Funky Brands არის სტარტაპ კომპანია, რომელიც დაარსების დღიდან ცდილობს ქართველ მომხმარებელს FMCG კატეგორიაში შესთავაზოს საინტერესო, გამორჩეული და ხარისხიანი საერთაშორისო ბრენდები. კომპანიაში არსებულ სიახლეებსა და სამომავლო გეგმებზე Business Insider Georgia Funky Brands-ის დამფუძნებელს, გიგა დემეტრაშვილსა და მარკეტინგის მენეჯერს, ანა ოკუჯავას ესაუბრა.

როგორია Funky Brands-ის განვითარების მიმდინარე ეტაპი და რა სიახლეები
შესთავაზეთ მომხმარებლებს ბოლო პერიოდში?

ბრენდის შერჩევის პროცესი ჩვენთვის განსაკუთრებით დელიკატურია და მოითხოვს ბევრი მნიშვნელოვანი გარემოების გათვალისწინებას. მთავარ პრიორიტეტად კი ყოველთვის რჩება დარწმუნება იმაში, რომ პროდუქტი მომხმარებელმა კარგად მიიღოს და რეალური ღირებულება შექმნას მის ყოველდღიურ გამოცდილებაში.

პირველი ბრენდი, რომელიც ქართულ ბაზარს გავაცანით, იყო Franui არგენტინიდან, მარტივი და ამავდროულად დახვეწილი კონცეფციით: პრემიალური შოკოლადის ორ ფენაში ამოვლებული ცოცხალი ჟოლო. პროდუქტმა მალევე მოიპოვა დიდი პოპულარობა და გახდა ბევრი მომხმარებლის ფავორიტი. ამ პოზიტიურმა უკუკავშირმა და მაღალმა ინტერესმა მოგვცა სტიმული, რომ გაგვეგრძელებინა უნიკალური ბრენდების აღმოჩენა და შემოტანა. დღეს კი სიამაყით წარმოვადგენთ ოთხ საერთაშორისო ბრენდს საქართველოს ბაზარზე.

Brite - ფუნქციური, ჯანსაღი ენერგეტიკული და ნოოტროპული სასმელი, ჩვენი პორტფელის მეორე ბრენდია, რომელიც განსაკუთრებული პოპულარობით სარგებლობს სავარჯიშო გარემოში, განსაკუთრებით ფიტნეს დარბაზებში.

ასევე შემოვიტანეთ ალტერნატიული რძეების წამყვანი ბრენდი - Natrue ესპანეთიდან. მცენარეული სასმელების ეს ბრენდი მომხმარებელს რძის ბუნებრივ ალტერნატივას სთავაზობს ხელოვნური დანამატების გარეშე.

ყველაზე ახალი ბრენდი კი Le Tribute-ია, რომელიც ჩვენს პორტფელში ყველაზე განსხვავებულ მიმართულებას წარმოადგენს. ბრენდმა საქართველოში თავისი პირველი ნაბიჯები ცნობადობის გასაზრდელად ვისკის ფესტივალზე გადადგა, სადაც რამდენიმე ალკოჰოლურ ბრენდთან ერთად კოლაბორაციის ნაწილი გახდა.

თუმცა, ბრენდების განვითარებისთვის მხოლოდ წარმომადგენლობა საკმარისი არ არის. ჩვენთვის მნიშვნელოვანია მათი მუდმივი განვითარება და მომხმარებლისთვის ახალი გამოცდილებების შეთავაზება.

ამასთან, Funky Brands-ის მთავარი სიახლეა ახალი ესპანური ბრენდი - Le Tribute- ბაზარზე წარვადგინეთ ახალი პრემიუმ ხაზის ტონიკი. Le Tribute პრემიუმ დიზაინით და დახვეწილი გემოვნური თვისებებით სრულად ცვლის წარმოდგენას ტონიკზე, ქმნის ახალ გამოცდილებას, რაც ამ მხრივ არ არსებობს. ამ ეტაპზე ტონიკი წარმოდგენილია 4 გამორჩეული სახეობით:

• Tonic water,
• Ginger ale,
• Ginger beer,
• Pink Grapefruit.

მასობრივი ტონიკების სინთეტიკური არომატიზატორებისგან განსხვავებით, Le Tribute-ის უნიკალური გემო ნამდვილი "ლიმონის ბალახის" (Lemongrass) დისტილაციისა და ეკვადორიდან მოპოვებული 100%-ით ნატურალური ქინინისგან მოდის. ასევე, Pink grapefruit-ის შემთხვევაში, ბაზა ნატურალური გრეიფრუტის წვენია, Ginger ale&beer-ის შემთხვევაში კი, ნატურალური ჯინჯერი.

ტონიკები ხშირად გადატვირთულია შაქრით და ფარავს პრემიუმ ალკოჰოლის გემოს. Le Tribute კი შეიცავს ნატურალური ლერწმის შაქარს დაბალანსებული დოზით, რაც ხაზს უსვამს და მაგალითისთვის არ "კლავს" ძვირადღირებული ალკოჰოლის არომატს.

მომხმარებლისთვის ნაცნობ ბრენდებშიც გვაქვს სიახლეები. Franuí-ს ხაზში ახალ გემოს - Pink-ს ვამატებთ, რომელიც, დარწმუნებულები ვართ, ყველას შეუყვარდება. მის დაგემოვნებას პირველად ექსკლუზიურად Bresh-ის წვეულებაზე შეეძლებთ, რომელიც 29 მაისს არის დაგეგმილი, ხოლო შერჩეულ მაღაზიათა ქსელებსა და მიტანის სერვისების პლატფორმებზე ახალ გემოს 1 ივნისიდან იხილავთ.

