„მოჩიკო“ x Mini Melts - ბედნიერების ბურთულები პირველად ქუთაისში
ასორტიმენტი გავაფართოვეთ და მომხმარებელს Mini Melts-ის განსხვავებული და მრავალფეროვანი ნაყინი შევთავაზეთ , - ამის შესახებ Business Insider Georgia-ს ქუთაისში მდებარე დესერტების მაღაზია Mochiko • მოჩიკო-ს დამფუძნებელმა, თაკო კინწურაშვილმა განუცხადა.
„როგორც მოგეხსენებათ, Mini Melts არის ამერიკელი მეგობრების მიერ შექმნილი ბრენდი, რომლის წარმოებაც შემდგომ ლატვიაში დაიწყო. სწორედ ლატვიიდან ხდება მისი ექსპორტი საქართველოში. გადავწყვიტეთ, მომხმარებლებისთვის ექსკლუზიურად შეგვეთავაზებინა და ახლახან დავამატეთ ასორტიმენტს. ამ ეტაპზე ჩვენთან იყიდება 10 სახეობის ნანო ნაყინი, რომელიც მზადდება თხევადი აზოტით (-197°C). პროდუქტი არ შეიცავს დანამატებს და ქიმიურ საშუალებებს, სწორედ ამიტომ ბავშვებისთვის უნიკალური არჩევანია.
უნდა აღინიშნოს, რომ მომხმარებლების მხრიდან ნაყინმა ძალიან კარგი გამოხმაურება დაიმსახურა. Mini Melts გათვლილია ყველა სეგმენტზე, რადგან რეალიზაციაში წარმოდგენილია ნაყინის სახეობები, მორგებული სხვადასხვა სეგმენტზე.
ინფორმაციისთვის, „მოჩიკოს“ ფილიალი გალაკტიონ ტაბიძის N40 - ში მდებარეობს.
დღის ტოპ 10 სიახლე
სხვა სიახლეები
ერთად ვუგულშემატკივროთ გურამ კაშიას ბოლო სანაკრებო თამაშზე - საქართველოს ბანკი ეროვნული საფეხბურთო ნაკრების მთავარი სპონსორია
02.06.2026.16:31
2 ივნისს, 21:00 საათზე, მიხეილ მესხის სახელობის სტადიონზე, საქართველოს ეროვნული საფეხბურთო ნაკრები რუმინეთის ეროვნულ გუნდს ამხანაგურ შეხვედრაში დაუპირისპირდება.
დღევანდელი მატჩი ქართველი ქომაგებისთვის განსაკუთრებული მნიშვნელობისაა - ეროვნული ნაკრების კაპიტანი, გურამ კაშია, საქართველოს ნაკრების მაისურით ბოლო შეხვედრას გამართავს.
გურამ კაშია ეროვნული გუნდის ისტორიაში ყველაზე მეტი მატჩის ჩატარების რეკორდსმენია. რუმინეთთან შეხვედრა მისთვის 129-ე მატჩი იქნება ეროვნული ნაკრების შემადგენლობაში. კაშია წლების განმავლობაში საქართველოს ნაკრების ერთ-ერთი მთავარი ლიდერი და სიმბოლო იყო, ხოლო მისი კაპიტნობით ეროვნულმა გუნდმა ისტორიაში პირველად ევროპის ჩემპიონატის საგზური მოიპოვა.
ეროვნულ ნაკრებში კაშიას დებიუტი 2009 წელს შედგა. მას შემდეგ მან არაერთი მნიშვნელოვანი მატჩი ჩაატარა, გუნდის ლიდერად ჩამოყალიბდა და საკუთარი პროფესიონალიზმით, შრომისმოყვარეობითა და თავდადებით ქართველი გულშემატკივრების განსაკუთრებული სიყვარული დაიმსახურა.
დღევანდელი შეხვედრა არა მხოლოდ საერთაშორისო ამხანაგური მატჩია, არამედ შესაძლებლობაა, ფეხბურთის გულშემატკივრებმა მადლობა გადაუხადონ კაპიტანს იმ წლებისთვის, რომლებმაც ქართული ფეხბურთის უახლესი ისტორიის ერთ-ერთი ყველაზე მნიშვნელოვანი ეპოქა შექმნა.
მატჩი 21:00 საათზე დაიწყება. ვუგულშემატკივროთ საქართველოს ეროვნულ ნაკრებს და ერთად გავაცილოთ გუნდის კაპიტანი.
საქართველოს ბანკი საქართველოს ეროვნული საფეხბურთო ნაკრების მთავარი სპონსორია.
„ჰუმანური კუნძული“ - სივრცე, რომელიც ბავშვების განვითარებასა და წიგნიერების პოპულარიზაციას ემსახურება
02.06.2026.16:00
ახალი პროდუქტები, გაფართოებული ქსელი და მეტი ხელმისაწვდომობა - როგორ ხვდება Mini Melts ზაფხულის სეზონს
02.06.2026.14:00
