„არტე“ განვითარების ახალ ეტაპზე გადავიდა - კომპანიამ შიდა პროცესები გააციფრულა და მომსახურების პორტფელი გააფართოვა.

კომპანიის განვითარების, გაფართოებული სერვისებისა და სამომავლო გეგმების შესახებ Business Insider Georgia-ს „არტეს“ დამფუძნებელი, ნინო გიგინეიშვილი ესაუბრა.

„არტე“ განვითარების ახალ ეტაპზე გადავიდა. ბოლო პერიოდში კომპანიის შიდა სისტემების მოწესრიგებაზე აქტიურად ვიმუშავეთ - პროცესები გავაციფრულეთ, მიმართულებების მიხედვით პასუხისმგებლობები უფრო მკაფიოდ გადავანაწილეთ და თითოეული გუნდის მართვაზე პასუხისმგებელი ხელმძღვანელები განვსაზღვრეთ. ამ ცვლილებების შედეგად, წარმოების პროცესები გახდა უფრო ორგანიზებული, ოპტიმიზირებული და ეფექტიანი.

კომპანიაში ერთ-ერთი მნიშვნელოვანი სიახლე ახალი მიმართულების დამატებაა. შევქმენით ცალკე დეპარტამენტი, რომელიც ბრენდირებული სივრცეების მოწყობაზე იქნება ორიენტირებული და გააერთიანებს, როგორც შიდა, ისე გარე ინტერიერის მიმართულებებს.

ახალი მიმართულების ფარგლებში ვქმნით სხვადასხვა ტიპის ბრენდირებულ პროდუქტს და სივრცის ელემენტებს - იქნება ეს პოსტერები, ბრენდირებული შპალერი, სადგამები, როლაფები, პრეს-ბანერები, მანიშნებელი აბრები, პრომო მაგიდები, მოცულობითი ასოები, ბრენდირებული მაცივრები, ფარდები და სხვა შიდა სივრცის ელემენტები.

გარე მიმართულება მოიცავს ვიტრინების, ავტომობილების, გარე სივრცეების ბრენდირებას, მანათობელ ასოებსა და ყუთებს, დროშებს, ბრენდირებულ სკამებს, ტენტებსა და სხვა საიმიჯო კონსტრუქციებს. ასევე ვმუშაობთ ივენთების მიმართულებით და მომხმარებლებს ვთავაზობთ ღონისძიებებისთვის საჭირო ბრენდირებული პროდუქციის სრულ მომსახურებას - დაწყებული სივრცის გაფორმებით, დასრულებული სხვადასხვა აქსესუარებით.

ამ მიმართულებას საკუთარი გუნდი და ცალკე სამონტაჟო ჯგუფი ჰყავს, რაც საშუალებას გვაძლევს, მომხმარებელს სრული ციკლის მომსახურება შევთავაზოთ. უკვე დავიწყეთ თანამშრომლობა მსხვილ ბრენდებთან და ვფიქრობთ, ეს მიმართულება კომპანიის განვითარების ერთ-ერთი მნიშვნელოვანი ნაწილი გახდება“, - აცხადებს ნინო გიგინეიშვილი.

კომპანია სამომავლოდ გაფართოებას და იმპორტის მიმართულების განვითარებას გეგმავს.

„ჩვენი მთავარი მიზანი უწყვეტი ზრდა და განვითარებაა. ვგეგმავთ გაფართოებას, ახალი რესურსების დამატებას და საწარმოო მიმართულების კიდევ უფრო გაძლიერებას.

ამასთან, აქტიურად ვმუშაობთ იმპორტის მიმართულების განვითარებაზე. უკვე შერჩეულია შესაბამისი გუნდი და მიმდინარეობს შიდა პროცესების დახვეწა. წლის ბოლომდე გვინდა, ეს მიმართულება სრულად იყოს დანერგილი კომპანიაში და ჩვენი მომსახურების კიდევ ერთი მნიშვნელოვანი ნაწილი გახდეს“, - ამბობს კომპანიის დამფუძნებელი.

აღსანიშნავია, რომ „არტეს“ საკმაოდ ბევრი, მასშტაბური პროექტი აქვს განხორციელებული. გამოირჩევა მომხმარებელზე მორგებული ტარიფებითა და მაღალი პასუხისმგებლობით. პროდუქცია იწარმოება საქართველოში.