პირველადი ინფორმაციით, უზბეკეთში და ყაზახეთში ინსპექცია წარმატებით გავიარეთ, რაც კიდევ უფრო მეტ შესაძლებლობას მოგვცემს და უფრო მნიშვნელოვნად გავზრდით საექსპორტო მიმართულებას - ამის შესახებ, „ბიოქიმფარმის“ გენერალურმა მენეჯერმა, რატი ღოლიჯაშვილმა ტელეკომპანია „მაესტროს“ ეთერში გადაცემა Business Insider Georgia-ში სტუმრობისას განაცხადა.

„ხანდახან, როდესაც ვსაუბრობთ საქართველოში ერთ-ერთ ბიოტექნოლოგიურ მიმართულებაზე, რომ ბევრ განვითარებულ ქვეყანას ვასწრებთ გარკვეული მიმართულებით ამ ნიშურ სექტორში, რასაც ფაგებს ვუწოდებთ, ხანდახან ზედმეტად კარგად ჟღერს იმისთვის, რომ იყოს სიმართლე, როგორც ამბობენ.

მაგრამ ისტორიულად, საქართველოში, ჩვენ ვისაუბრეთ ამ თემაზე, რომ 100 წლის წინ დაიწყო ამ ყველაფრის განვითარება. ისტორიული ნოუ-ჰაუ, ტექნოლოგიური ნოუ-ჰაუ აქ არსებობს წარმოების, ახალი მედიკამენტების აღმოჩენის, ფაგების მიმართულებით, ფაგებზე დაფუძნებულის, და ეს ყველაფერი დაიწყო ბაქტერიოფაგის ინსტიტუტში.

თითქმის 100 წლის წინ, 1934 წელს, არის ის შენობა აშენებული, რომელშიც თქვენ ვიზიტით იყავით და პირველი მსოფლიოში საწარმო არის ფაგების და დღეს უკვე პირველი არის ყველაზე მასშტაბური, რომელიც შეესაბამება ინდუსტრიული მასშტაბით აწარმოებს ფაგებს ევროპული GMP სტანდარტით.

შესაბამისად, კონკურენტუნარიანობა გაიზარდა ჩვენი კომპანიის, ჩვენი სექტორის. მაგალითისთვის შეუძლია ვთქვა, რომ სამი ინსპექცია გავიარეთ. ეს არის ახალ ბაზრებზე შესასვლელად საჭირო, რეგულაციის მიხედვით, ინსპექციის გავლა სტანდარტთან შესაბამისობის.

პირველადი ინფორმაციით, უზბეკეთში, ყაზახეთში წარმატებით გავიარეთ, რაც კიდევ უფრო მეტ შესაძლებლობას მოგვცემს და უფრო მნიშვნელოვნად გავზრდით საექსპორტო მიმართულებას“, - აცხადებს რატი ღოლიჯაშვილი.