აქტივებისა და სასაქონლო-მატერიალური მარაგების ზუსტი აღრიცხვა ბიზნესის ფინანსური გამჭვირვალობისა და ეფექტიანი მართვის მნიშვნელოვანი წინაპირობაა. ამ მიმართულებით ქართული საკონსულტაციო კომპანია „ინვენტერი“ ორგანიზაციებს ინვენტარიზაციის, აქტივების მართვის, საწყობის მენეჯმენტისა და ქონების შეფასების მომსახურებებს სთავაზობს. როგორია კომპანიის საქმიანობის სპეციფიკა, რა უპირატესობები აქვს მის მომსახურებებს და რა მიმართულებით გეგმავს განვითარებას - ამ საკითხებზე Business Insider Georgia-ს „ინვენტერის“ დამფუძნებელი ნიკოლოზ გურგენიძე ესაუბრა.

აქტივებისა და სასაქონლო-მატერიალური მარაგების ზუსტი აღრიცხვა ბიზნესის ფინანსური გამჭვირვალობისა და ეფექტიანი მართვის ერთ-ერთი მნიშვნელოვანი წინაპირობაა. სწორედ ამ მიმართულებით მუშაობს ქართული საკონსულტაციო კომპანია „ინვენტერი“, რომელიც ორგანიზაციებს ინვენტარიზაციის, აქტივების მართვისა და საკონსულტაციო მომსახურების მრავალფეროვან სერვისებს სთავაზობს.

სპეციალიზებული მომსახურება ბიზნესის საჭიროებებისთვის

„ინვენტერი“ საქართველოს ბაზარზე დაახლოებით ხუთი წელია ოპერირებს. კომპანია ბიზნესს სთავაზობს პროფესიულ ინვენტარიზაციის მომსახურებას რომელიც მოიცავს ორგანიზაციის აქტივებისა და სასაქონლო-მატერიალური მარაგების ფიზიკურ აღრიცხვას, ფაქტობრივი მონაცემების საბუღალტრო ნაშთებთან შედარებას, დანაკლისებისა და ზედმეტობების გამოვლენას და შესაბამისი ანგარიშგების მომზადებას.

კომპანიის საქმიანობის ერთ-ერთი მნიშვნელოვანი მიმართულებაა ძირითადი საშუალებების ინვენტარიზაცია რომელიც ითვალისწინებს აქტივების ინდივიდუალურ იდენტიფიკაციას, შტრიხკოდირებას, ფოტოფიქსაციასა და ელექტრონული რეესტრის ფორმირებას. აღნიშნული პროცესი ორგანიზაციებს საშუალებას აძლევს, მიიღონ დეტალური ინფორმაცია მათ საკუთრებაში ან სარგებლობაში არსებული აქტივების მდგომარეობისა და ადგილმდებარეობის შესახებ.

„ჩვენი მიზანი მხოლოდ აქტივების დათვლა არ არის. მნიშვნელოვანია, რომ კომპანიამ მიიღოს ზუსტი და სტრუქტურირებული ინფორმაცია საკუთარი ქონებისა და მარაგების შესახებ, რაც მას უკეთესი მმართველობითი გადაწყვეტილებების მიღებაში დაეხმარება“, - აცხადებს ნიკოლოზ გურგენიძე.

თანამშრომლობა სხვადასხვა ბიზნესსექტორთან

„ინვენტერი“ თანამშრომლობს საცალო და საბითუმო ვაჭრობის, დისტრიბუციის, წარმოების, ლოგისტიკის, მომსახურებისა და სხვა სექტორებში მოქმედ ორგანიზაციებთან.

პროექტების სპეციფიკა განსხვავებულია. ზოგ შემთხვევაში საჭიროა დიდი მოცულობის სასაქონლო-მატერიალური მარაგების ფიზიკური დათვლა, ხოლო სხვა შემთხვევებში - აქტივების სრული რეესტრის შექმნა, საწყობების მოწესრიგება და აღრიცხვის პროცესების გაუმჯობესება.

განსაკუთრებული მნიშვნელობა ენიჭება მარაგების მართვას რადგან მარაგების მოცულობის ზრდასთან ერთად რთულდება მათი მოძრაობის კონტროლი, ნაშთების სიზუსტის უზრუნველყოფა და შესაძლო დანაკარგების დროული გამოვლენა.

სწორედ ამიტომ, კომპანიებისთვის სულ უფრო აქტუალური ხდება პროფესიული საწყობის მენეჯმენტი რომელიც გულისხმობს სასაწყობე პროცესების ორგანიზებას, პროდუქციის განთავსების სისტემატიზაციასა და მარაგების მოძრაობის კონტროლის გაუმჯობესებას.

რა განასხვავებს „ინვენტერს“?

კომპანიის ერთ-ერთი მთავარი უპირატესობა სპეციალიზაცია, პრაქტიკული გამოცდილება და ინდივიდუალურ საჭიროებებზე მორგებული სამუშაო მეთოდოლოგიაა.

„ინვენტერის“ გუნდის პროფესიული გამოცდილება 12 წელს მოიცავს, რაც კომპანიას საშუალებას აძლევს, სხვადასხვა მასშტაბისა და სირთულის პროექტებს ეფექტიანად მოერგოს.

