Génoise პრემიუმ კლასის საკონდიტრო-ბულანჟერიაა, რომელიც მომხმარებელს ყოველდღიურ, დახვეწილ გასტრონომიულ გამოცდილებას სთავაზობს. მეტი ინფორმაციისთვის Business Insider Georgia Génoise-ის დამფუძნებელს, ლალი სამსონიძეს ესაუბრა.

როგორია კომპანიის საქმიანობის სპეციფიკა, როდიდან ოპერირებთ ბაზარზე და რას სთავაზობთ მომხმარებლებს?

Génoise არის პრემიუმ კლასის საკონდიტრო- ბულანჟერია, რომელიც მომხმარებელს სთავაზობს ყოველდღიურ, დახვეწილ გასტრონომიულ გამოცდილებას.

ჩვენი ისტორია იწყება ხარისხზე მკაცრი კონტროლითა და ევროპული სტანდარტების დანერგვით, სადაც თითოეული პროდუქტი იქმნება პროფესიონალური მიდგომით და მაღალი ხარისხის ინგრედიენტებით.

ჩვენი მიზანია, ყოველდღიური სტუმრობა იქცეს პატარა, მაგრამ გამორჩეულ რიტუალად.

როგორია კომპანიის მიმდინარე ასორტიმენტი?

Génoise-ის ასორტიმენტი მრავალფეროვანია და მოიცავს როგორც კლასიკურ, ისე თანამედროვე ევროპულ ხაზს:

• ბუნებრივ საფუარზე დამზადებული არტიზანული პურები, ევროპული და კლასიკური საკონდიტრო ხაზის მრავალფეროვანი არჩევანი;
• ქალაქში საუკეთესო კრუასანი, საავტორო დესერტები;
• ქუქისები და მშრალი ნამცხვრები;
• ფრეშ სალათები და გურმე სენდვიჩები;
• საუზმისა და მსუბუქი კერძების მენიუ;
• პრემიუმ კლასის ყავა და ხელნაკეთი შოკოლადი.

ჩვენ მუდმივად ვამატებთ ახალ პროდუქტებს, თუმცა მთავარი აქცენტი ყოველთვის ხარისხსა და ბალანსზე რჩება.

რას მიიჩნევთ Génoise-ის კონკურენტულ უპირატესობად ბაზარზე?

ჩვენი მთავარი უპირატესობა არის ხარისხზე კომპრომისის არდაშვება და მკაფიო კონცეფცია.

Génoise არ არის უბრალოდ კაფე - ეს არის ბრენდი, სადაც თითოეული დეტალი კონტროლდება: რეცეპტურა, ტექსტურა, ვიზუალი, სერვისი და ატმოსფერო.

ჩვენ ვიყენებთ პრემიუმ ინგრედიენტებს, ვმუშაობთ სტანდარტიზებულ პროცესებზე და ვინარჩუნებთ ერთიან ხარისხს ყველა პროდუქტში.

ამასთან ერთად, ჩვენ ვქმნით სუფთა, მშვიდ და ესთეტიკურ გარემოს - ალკოჰოლის გარეშე, რაც სრულიად განსხვავებულ გამოცდილებას აძლევს მომხმარებელს.

რა არის კომპანიის სამომავლო განვითარების გეგმები და პრიორიტეტები?

Génoise-ის განვითარების მთავარი მიმართულება არის ბრენდის მასშტაბირება ხარისხის შენარჩუნებით.

მომავალში ვგეგმავთ:

• ახალი ფილიალების გახსნას სტრატეგიულ ლოკაციებზე;
• ასორტიმენტის კიდევ უფრო გაღრმავებას (ჯანსაღი მიმართულებების, სეზონური პროდუქტების დამატებით);
• მომსახურების სტანდარტების კიდევ უფრო დახვეწას.

განსაკუთრებით მნიშვნელოვანი მიმართულებაა ფრენჩაიზის განვითარება -
ჩვენ ვმუშაობთ მოდელზე, რომელიც საშუალებას მისცემს პარტნიორებს, Génoise-ის სტანდარტებით შექმნან წარმატებული და მართვადი ბიზნესი.

ჩვენი მიზანია, Génoise გადაიქცეს ძლიერ, საერთაშორისო პოტენციალის მქონე ბრენდად, რომელიც ასოცირდება ხარისხთან, სტაბილურობასთან და გამორჩეულ გემოსთან.

ინფორმაციისთვის, Génoise-ის მისამართია ალექსანდრე ყაზბეგის 15. ობიექტი ყოველდღე 08:30-დან 22:00 საათამდე მუშაობს.