პირველი სეზონის გამოცდილება და სამომავლო გეგმები - როგორ ემზადება „წესის მამული“ ახალი სეზონისთვის
„წესის მამული“ რაჭაში, ამბროლაურში, სოფელ წესში მდებარე საოჯახო სასტუმროა, რომელმაც ოპერირება დაახლოებით ერთი წლის წინ დაიწყო. გასულ სეზონსა და სამომავლო გეგმებზე Business Insider Georgia „წესის მამულის“ დამფუძნებელს, ზუკა მაისაშვილს ესაუბრა.
„მოგეხსენებათ, შარშანდელი წელი ჩვენთვის ოპერირების პირველი წელი იყო. ზაფხულის სეზონი პრაქტიკულად სრულად დატვირთული გვქონდა - გვყავდა სტუმრები როგორც ისრაელიდან და გერმანიიდან, ისე ადგილობრივი ვიზიტორებიც, თუმცა უნდა აღინიშნოს რომ უცხოელი ტურისტები რაოდენობრივად ჭარბობდნენ. მათი დიდი ნაწილი გრძელვადიანი ვიზიტით გვსტუმრობდა.
რაც შეეხება დანარჩენ პერიოდს, გვიან შემოდგომასა და ზამთარში მოთხოვნა, ბუნებრივია, შედარებით შემცირდა. გარკვეული შეფერხებებიც გვქონდა ამინდის გამო - ინფრასტრუქტურის ნაწილი მცირედ დაზიანდა, თუმცა მისი აღდგენა ოპერატიულად მოხდა. ამ ეტაპზე უკვე აქტიურად ვემზადებით ახალი სეზონისთვის, რომელიც მალე დაიწყება “, - აღნიშნავს ზუკა მაისაშვილი.
„წესის მამული“ სამომავლოდ სერვისების გამრავალფეროვნებას გეგმავს.
ჩვენი მიზანია, ღვინის მიმართულება და მასპინძლობა ერთმანეთთან შევაჯეროთ და სტუმრებს ღვინის ტურიზმზე დაფუძნებული სერვისი შევთავაზოთ, მათ შორის - ღვინის მასტერკლასები “, - აცხადებს კომპანიის დამფუძნებელი.
ინფორმაციისთვის, სასტუმრო მეღვინეობა "ღვინუკას" ტერიტორიაზე მდებარეობს.
სხვა სიახლეები
2026 წელი ტექნოლოგიური სექტორისთვის საკმაოდ კარგი წელია - Skillwill College-ის დამფუძნებელი
13.11.2026.15:42
2026 წელი ტექნოლოგიური სექტორისთვის საკმაოდ კარგი წელია, - ამის შესახებ ტელეკომპანია „მაესტროს“ ეთერში გადაცემა Business Insider Georgia-ში სტუმრობისას Skillwill College-ის დამფუძნებელმა, გიორგი მარიამიძემ განაცხადა.
„ტექნოლოგიურ სექტორს რაც შეეხება, შეგვიძლია ცალსახად და თამამად ვთქვათ, რომ 2026 წელი საკმაოდ კარგი წელი გამოდის. როგორც ახსენეთ, უკვე 10 თვე გვაქვს გასული და, პრინციპში, ბოლო 5 წლის განმავლობაში ტექნოლოგიური სექტორი საკმაოდ მკაფიოდ ჩამოყალიბდა, როგორც მშპ-ის ერთ-ერთი მამოძრავებელი ძალა.
მის კონტრიბუციას რომ შევხედოთ, ICT სექტორის წილი მთლიან ეკონომიკურ ზრდაში თითქმის 30%-ია. დასაქმების მაჩვენებელიც იზრდება, სადაც 59 000-დან 54 000 დასაქმებულამდე გაიზარდა მაჩვენებელი და ასევე მნიშვნელოვანია საშუალო ანაზღაურებაც - სტატისტიკის სამსახურის მიხედვით, ამ სექტორში ის თითქმის 4 500 ლარია. თანაც, ICT უფრო ფართო სექტორია, რომელიც აიტის და საკომუნიკაციო სექტორსაც მოიცავს ერთად და ეს თითქმის ორჯერ აღემატება ქვეყანაში საშუალო ხელფასს.
ამიტომ ცალსახად და თამამად შეგვიძლია ვთქვათ, რომ კარგი წელია და ICT სექტორი ჩამოყალიბდა, როგორც ქართული ეკონომიკისა და მთლიანი შიდა პროდუქტის ზრდის ერთ-ერთი მყარი, ძლიერი მამოძრავებელი ძალა“, - აცხადებს გიორგი მარიამიძე.
Geely Starship 7 და Toyota Corolla საქართველოს ბანკის ავტოპარკში - „თეგეტა“ ბანკს ფლიტმენეჯმენტის ფარგლებში სრულ მომსახურებას გაუწევს
13.11.2026.14:39
ლევან მოსეშვილმა IATA-სთან UAG აკადემიის საერთაშორისო სასწავლო პროგრამების დანერგვის საკითხები განიხილა
13.11.2026.14:09
არ გაჩერების კულტურა ფეხბურთში - საქართველოს ბანკი საქართველოს საფეხბურთო ნაკრების მთავარი სპონსორია
13.11.2026.13:52
„სტუდია 9“ თელავის, რუსთავისა და წყალტუბოს ახალ სტადიონებს UEFA-ს სტანდარტების მიხედვით აპროექტებს
13.11.2026.13:30
