„პიელ ნატურალსი“ განვითარებას აგრძელებს პრემიუმ სასტუმროებთან პარტნიორობების გაფართოების მიმართულებით
„პიელ ნატურალსი“ კოსმეტიკის მწარმოებელი კომპანიაა, რომელიც 2017 წლიდან ოპერირებს როგორც ადგილობრივ, ისე საერთაშორისო ბაზარზე. კომპანია მუდმივ განვითარებას აგრძელებს და საქმიანობას ახალ მიმართულებას ამატებს, რაც წამყვან სასტუმრო ქსელებში ოპერირებას გულისხმობს. მეტი ინფორმაციისთვის, Business Insider Georgia „პიელ ნატურალსის“ დამფუძნებელს თათუკა ლომაძეს ესაუბრა.
„შევედით რამდენიმე წამყვან საერთაშორისო სასტუმრო ქსელში და საქმიანობას ახალი მიმართულებებიც დავამატეთ. საუბარია სასტუმროებისთვის დისპენსერული სისტემების დანერგვაზე, რომელიც მოიცავს უსულფატო, უპარაფინო და უპარაბენო შამპუნებისა და კონდიციონერების ხაზს.
პრემიუმ სეგმენტის სასტუმროებს შესაძლებლობა აქვთ, საკუთარი კონცეფციისა და სურნელოვანი იდენტობის მიხედვით, შევუქმნათ უნიკალური, ნიშ-პარფიუმის მქონე დისპენსერული ამენითები. ამ მიმართულებით უკვე აქტიურად გვაქვს პარტნიორობები სხვადასხვა საერთაშორისო ბრენდულ სასტუმროსთან.
გარდა ამისა, ვითარდება სპა მიმართულებაც - პარტნიორი ობიექტების სურვილის შესაბამისად, ვქმნით ინდივიდუალურად მორგებულ პროდუქციის ხაზებს, რომლებიც ეფუძნება ყველაზე მოთხოვნად ფორმულებს და ამავდროულად გამოირჩევა უნიკალური სურნელებითა და კონკრეტული ბრენდისთვის შექმნილი ნიშ-პარფიუმის კონცეფციით.
ამასთან, დაინტერესება გაიზარდა სხვადასხვა ქვეყნებიდანაც. უახლოეს პერიოდში ერთ-ერთ საერთაშორისო გამოფენაზე მივემგზავრებით, სადაც ვფიქრობთ, რომ ახალი პარტნიორობები და საინტერესო შესაძლებლობები გველის განსაკუთრებით ახალ ბაზრებზე გაფართოების მიმართულებით “, - აცხადებს თათუკა ლომაძე.
სხვა სიახლეები
„ვილაპარაკოთ, რომ გავუგოთ და არა მოვუგოთ“ - სელფი მობაილის ახალი კამპანია
19.11.2026.16:15
სელფი მობაილმა, კრეატიულ სააგენტო „სუპერმარკეტთან“ თანამშრომლობით, ახალი კამპანია: „ვილაპარაკოთ, რომ გავუგოთ და არა მოვუგოთ“ წარადგინა. კამპანიის მთავარი იდეაა, საზოგადოებას შეახსენოს, რომ საუბრის რეალური ღირებულება ერთმანეთის მოსმენა და გაგებაა.
დღეს, როდესაც ყოველდღიური საუბრები, ხშირად, კამათსა და საკუთარი სიმართლის დამტკიცებაში გადაიზრდება, სელფი მობაილი ყურადღებას ამახვილებს გულწრფელი კომუნიკაციის მნიშვნელობაზე. კამპანია ადამიანებს მოუწოდებს საუბარი არა შეჯიბრად, არამედ ერთმანეთის უკეთ გაცნობისა და გაგების შესაძლებლობად აღიქვან.
კამპანიის მთავარი ვიდეორგოლი ყოველდღიურ, ყველასთვის ნაცნობ სიტუაციებს ასახავს, სადაც ჩვეულებრივი საუბრები დებატებად იქცევა. დედა-შვილი, მეგობრები და თანამშრომლები ერთმანეთს არგუმენტებით უპირისპირდებიან, თითოეული არგუმენტი კი ქულად ითვლება. ყველა საკუთარი პოზიციის დამტკიცებას ცდილობს, რის შედეგადაც საუბარი თავდაპირველ მიზანს - ერთმანეთის გაგებას კარგავს.
