგონია, რომ სწორად შერჩეული სერვირების დეტალი ყოველდღიურ მომენტებს უფრო დასამახსოვრებელს გახდის.

ბაზარზე სულ რამდენიმე თვეა ვოპერირებთ, თუმცა ამ მოკლე დროში უკვე მოვიპოვეთ მომხმარებლების სიყვარული და ნდობა. ეს ჩვენთვის დიდი მოტივაციაა, რომ კიდევ უფრო მეტი მონდომებით გავაგრძელოთ საქმე, რომელსაც დიდი სიყვარულითა და პასუხისმგებლობით ვეკიდებით.

სწორედ ამიტომ, აქტიურად ვმუშაობთ ასორტიმენტის მუდმივ განახლებასა და გაფართოებაზე, რათა მომხმარებლებს მრავალფეროვანი და გამორჩეული პროდუქცია შევთავაზოთ.

რა ტიპის პროდუქციის ასორტიმენტს სთავაზობთ მომხმარებელს და რა პრინციპით ხდება მისი შერჩევა?

Memory Casa მომხმარებელს სთავაზობს სახლისა და სამზარეულოს ჭურჭელს, სერვირების აქსესუარებს. ამასთანავე, ასორტიმენტში წარმოდგენილია ბავშვებისთვის განკუთვნილი მხიარული და სახალისო პროდუქტებიც.

შესაბამისად, Memory Casa მომხმარებელს სთავაზობს როგორც ყოველდღიური გამოყენებისთვის განკუთვნილ ნივთებს, ისე განსაკუთრებული დღეებისა და სასაჩუქრე დანიშნულების კოლექციებს.

პროდუქტის შერჩევისას ვითვალისწინებთ ფუნქციურობას, დიზაინს და ხარისხს, ასევე იმ ტენდენციებს, რომლებიც დღესდღეობით მომხმარებლებისთვის არის აქტუალური.

მაქსიმალურად ვცდილობთ, რომ კოლექციები იყოს მრავალფეროვანი და თითოეული მომხმარებლისთვის საინტერესო და მიმზიდველი.

რა არის თქვენი მთავარი კონკურენტული უპირატესობა?

ჩვენი მთავარი კონკურენტული უპირატესობა პროდუქციის ხელმისაწვდომი ფასია. Memory Casa-ს გუნდი ორიენტირებულია იმაზე, რომ მომხმარებლებმა სასურველი ნივთები მაქსიმალურად მისაღებ ფასად შეიძინონ ხარისხისა და დიზაინის კომპრომისის გარეშე.

თავიდანვე ჩვენი მიზანი იყო, რომ ლამაზი განსხვავებული და ხარისხიანი პროდუქცია ხელმისაწვდომი ყოფილიყო ყველა ასაკობრივი კატეგორიისთვის. შესაბამისად, ფასების რეგულირებაც სწორედ მათზე მორგებული გავხადეთ. 

ასევე განსაკუთრებულ ყურადღებას ვუთმობთ პროდუქციის შეფუთვას. ჩვენთვის მნიშვნელობა არ აქვს, ნივთი პირადი მოხმარებისთვის შეიძინეს თუ სასაჩუქრედ, თითოეულ შეკვეთას ვაფორმებთ დახვეწილი, ესთეტიკური და განსაკუთრებული შეფუთვით. გვინდა, რომ თითოეულმა მომხმარებელმა პროდუქტის მიღებისთანავე იგრძნოს ის სითბო, ყურადღება და სიყვარული, რომელსაც თითოეულ შეკვეთაში ვდებთ.

როგორია კომპანიის სამომავლო გეგმები და რა მიმართულებით აპირებთ ასორტიმენტის ან სერვისის განვითარებას?

Memory Casa-ს სამომავლო გეგმები ალბათ ნათელია. ბრენდის კიდევ უფრო მეტად განვითარება, პოპულარიზაცია და მომხმარებელთა ნდობის გაძლიერება. მუდმივად ვმუშაობთ იმისთვის, რომ უფრო მეტ ადამიანს გავაცნოთ ჩვენი ხედვა და შევთავაზოთ ხარისხიანი, ესთეტიკური და ხელმისაწვდომი პროდუქცია.

სამომავლოდ ასევე დიდ ყურადღებას ვუთმობთ კორპორატიული მიმართულების განვითარებას და სხვადასხვა კომპანიასთან თანამშრომლობას. გვსურს შევქმნათ საინტერესო და ინდივიდუალური შეთავაზებები, რომლებიც კომპანიების თანამშრომლების, პარტნიორებისა და კლიენტების მოთხოვნებზე იქნება მორგებული.

ასევე, ვგეგმავთ ასორტიმენტის კიდევ უფრო გაფართოებას და მომხმარებლებისთვის ახალი, მრავალფეროვანი კოლექციების შეთავაზებას, რომლებიც თანამედროვე ტენდენციებსა და სხვადასხვა გემოვნებას მოერგება.

ამასთანავე, ჩვენი ერთ-ერთი მნიშვნელოვანი სამომავლო მიზანი ფიზიკური მაღაზიის გახსნაცაა, რადგან ხშირად ონლაინ, მომხმარებლისთვის საკმაოდ რთულია ნივთის აღქმა. შესაბამისად, ფიზიკურ სივრცეში მომხმარებელი უფრო უკეთ შეძლებს საკუთარი სახლისთვის ან სასაჩუქრედ ნივთების შერჩევას.

ჩვენთვის მნიშვნელოვანია, რომ Memory Casa არ იყოს მხოლოდ მაღაზია. გვინდა ის იქცეს ბრენდად, რომელიც ადამიანების ყოველდღიურობას მეტ სილამაზესა და სასიამოვნო ემოციებს შემატებს.