კომპანია განსაკუთრებულ ყურადღებას ამახვილებს სამუშაო პროცესის წინასწარ დაგეგმვაზე, მონაცემების სიზუსტეზე, ანგარიშგების ხარისხსა და დამკვეთის საოპერაციო საქმიანობის მინიმალურ შეფერხებაზე.

კომპანიის მომსახურებებს შორისაა ტესტური (შერჩევითი) ინვენტარიზაციაც, რომელიც ორგანიზაციებს შესაძლებლობას აძლევს, პერიოდულად გადაამოწმონ მარაგების ფაქტობრივი მდგომარეობა, შეადარონ მონაცემები სააღრიცხვო ნაშთებს და დროულად გამოავლინონ შესაძლო შეუსაბამობები სრული ინვენტარიზაციის ჩატარების გარეშე.

აღნიშნული მომსახურება განსაკუთრებით მნიშვნელოვანია იმ კომპანიებისთვის, რომლებიც ცდილობენ შიდა კონტროლის მექანიზმების გაძლიერებასა და დანაკარგების რისკების შემცირებას.

ინვენტარიზაცია, როგორც მართვის ინსტრუმენტი

„ინვენტერში“ მიიჩნევენ, რომ ინვენტარიზაცია არ უნდა განიხილებოდეს მხოლოდ წლიური აღრიცხვის ან ფინანსური ანგარიშგების მომზადებისთვის აუცილებელ პროცედურად.

სწორად დაგეგმილი და რეგულარული ინვენტარიზაცია ორგანიზაციებს შესაძლებლობას აძლევს, დროულად გამოავლინონ ფაქტობრივ და სააღრიცხვო მონაცემებს შორის შეუსაბამობები, გააუმჯობესონ მარაგების კონტროლი და გაზარდონ ბიზნესპროცესების გამჭვირვალობა

კომპანიებისთვის, რომლებსაც არ გააჩნიათ საწყობის მართვის სრულყოფილი შიდა რესურსი, „ინვენტერი“ ასევე სთავაზობს მომსახურებას - საწყობის მენეჯერი აუთსორსზე ეს მოდელი ბიზნესს საშუალებას აძლევს, საწყობის მართვისა და კონტროლის პროცესებში გამოიყენოს გარე პროფესიული მხარდაჭერა, დამატებითი მუდმივი ადმინისტრაციული რესურსის შექმნის გარეშე.

ინვენტარიზაციისა და მარაგების მართვის პარალელურად, კომპანიის საქმიანობის მნიშვნელოვანი მიმართულებაა ქონების შეფასება რომელიც მოიცავს უძრავი და მოძრავი ქონების ღირებულების განსაზღვრას საერთაშორისო შეფასების სტანდარტების (IVS) შესაბამისად.

ამგვარად, „ინვენტერის“ მომსახურებები არ შემოიფარგლება მხოლოდ აქტივებისა და მარაგების ფიზიკური აღრიცხვით. კომპანია მომხმარებლებს სთავაზობს კომპლექსურ მიდგომას, რომელიც აერთიანებს მონაცემების სიზუსტეს, შიდა კონტროლის გაუმჯობესებასა და მართვის პროცესების ოპტიმიზაციას.

სამომავლო გეგმები და განვითარება

„ინვენტერის“ განვითარების ერთ-ერთი მთავარი მიმართულებაა მომსახურების მასშტაბის ზრდა, ტექნოლოგიური შესაძლებლობების გაძლიერება და ბიზნესპარტნიორული ქსელის გაფართოება.

კომპანია გეგმავს ინვენტარიზაციის პროცესებში თანამედროვე ტექნოლოგიური მიდგომების უფრო ფართოდ გამოყენებას, მომსახურების სტანდარტების განვითარებასა და კორპორატიული მომხმარებლებისთვის გრძელვადიანი თანამშრომლობის მოდელების შეთავაზებას.

სამომავლო სტრატეგია ასევე ითვალისწინებს ინვენტარიზაციის, მარაგებისა და საწყობის მართვის მიმართულებით კომპლექსური მომსახურებების განვითარებას, რაც კომპანიებს შესაძლებლობას მისცემს, აქტივებისა და მარაგების აღრიცხვასთან დაკავშირებული სხვადასხვა საჭიროება ერთიანი პროფესიული მომსახურების ფარგლებში მიიღონ.

„ჩვენ გვინდა, რომ საქართველოში ინვენტარიზაცია აღიქმებოდეს არა მხოლოდ ფორმალურ ვალდებულებად, არამედ ბიზნესის ეფექტიანი მართვის მნიშვნელოვან ინსტრუმენტად. სწორედ ამ ხედვაზეა დაფუძნებული ჩვენი კომპანიის განვითარება“, - აღნიშნავს კომპანიის დამფუძნებელი.

დამატებითი ინფორმაცია კომპანიის საქმიანობისა და მომსახურებების შესახებ ხელმისაწვდომია ოფიციალურ ვებგვერდზე - www.inventer.ge