ყველაფერი ერთ სივრცეში, სახლთან ახლოს - თბილისსა და საქართველოს სხვადასხვა ქალაქებში ამ კონცეფციით უბნის ახალი მოლი “ამბარი” გაიხსნა, რომელიც სხვადასხვა კატეგორიის მრავლფეროვან პროდუქციას ერთ სივრცეში უყრის თავს.

“ამბარის” მთავარი მიზანია, შექმნას მომხმარებელზე მორგებული სავაჭრო სივრცე, სადაც საჭირო ნივთებისა და პროდუქტების შეძენა მარტივად, სწრაფად და ხელსაყრელ ფასად იქნება შესაძლებელი.

„ამბარის“ კონცეფცია ე.წ. უბნის მოლის იდეას ეფუძნება - ყველაფერი, რაც მომხმარებელს შეიძლება დასჭირდეს, ერთ სივრცეში და სახლთან ახლოს ჰქონდეს. კომპანიის ხედვით, ეს მიდგომა მნიშვნელოვნად ამცირებს საყიდლებზე დახარჯულ დროს, ენერგიასა და ფინანსურ რესურსს, რაც მომხმარებელს უფრო კომფორტულ გამოცდილებას სთავაზობს.

ამ ეტაპზე „ამბარი“ საქართველოს მასშტაბით 52 სავაჭრო ობიექტით არის წარმოდგენილი, რომელთა დაახლოებით 20% რეგიონებში მდებარეობს. თუმცა გაფართოების პროცესი აქტიურად გრძელდება და კომპანიის მიზანია, ქსელი საქართველოს ყველა ქალაქსა და თბილისის ყველა უბანში იყოს წარმოდგენილი.

„ჩვენი მიზანია, მომხმარებელს დავანახოთ, რომ „ამბარი“ არის ადგილი, სადაც არჩევანი არასდროს სრულდება. აქ მოსული ადამიანი იპოვის თითქმის ყველაფერს, რაც მისი ყოველდღიური ცხოვრებისთვის მნიშვნელოვანია. ჩვენ ვავითარებთ უბნის მოლის კონცეფციას, რადგან გვინდა, რომ ადამიანებს აღარ დასჭირდეთ სხვადასხვა მაღაზიაში, ხშირად კი ერთმანეთისგან მოშორებულ ადგილებში, სიარული. ჩვენი პრინციპია “ყველაფერი ყველასთვის”, რაც ნიშნავს მაქსიმალურ კომფორტს, მრავალფეროვან არჩევანსა და საუკეთესო ფასებს სახლთან ახლოს, ერთ სივრცეში“, - აცხადებენ „ამბარში“.

კომპანიის ერთ-ერთ მთავარ კონკურენტულ უპირატესობას ფართო და მრავალფეროვანი ასორტიმენტი წარმოადგენს. „ამბარი“ ასობით დასახელების პროდუქციას აერთიანებს და მომხმარებელს ფართო არჩევანს სთავაზობს. კომპანიის განცხადებით, ასორტიმენტის მრავალფეროვნება შესაძლებელს ხდის, მომხმარებლებს რეგულარულად შესთავაზონ სპეციალური პირობები, განსაკუთრებული შეთავაზებები და აქციები სხვადასხვა კატეგორიის პროდუქტზე.

მომხმარებლის კომფორტზე ორიენტირებული სერვისების მიმართულებით, „ამბარში“ პროდუქციის შეძენა შესაძლებელია სხვადასხვა ონლაინ პლატფორმის საშუალებით.

დღეის მდგომარეობით, „ამბარში“ დაახლოებით 450 ადამიანია დასაქმებული სხვადასხვა პოზიციაზე. ქსელის გაფართოებასთან ერთად დასაქმებულთა რაოდენობის ზრდაც იგეგმება.

კომპანიაში აცხადებენ, რომ „ამბარის“ განვითარება მხოლოდ ობიექტების რაოდენობის ზრდას არ გულისხმობს - მთავარი მიზანია, თბილისის ყველა უბნისა და ქვეყნის მასშტაბით სხვადასხვა ქალაქის მომხმარებლისთვის საჭირო მრავალფეროვანი პროდუქციის შეძენა ერთ სივრცეში უფრო მარტივი, სწრაფი და ხელმისაწვდომი გახდეს.