Noa's Store საბავშვო ბუტიკია, რომელიც მომხმარებლებს გამორჩეულ სამოსს, ევროპული ტოპ ბრენდების პროდუქციას, ფეხსაცმელს, აქსესუარებსა და ეკოლოგიურად სუფთა სათამაშოებს სთავაზობს. ბრენდის საქმიანობის, მიმდინარე სიახლეებისა და სამომავლო განვითარების გეგმების შესახებ Business Insider Georgia-ს Noa's Store-ის დამფუძნებელი სალომე ხურციძე ესაუბრა.

როგორია Noa's Store-ის საქმიანობის სპეციფიკა, როდის დაიწყეთ ოპერირება და რას სთავაზობთ მომხმარებლებს?

Noa's Store 5 წლის წინ შეიქმნა. მისი დაარსების მთავარი ინსპირაცია ჩემი შვილი იყო - სწორედ მისი დაბადების შემდეგ გაჩნდა იდეა ამ ბუტიკის შექმნის შესახებ. თავდაპირველად, საქმიანობა ონლაინ ფორმატში დავიწყეთ, ხოლო უკვე 7 თვეა, რაც ქუთაისში ჩვენი პირველი ფიზიკური ბუტიკიც გავხსენით. დღეს მომხმარებლებს როგორც ფიზიკურ სივრცეში, ისე ონლაინ ვემსახურებით.

როგორია დღეს თქვენი ასორტიმენტი და რა პროდუქციის კატეგორიებით არის წარმოდგენილი ბუტიკი?

Noa's Store მომხმარებლებს გამორჩეულ და განსხვავებულ საბავშვო სამოსს სთავაზობს. ჩვენს ასორტიმენტში წარმოდგენილია ევროპული ტოპ ბრენდების პროდუქცია სხვადასხვა ქვეყნიდან. ბუტიკში მხოლოდ ტანსაცმელი არ არის ხელმისაწვდომი - მომხმარებლებს ვთავაზობთ საბავშვო ფეხსაცმელს, აქსესუარებს, ეკოლოგიურად სუფთა, ხის ვინტაჟურ სათამაშოებსა და სადღესასწაულო დეკორის მრავალფეროვან ინვენტარს.

გარდა ამისა, Noa's Store მომხმარებლებს სხვადასხვა დამატებით სერვისსაც სთავაზობს. ერთ-ერთი მათგანია ნათლობის ყუთების ინდივიდუალური დამზადება. ჩვენი მიზანია პატარების მშობლებს, განსაკუთრებით კი დედებს, მაქსიმალური კომფორტი შევუქმნათ და საჭირო ნივთები ერთ სივრცეში შევთავაზოთ.

როგორია კომპანიის სამომავლო გეგმები და განვითარების ხედვა?

სამომავლოდ საკმაოდ ამბიციური გეგმები გვაქვს. პირველ ეტაპზე ჩვენი მიზანია ფილიალი თბილისში გავხსნათ, შემდეგ კი საქმიანობა საქართველოს სხვა დიდ ქალაქებშიც გავაფართოოთ. პარალელურად, ვაგრძელებთ ასორტიმენტის განახლებასა და ახალი პროდუქტების დამატებას, რათა მომხმარებლებს მუდმივად შევთავაზოთ განსხვავებული, მაღალი ხარისხის პროდუქცია, რომელიც ბავშვებისთვის განსაკუთრებით მნიშვნელოვანია. ჩვენი მთავარი პრიორიტეტი ხარისხი, მრავალფეროვნება და მომხმარებლისთვის საუკეთესო გამოცდილების შექმნაა.

ინფორმაციისთვის, Noa's Store ქალაქ ქუთაისში, წერეთლის ქუჩა N38-ში მდებარეობს.