მზეს ვერ დაემალები - PSP-ს საზაფხულო კამპანია მზისგან დაცვის აუცილებლობას გვახსენებს
“ქოლგა ვერ დაგიცავს” - ამ სიტყვებით შარშან ზაფხულში PSP-მ გვასწავლა, რომ მზისგან დამცავი საჭიროა მაშინაც კი, თუ ქოლგის ქვეშ ვიმყოფებით. მეტი სიცხადისთვის კი კამპანიის მთავარ სახედ შეზლონგის და ქოლგების გამქირავებლები აქცია. მათი ხელითვე დაარიგა 4600 მილი ლიტრი მზისგან დამცავი საჩუქრად.
PSP-ს მიზანია, მოსახლეობამდე მიიტანოს მთავარი სათქმელი, რომ “უსაფრთხო რუჯი არ არსებობს”.
თუ შარშან ბრენდმა გავრცელებულ მითებს სანაპიროზე გამოუცხადა ბრძოლა, წელს ტერიტორია გააფართოვა და გზავნილს ავრცელებს ყველგან, სადაც მზეა. აღმოჩნდა, რომ “მზეს ვერ დაემალები” და ულტრაიისფერმა მავნე გამოსხივებამ შეიძლება მოგვაგნოს ჩრდილშიც, შენობაშიც, მანქანაშიც, ამიტომ მზისგან დამცავი უნდა წავისვათ ყველგან.
ამ მისიით ბრენდმა თავად “მზე” აალაპარაკა, კამპანიის სახე, რომელიც ქუჩებში, პარკებში, სკვერებში დადის და ჩრდილში მყოფ ადამიანებსაც კი არ აძლევს მოსვენებას, შეახსენებს, რომ მას ვერსად დაემალები, თუ მზისგან დამცავი არ გისვია.
ამის პარალელურად, PSP დაუპარტნიორდა გალფს და ბენზინგასამართ სადგურებზე პირველი SPF Drive შექმნა, ადგილი, სადაც მძღოლებს საწვავის ჩასხმასთან ერთად, შეუძლიათ მზისგან დამცავით დაიმუშავონ ხელები, განსაკუთრებით მარცხენა ხელი, რომელიც ყველაზე ხშირადაა ე.წ. “მძღოლის რუჯის” მსხვერპლი.
“ზაფხული მხიარულების, დასვენების, მზის სეზონია და რატომღაც ძალიან მარტივად ვიჯერებთ მითებს, რომელსაც რეალურად ჩვენი კანისთვის და ჯანმრთელობისთვის დიდი ზიანის მოტანა შეუძლია. ჩვენი მიზანია, ჩვენმა მომხმარებელმა სიმართლეს თვალი გაუსწოროს და იცოდეს, რომ რეალურად “უსაფრთხო რუჯი” არ არსებობს. არადა ეს ფრაზა ხშირად რეკლამებიდანაც კი გვესმის. ვეცადეთ კამპანიისთვის ლაღი და მსუბუქი განწყობა შეგვენარჩუნებინა და ამავდროულად ძალიან მნიშვნელოვანი და სერიოზული გზავნილიც მიგვეტანა საზოგადოებამდე.” - აცხადებს PSP -ს მარკეტინგის დირექტორი ანო გოგიჩაძე.
კამპანიაზე უკვე ტრადიციულად, PSP-ს პარტნიორმა შემოქმედებითმა სააგენტო Playmakers-მა იმუშავა.
დღის ტოპ 10 სიახლე
სხვა სიახლეები
პროდუქციაზე მოთხოვნა სტაბილურად იზრდება - „ხახაბო“
12.10.2026.14:00
ნატურალური ზეთების მწარმოებელი კომპანია „ხახაბო“ ამ ეტაპზე ასორტიმენტსა და საქმიანობის მიმართულებებს უცვლელად ინარჩუნებს. როგორც კომპანიის დამფუძნებელმა, ზაქარია სვიმონიშვილმა, Business Insider Georgia-სთან საუბრისას განაცხადა, ახალი პროდუქტების მიმართულებით ცვლილებები ჯერჯერობით არ განხორციელებულა, ხოლო მთავარი მოლოდინი კვლავ საექსპორტო ბაზრებთან დაკავშირებულ პასუხებს უკავშირდება.
„ველოდებით საექსპორტო მიმართულებით პასუხებს. პარალელურად, პროდუქციაზე მოთხოვნა სტაბილურ დონეზე ნარჩუნდება.
ჩვენთვის ახალი ეტაპი 2027 წლიდან იგეგმება. მომავალი წლიდან ახალ გეგმებსა და სიახლეებზე გადავალთ.
ამჟამად 7 სახეობის ზეთს ვაწარმოებთ - სელის, გოგრის, ჩიას, სეზამის, ნუშის, ნიგვზისა და შავი კვლიავის ზეთს", - აცხადებს კომპანიის დამფუძნებელი.
ცნობისთვის, „ხახაბოს“ ზეთები სამკურნალო და კოსმეტიკური ხაზით იწარმოება და გამოიყენება კულინარიაშიც. პროდუქცია 100%-ით ნატურალურია და მთლიანად ცივი დაწურვის მეთოდით, კონსერვანტების გარეშე მზადდება.
საქართველოს ბანკმა Citi-სგან ვაჭრობის დაფინანსებისთვის $50 მილიონის ოდენობის ფინანსური რესურსი მოიზიდა
12.10.2026.11:04
„ბიოქიმფარმი“ ინოვაციურ პროდუქტს ქმნის, რომელიც ანტიბიოტიკების ჩამნაცვლებელი უნდა გახდეს - ავთანდილ კასრაძე
12.10.2026.10:32
„პაპრიკა“ ევროპულ ბაზარზე პოზიციების გაძლიერებას და ახალი პროდუქტების განვითარებას გეგმავს
12.10.2026.10:00