ზაფხულის მოახლოვებასთან ერთად, Natrue-ს რძეთა ასორტიმენტს ერთ-ერთი გამორჩეული გემო, შვრიის რძე ფსტის არომატით ემატება. განსაკუთრებით გემრიელია ყავასთან მისართმევად, თუმცა ცალკე დაგემოვნებულიც არავის დატოვებს გულგრილს. გვიხარია, რომ ხარისხიანი პროდუქტი შემოგვაქვს ბაზარზე, რომლის ხარისხზე თავად პროდუქტი მოწმობს.

როგორ ფართოვდება კომპანიის ასორტიმენტი და რომელ პროდუქტებზეა დღეს ყველაზე მაღალი მოთხოვნა?

ჩვენ არ ვჩერდებით სტანდარტულ გემოებსა და ჩვეულებრივ პროდუქტებზე. ჩვენი მთავარი მიზანია, მომხმარებელს მუდმივად შევთავაზოთ ინოვაციური და განსხვავებული გამოცდილება, ამიტომ აქტიურად ვმუშაობთ ასორტიმენტის გაფართოებაზე, რათა ჩვენი პორტფელი მუდამ საინტერესო და მრავალფეროვანი იყოს. მოთხოვნის მიხედვით კი ჩვენი უპირობო ლიდერი Franuí არის. ბრენდმა უკვე მყარად დაიმკვიდრა პოზიცია სნექების სეგმენტში და დღეს ჩვენი პორტფელის ყველაზე მოთხოვნადი პროდუქტია. განსაკუთრებით გვახარებს ის ემოციური კავშირი, რომელიც მომხმარებლებს ამ ბრენდთან აქვთ შექმნილი და გვჯერა, რომ Franuí-ს თითოეულ სიახლეს ჩვენი “ფრანატიკები” მომავალშიც მუდამ ენთუზიაზმით შეხვდებიან.

რამდენად შეიცვალა მომხმარებლის დამოკიდებულება პრემიუმ დესერტებისა და მსგავსი ტიპის პროდუქტების მიმართ ბოლო წლებში?

ვფიქრობთ, ბოლო წლებში მომხმარებლის დამოკიდებულება მნიშვნელოვნად შეიცვალა და ეს ძალიან ჯანსაღი ტენდენციაა. დღეს ადამიანები ბევრად მეტად აქცევენ ყურადღებას პროდუქტის ხარისხს, შემადგენლობასა და ნუტრიციულ ღირებულებას. თუ ადრე ტკბილეული ხშირად ასოცირდებოდა მაღალ კალორიულობასთან და არაჯანსაღ არჩევანთან, დღეს სულ უფრო პოპულარული ხდება ისეთი ალტერნატივები, რომლებიც გემოსთან ერთად ხარისხიან და შედარებით ჯანსაღ გამოცდილებასაც სთავაზობს მომხმარებელს.

სწორედ ამ მიმართულებას პასუხობს Franuí-ც, რომლის მთავარი ინგრედიენტი ცოცხალი ჟოლოა. პროდუქტი აერთიანებს როგორც დესერტის გამოცდილებას, ისე ბუნებრივ და ხარისხიან ინგრედიენტებს, რაც, ჩვენი დაკვირვებით, თანამედროვე მომხმარებლისთვის განსაკუთრებით მნიშვნელოვანია

მომხმარებლის ინტერესისა და მოთხოვნის ზრდის ფონზე, რა მიმართულებებზე
აკეთებთ ძირითად აქცენტს 2026 წელს?

ვფიქრობთ ფუნქციური სასმელების, ჯანსაღი “სნექის” და ზოგადად განსხვავებული ინგრედიენტებით შემდგარი ბრენდების წილი რითეილში და ჰორეკაში მომავალ წლებში აუცილებლად გაიზრდება. ჩვენ ვამჩნევთ რომ მომხმარებელი ბევრად უფრო ინფორმირებულია მიმდინარე ტრენდებზე და არ სურს მხოლოდ სტანდარტული, არაჯანსაღი და მოსაწყენი პროდუქციის მოხმარება. ჩვენ გვინდა რომ ქართველ
მომხმარებელს ამ პრობლემის გადაჭრაში დავეხმაროთ.

როგორ გეგმავთ ბრენდის გაფართოებას და რა არის Funky Brands-ის მთავარი
სამომავლო გეგმები?

ამჟამად, აქტიურად ვართ ჩართული იმ პროცესში, რომ ჰორეკა სექტორში დავიმკვიდროთ თავი. გვაქვს დაგეგმილი მრავალი ღონისძიება და ვიმედოვნებთ, რომ ახალი განსაკუთრებული პროდუქტები ჩვენს მოლოდინებს გაამართლებს.

მუდმივად ვაკვირდებით ბაზრის ტენდენციებსა და მომხმარებლის ინტერესებს, რათა ჩვენი პორტფელი კიდევ უფრო მრავალფეროვანი და ინოვაციური გავხადოთ.

პარალელურად, კომპანიის ზრდასთან ერთად, იზრდება ჩვენი გუნდიც. გვინდა, შევქმნათ ძლიერი და შემოქმედებითი გარემო, რომელიც მოგვცემს შესაძლებლობას, კიდევ უფრო მასშტაბური პროექტები და საინტერესო კოლაბორაციები განვახორციელოთ.

ზოგადად, Funky Brands-ის განვითარება მუდმივ მოძრაობასა და სიახლეებზეა დაფუძნებული. ჩვენი მიზანია, მომხმარებელს ყოველთვის შევთავაზოთ ახალი გამოცდილება და ბრენდები, რომლებიც ქართულ ბაზარზე გამორჩეულ ადგილს დაიკავებს.