Aroundtheworld.brand პრემიუმ ხარისხის ჩანთების ბრენდია, რომელიც ყოველდღიური გამოყენების და მოგზაურობისთვის განკუთვნილ მოდელებს აერთიანებს. ბრენდის საქმიანობის, მომხმარებლის მოთხოვნისა და სამომავლო გეგმების შესახებ Business Insider Georgia-ს დამფუძნებელი ვერა ფურცელაძე ესაუბრა.

როგორი კომპანიის საქმიანობის სპეციფიკა, როდიდან ოპერირებთ ბაზარზე და რას სთავაზობთ მომხმარებლებს?

Around the World არის პრემიუმ ხარისხის ჩანთების ბრენდი, რომელიც მომხმარებელს სთავაზობს როგორც ყოველდღიურ, ისე საქმიანი და მოგზაურობისთვის განკუთვნილ ჩანთებს. ჩვენი მთავარი მიმართულებაა ხარისხიანი დიზაინის, პრაქტიკულობისა და ინდივიდუალურობის გაერთიანება.

ბრენდი უკვე რამდენიმე წელია წარმატებით ოპერირებს საერთაშორისო ბაზარზე, ხოლო ამ ეტაპზე ჩვენი მთავარი მიზანია საქართველოში განვითარება და ადგილობრივი მომხმარებლისთვის ბრენდის გაცნობა. განსაკუთრებული ყურადღება ეთმობა პერსონალიზაციას - ჩანთებზე შესაძლებელია ინდივიდუალური ნაქარგისა და დიზაინის შექმნა, რაც თითოეულ პროდუქტს უფრო პერსონალურს ხდის.

როგორ აფასებთ მოთხოვნას ზოგადი თვალსაზრისით? რამდენად მზარდია ტენდენცია?

დღეს მომხმარებლისთვის მხოლოდ ვიზუალურად ლამაზი პროდუქტი აღარ არის საკმარისი - განსაკუთრებით მნიშვნელოვანია ხარისხი, პრაქტიკულობა და პროდუქტის ინდივიდუალურად მორგების შესაძლებლობა. სწორედ ამ მიმართულებით ვხედავთ მოთხოვნის ზრდას.

საქართველოში, ჩვენი დაკვირვებით, მომხმარებლები სულ უფრო მეტად ინტერესდებიან ხარისხიანი და განსხვავებული დიზაინის მქონე ადგილობრივი და საერთაშორისო ბრენდებით. შესაბამისად, ვფიქრობთ, რომ ამ მიმართულებას საქართველოში განვითარების კარგი შესაძლებლობა აქვს.

რას მიიჩნევთ Aroundtheworld.brand-ის კონკურენტულ უპირატესობად?

ჩვენი ერთ-ერთი მთავარი უპირატესობა არის ის, რომ პროდუქტი აერთიანებს დიზაინს, ხარისხს და ფუნქციურობას. ჩანთები შექმნილია ყოველდღიური გამოყენებისთვის, თუმცა ამავდროულად ინარჩუნებს პრემიუმ ვიზუალს.

ასევე მნიშვნელოვანია პერსონალიზაციის შესაძლებლობა - მომხმარებელს შეუძლია საკუთარი სურვილის მიხედვით აირჩიოს დეტალები და ჩანთაზე ინდივიდუალური ნაქარგი განათავსოს. ვფიქრობთ, სწორედ ეს ქმნის პროდუქტთან უფრო ემოციურ კავშირს.

რა არის კომპანიის განვითარების მთავარი გეგმები და რა მიმართულებების გაძლიერებას ან ახალი შესაძლებლობების დამატებას განიხილავთ მომავალში?

ჩვენი მთავარი მიზანია Around the World-ის საქართველოში განვითარება და მომხმარებლისთვის უფრო ფართოდ გაცნობა. გვინდა, ეტაპობრივად გავზარდოთ პროდუქციის ასორტიმენტი, გავაძლიეროთ ონლაინ გაყიდვები და საქართველოში შევქმნათ ბრენდის უფრო აქტიური წარმომადგენლობა.

ბრენდის დამფუძნებელი ქართველია და მისთვის განსაკუთრებით მნიშვნელოვანია, რომ ის, რაც უკვე შეიქმნა, საკუთარ ქვეყანაშიც განვითარდეს და ქართველ მომხმარებელს გააცნოს. სწორედ ამიტომ, საქართველოში შემოსვლა ჩვენთვის მხოლოდ კომერციული გაფართოება არ არის - ეს არის შესაძლებლობა, ქართული წარმოშობის ბრენდი ადგილობრივ ბაზარზეც უფრო ფართოდ გავაცნოთ მომხმარებელს.