დეველოპერული კომპანია მეტროპოლი • Metropol გენერალური დირექტორის მოადგილე მამუკა იმედაშვილი Business Insider Georgia-სთან საუბრისას განმარტავს, რომ ქვეყანაში უძრავი ქონების ბაზარი სტაბილურად იზრდება.

„მეტროპოლისთვის“ 2025 წელი საკმაოდ გამოწვევებით სავსე იყო, თუმცა შეიძლება ითქვას, რომ ის გეგმა, რაც დასახული გვქონდა, მიღწეულია. ვფიქრობ, რომ ბოლო სამი წლის განმავლობაში, ზოგადად ბაზარზე რომ ვისაუბროთ, ბაზარი სტანდარტულად 5–6%-ით იზრდება. იზრდება ასევე ფასებიც. მიმაჩნია, რომ 2026 წელიც არ იქნება გამონაკლისი და სტაბილურად გააგრძელებს ზრდის დინამიკას, როგორც გაყიდვების რაოდენობის, ასევე ფასების კუთხით. რაც შეეხება ამ კონკრეტული წლის დასაწყისს - პირველი თვე უძრავი ქონების ბაზარზე განსაკუთრებით კარგი სტარტით ხასიათდება, რაც გამოიხატა იმაში, რომ გაყიდვები საკმაოდ მაღალი ტენდენციით განვითარდა და ფასებიც უკვე სტაბილურად დგას“, - აცხადებს „მეტროპოლის“ გენერალური დირექტორის მოადგილე.

მამუკა იმედაშვილის თქმით, კომპანია 2026 წელს თბილისში მინიმუმ ორი ახალი პროექტის დაწყებასაც განიხილავს.

„მეტროპოლი“ არის პირველი დეველოპერული კომპანია ქართულ ბაზარზე, რომელიც მომხმარებლებს სრულ სპექტრს სთავაზობს, რაც გულისხმობს როგორც საინვესტიციო პროექტებს ბათუმში, ასევე საცხოვრებელ პროექტებს თბილისში და სუბურბანულ პროექტებს თბილისის შემოგარენში. მიმდინარე წელს ვგეგმავთ მინიმუმ ორი, ხოლო შესაძლებელია სამი ახალი პროექტის დაწყებას, რომლებიც ძირითადად თბილისში იქნება. სამომავლოდ კი აუცილებლად ვაპირებთ ჩვენი პორტფელის კიდევ ახალი პროექტებით შევსებას“, - განმარტავს „მეტროპოლის“ გენერალური დირექტორის მოადგილე.