„როგორც ტელეკომ ოპერატორი, ჩვენი მთავარი მიზანი ადამიანების ერთმანეთთან დაკავშირებაა. თუმცა მნიშვნელოვანია არა მხოლოდ კომუნიკაციის შესაძლებლობის შექმნა, არამედ ისიც, თუ როგორ იყენებენ ადამიანები ამ კავშირს. ამ კამპანიით გვსურს შევახსენოთ საზოგადოებას, რომ საუბრის მიზანი ყოველთვის საკუთარი სიმართლის დამტკიცება არ არის. ზოგჯერ გაცილებით მნიშვნელოვანია მოვუსმინოთ ერთმანეთს, გავიგოთ საპირისპირო მოსაზრება და მეტი სივრცე დავტოვოთ გულწრფელი დიალოგისთვის“, - აცხადებენ სელფი მობაილში.
„ვილაპარაკოთ, რომ გავუგოთ და არა მოვუგოთ“ კამპანია ადამიანებს მარტივ კითხვაზე დაფიქრებას სთავაზობს: ბოლოს როდის ვისაუბრეთ იმისთვის, რომ ერთმანეთისთვის გაგვეგო და არა მოგვეგო?
ვილაპარაკოთ, რომ გავუგოთ და არა მოვუგოთ
კრედიტები:
კრეატიული სააგენტო: SUPERMARKET
კრეატიული დირექტორები: ეკა ყიფიანი, სანდრო ციცქიშვილი
არტ დირექტორი: ანი როსტომაშვილი
დიზაინერი: თიკუნა ადეიშვილი
ექაუნთ მენეჯერი: გიორგი ტაბატაძე
აღმასრულებელი პროდიუსერი - სანდრო გაბილაია
ფროდაქშენის ჰედი & პროდიუსერი - მაიკო გურაბანიძე
რეჟისორი - დავით ბორჩხაძე
დამდგმელი ოპერატორი - სანდრო დარახველიძე
ფოტოგრაფი - ელენე შენგელია
1st AD / LP - ნინი იაშვილი
ფროდაქშენ მენეჯერი - ტატო ფანცულაია
ფინანსური მენეჯერი - მაკა ლაბაძე
ფინანსური ადმინისტრატორი - თეკო გურაბანიძე
პოსტ ფროდაქშენ პროდიუსერი - ბურო
ლოჯისტიკის მენეჯერი - დავით მაღლაკელიძე
ტრანსპორტ მენეჯერი - დავით ფერაძე
ლოკაციის მენეჯერი - ნათია ჩომახიძე
ლოკაციის კოორდინატორი - ზაზა ჭიღლაძე
კასტინგის მენეჯერი - ლიზა ადამაშვილი
კასტინგის ასისტენტი - ვიკა ბოკერია
PA - ანეტა გვასალია
სეტი
სეტ მენეჯერი - ნიკო ჩხაიძე
დიასახლისი - სვეტა ბაღდასარიანი
მხატვრობა
ფროდაქშენ დიზაინი: Nisley studio
დამდგმელი მხატვრები - სოფიო გულისაშვილი, ზურა კიკვაძე
არტ დეპარტამენტი: დავით ღვინაშვილი, თამაზ ბოჭოიძე, გური ჭვრიტიძე, გარიკ მარტიროსიანი, ბექა ყალაბეგაშვილი
რეკვიზიტორი: თათია გულისაშვილი
კოსტუმი /გრიმი
კოსტიუმების მხატვარი - ანკა გაბუნია
კოსტიუმების მხატვარი - მარიამ გელაშვილი
გრიმი - სალომე ზაქარაია, ტაისია ერაძე
ტექნიკური ჯგუფი
2nd AC - კარბელა
ფოკუსი - საბა თეთრაძე
გაფერი - კადაფა
პოსტი
VFX/AI - Highway VFX
VFX/AI - გიორგი ფაილოძე
ფერის კორექცია - მინდია ინასარიძე
მუსიკა - Break Records
საუნდ დიზაინი - Uzupo
Motion Graphics - ლევან ზაზარაშვილი
მუსიკა - გიორგი ჩაგელაშვილი
საკონტაქტო ინფორმაცია მედიისთვის: asadunashvili@cellfie.ge
დამატებითი ინფორმაციისთვის კომპანიის შესახებ, ეწვიეთ: http://cellfie.ge; ასევე სელფის სოციალური მედიის არხებს: