„პიელ ნატურალსი“ წლის ბოლომდე ქსელის გაფართოებას და ახალი მაღაზიების დამატებას გეგმავს
„პიელ ნატურალსი“ კოსმეტიკისა და თავის მოვლის პროდუქტების ქართული ბრენდია, რომელიც მომხმარებლებს სხვადასხვა კატეგორიის პროდუქტებს სთავაზობს. კომპანიის მიმდინარე შედეგებზე, მომხმარებლის მოთხოვნის ცვლილებასა და 2026 წლის სამომავლო გეგმებზე Business Insider Georgia, კომპანიის დამფუძნებელს თათუკა ლომაძეს ესაუბრა.
„ჩვენთვის წლის პირველი 6 თვის მთავარი მიღწევა ის არის, რომ მეათე წელში გადავედით და ამ მნიშვნელოვანი ეტაპის აღსანიშნავად ჩვენი ერთგული მომხმარებლები გავახარეთ. გავათამაშეთ უამრავი პრიზი - აიფონები, აიპადები, ლეპტოპები და, რაც ყველაზე მთავარია, ერთ-ერთი გამარჯვებული ესპანეთში გავუშვით.
მოთხოვნის თვალსაზრისით, მზარდი ტენდენცია გვაქვს წინა წელთან შედარებით. შარშან გადავწყვიტეთ, ასორტიმენტი შეგვემცირებინა და ამოგვეღო ისეთი პროდუქტების ნაწილი, რომელიც, ჩვენი აზრით, მომხმარებელს არჩევანის გაკეთებას დიდი ასორტიმენტის გამო ურთულებდა.
მათ შორის შევამცირეთ გასარუჯი ასორტიმენტი და ტანის მოვლის პროდუქტები, თუმცა მომხმარებლებისგან მივიღეთ მოთხოვნა, რომ ეს პროდუქცია კვლავ დაგვემატებინა. შესაბამისად, წელს, ზაფხულის სეზონზე, აღნიშნული კატეგორიები ისევ დავაბრუნეთ, რამაც ხელი შეუწყო როგორც გაყიდვების, ისე მომხმარებლების რაოდენობის ზრდას.
2026 წლის ბოლომდე რამდენიმე მიმართულებაზე ვფოკუსირდებით. ვაგრძელებთ თანამშრომლობას სასტუმროებთან, ასევე ვავითარებთ საბავშვო და ინდივიდუალური ბრენდების მიმართულებებს.
ამასთან, წლის ბოლომდე ახალი მაღაზიების დამატებასაც ვგეგმავთ. ჩვენი მიზანია, ყველა მოლში ვიყოთ და წლის ბოლომდე, ჯამურად, მინიმუმ 3 ახალი სტენდი დავამატოთ. შესაძლოა, მათ შორის რეგიონიც იყოს“, - აცხადებს თათუკა ლომაძე.
სხვა სიახლეები
„ვილაპარაკოთ, რომ გავუგოთ და არა მოვუგოთ“ - სელფი მობაილის ახალი კამპანია
19.11.2026.16:15
სელფი მობაილმა, კრეატიულ სააგენტო „სუპერმარკეტთან“ თანამშრომლობით, ახალი კამპანია: „ვილაპარაკოთ, რომ გავუგოთ და არა მოვუგოთ“ წარადგინა. კამპანიის მთავარი იდეაა, საზოგადოებას შეახსენოს, რომ საუბრის რეალური ღირებულება ერთმანეთის მოსმენა და გაგებაა.
დღეს, როდესაც ყოველდღიური საუბრები, ხშირად, კამათსა და საკუთარი სიმართლის დამტკიცებაში გადაიზრდება, სელფი მობაილი ყურადღებას ამახვილებს გულწრფელი კომუნიკაციის მნიშვნელობაზე. კამპანია ადამიანებს მოუწოდებს საუბარი არა შეჯიბრად, არამედ ერთმანეთის უკეთ გაცნობისა და გაგების შესაძლებლობად აღიქვან.
კამპანიის მთავარი ვიდეორგოლი ყოველდღიურ, ყველასთვის ნაცნობ სიტუაციებს ასახავს, სადაც ჩვეულებრივი საუბრები დებატებად იქცევა. დედა-შვილი, მეგობრები და თანამშრომლები ერთმანეთს არგუმენტებით უპირისპირდებიან, თითოეული არგუმენტი კი ქულად ითვლება. ყველა საკუთარი პოზიციის დამტკიცებას ცდილობს, რის შედეგადაც საუბარი თავდაპირველ მიზანს - ერთმანეთის გაგებას კარგავს.
„როგორც ტელეკომ ოპერატორი, ჩვენი მთავარი მიზანი ადამიანების ერთმანეთთან დაკავშირებაა. თუმცა მნიშვნელოვანია არა მხოლოდ კომუნიკაციის შესაძლებლობის შექმნა, არამედ ისიც, თუ როგორ იყენებენ ადამიანები ამ კავშირს. ამ კამპანიით გვსურს შევახსენოთ საზოგადოებას, რომ საუბრის მიზანი ყოველთვის საკუთარი სიმართლის დამტკიცება არ არის. ზოგჯერ გაცილებით მნიშვნელოვანია მოვუსმინოთ ერთმანეთს, გავიგოთ საპირისპირო მოსაზრება და მეტი სივრცე დავტოვოთ გულწრფელი დიალოგისთვის“, - აცხადებენ სელფი მობაილში.
„ვილაპარაკოთ, რომ გავუგოთ და არა მოვუგოთ“ კამპანია ადამიანებს მარტივ კითხვაზე დაფიქრებას სთავაზობს: ბოლოს როდის ვისაუბრეთ იმისთვის, რომ ერთმანეთისთვის გაგვეგო და არა მოგვეგო?
ვილაპარაკოთ, რომ გავუგოთ და არა მოვუგოთ
კრედიტები:
კრეატიული სააგენტო: SUPERMARKET
კრეატიული დირექტორები: ეკა ყიფიანი, სანდრო ციცქიშვილი
არტ დირექტორი: ანი როსტომაშვილი
დიზაინერი: თიკუნა ადეიშვილი
ექაუნთ მენეჯერი: გიორგი ტაბატაძე
აღმასრულებელი პროდიუსერი - სანდრო გაბილაია
ფროდაქშენის ჰედი & პროდიუსერი - მაიკო გურაბანიძე
რეჟისორი - დავით ბორჩხაძე
დამდგმელი ოპერატორი - სანდრო დარახველიძე
ფოტოგრაფი - ელენე შენგელია
1st AD / LP - ნინი იაშვილი
ფროდაქშენ მენეჯერი - ტატო ფანცულაია
ფინანსური მენეჯერი - მაკა ლაბაძე
ფინანსური ადმინისტრატორი - თეკო გურაბანიძე
პოსტ ფროდაქშენ პროდიუსერი - ბურო
ლოჯისტიკის მენეჯერი - დავით მაღლაკელიძე
ტრანსპორტ მენეჯერი - დავით ფერაძე
ლოკაციის მენეჯერი - ნათია ჩომახიძე
ლოკაციის კოორდინატორი - ზაზა ჭიღლაძე
კასტინგის მენეჯერი - ლიზა ადამაშვილი
კასტინგის ასისტენტი - ვიკა ბოკერია
PA - ანეტა გვასალია
სეტი
სეტ მენეჯერი - ნიკო ჩხაიძე
დიასახლისი - სვეტა ბაღდასარიანი
მხატვრობა
ფროდაქშენ დიზაინი: Nisley studio
დამდგმელი მხატვრები - სოფიო გულისაშვილი, ზურა კიკვაძე
არტ დეპარტამენტი: დავით ღვინაშვილი, თამაზ ბოჭოიძე, გური ჭვრიტიძე, გარიკ მარტიროსიანი, ბექა ყალაბეგაშვილი
რეკვიზიტორი: თათია გულისაშვილი
კოსტუმი /გრიმი
კოსტიუმების მხატვარი - ანკა გაბუნია
კოსტიუმების მხატვარი - მარიამ გელაშვილი
გრიმი - სალომე ზაქარაია, ტაისია ერაძე
ტექნიკური ჯგუფი
2nd AC - კარბელა
ფოკუსი - საბა თეთრაძე
გაფერი - კადაფა
პოსტი
VFX/AI - Highway VFX
VFX/AI - გიორგი ფაილოძე
ფერის კორექცია - მინდია ინასარიძე
მუსიკა - Break Records
საუნდ დიზაინი - Uzupo
Motion Graphics - ლევან ზაზარაშვილი
მუსიკა - გიორგი ჩაგელაშვილი
საკონტაქტო ინფორმაცია მედიისთვის: asadunashvili@cellfie.ge
დამატებითი ინფორმაციისთვის კომპანიის შესახებ, ეწვიეთ: http://cellfie.ge; ასევე სელფის სოციალური მედიის არხებს: