პრემიუმ სასტუმროებთან პარტნიორობა – „პიელ ნატურალსის“ განვითარების ახალი ეტაპი
„პიელ ნატურალსი“ კოსმეტიკის მწარმოებელი კომპანიაა, რომელიც 2017 წლიდან ოპერირებს როგორც ადგილობრივ, ისე საერთაშორისო ბაზარზე. კომპანია 2026 წელს სიახლით შეხვდა - ბრენდმა სასტუმროებისთვის ექსკლუზიური სპა და საშხაპე პროდუქციის შექმნა დაიწყო. Business Insider Georgia-ს ამის შესახებ კომპანიის დამფუძნებელმა, თათუკა ლომაძემ, განუცხადა.
“დავიწყეთ თანამშრომლობა პრემიუმ სასტუმროებთან, რომელთაც სურთ, თავიანთ მომხმარებლებს დაუვიწყარი შეგრძნებები შესთავაზონ და ჰქონდეთ ავთენტური სურნელი, რომლის მსგავსი მთელ მსოფლიოში არავის აქვს. ჩვენი პროდუქცია, აბსოლუტურად უკონკურენტოა. ეს არის შამპუნების უნიკალური, უსულფატო ფორმულა იმ მომხმარებლებისთვის, რომლებიც იცნობენ თანამედროვე ტენდენციებს და უპირატესობას ანიჭებენ მაქსიმალურად ნატურალურ, ვეგანურ, უსულფატო და უსილიკონო პროდუქტებს.

ძირითადი მომხმარებლები არიან ტურისტები, უმეტესად ევროპიდან, ასევე სასტუმროები, რომლებიც ევროპულ სტანდარტებს ერგებიან. ევროპული სტანდარტების მიხედვით, დასაშვებია სულფატისა და სილიკონის შემცველი პროდუქცია, თუმცა პრემიუმ ხარისხის კატეგორიაში უპირატესობა ენიჭება უსულფატო და უსილიკონო პროდუქტებს. აქედან გამომდინარე, ჩვენი სეგმენტური ნიშა ორიენტირებულია პრემიუმ კლასის სასტუმროებზე, რომლებიც განსაკუთრებულ ყურადღებას უთმობენ სტუმრებს და მათ მაქსიმალურად ნატურალურ, მინიმალურად სინთეტიკურ, ავთენტური ფორმულით შექმნილ პროდუქტებს სთავაზობენ.
ჩვენი მიზანია, თითოეულ სტუმარს შევთავაზოთ ბუნებრივი პროდუქტები, ინდივიდუალურად შერჩეული სურნელით, რომელიც მათთვის უნიკალურ ემოციურ გამოცდილებად იქცევა და დასამახსოვრებელ შეგრძნებას დატოვებს. ჩვენთვის მნიშვნელოვანია სტუმრების ჯანმრთელობაზე ზრუნვა და ის, რომ ჩვენი პროდუქტების გამოყენების შემდეგ ისინი თავს ამაღლებულად, კომფორტულად და ბედნიერად გრძნობდნენ.
დღევანდელ სამყაროში რთულია ადამიანებზე შთაბეჭდილების მოხდენა. სწორედ ამიტომ, ჩვენ ნატურალურ და ბუნებრივ ფორმულებს ვამატებთ უნიკალურ სურნელებს, რომლებიც კონკრეტული სასტუმროსთვის ინდივიდუალურად იქმნება. პროცესი სასტუმროსთან თანამშრომლობით, ახალი პროექტის ფორმატში ხორციელდება. თითოეულ სასტუმროს შეუძლია აირჩიოს სურნელი, რომელსაც თავის სტუმრებს „გააყოლებს“ და დაბრუნების სურვილს გაუჩენს.

სურნელების სპექტრი მრავალფეროვანია - ყვავილების სურნელი, ოქროს სურნელი, მარგალიტის სურნელი, ვეტივერის სურნელი ან ტრენდული, ინოვაციური სურნელები. ჩვენმა გუნდმა პარიზში სპეციალურად გაიარა ბოლო თაობის მასტერკლასები პარფიუმერიის მიმართულებით, რაც გვაძლევს შესაძლებლობას, შექმნათ საუკეთესო ფორმულები და თითოეულ სურნელს უნიკალური, დახვეწილი ხასიათი მივანიჭოთ “, - აცხადებს თათუკა ლომაძე.
“პიელ ნატურალსს” ამჟამად 20-მდე პარტნიორი სასტუმრო ჰყავს.
“ამჟამად ჩვენთან თანამშრომლობს დაახლოებით 20 სასტუმრო. ჩვენი საქმიანობა არ შემოიფარგლება მხოლოდ შამპუნების, კონდიციონერების, დუშ-გელების და საშხაპეების მიმართულებით. ჩვენ ასევე გვაქვს სპა მიმართულება, რომელიც ანალოგიური შემადგენლობისაა - უსულფატო, უპარაბინო, უსილიკონო, უპარაფინო.
ცხელი სამასაჟო მიმართულება ორი წლის წინ დაგვემატა და სხვადასხვა სასტუმროში საკმაოდ მოთხოვნადია. პირველი თანამშრომლობა ამ მიმართულებით სასტუმრო ბილტმორთან შედგა, რის შემდეგაც, მათი მოთხოვნით, შევქმენით დაახლოებით 10 სხვადასხვა სურნელის სამასაჟე სანთელი. მოგვიანებით ჩვენი პარტნიორები გახდნენ პულმანი და აქსისი, რომლებთან ერთადაც შეიქმნა მარგალიტის და ოქროს ხაზები.

წელს ვგეგმავთ პორტფოლიოს გამრავალფეროვნებას და ახალი პროექტების განხორციელებას სასტუმროებთან თანამშრომლობით. ჩვენი ძირითადი პრინციპი არის ნატურალურობა - ყველა პროდუქტი ადგილზე, საქართველოში მზადდება. წარმოება ხდება GМP და ISO სტანდარტების მქონე აკრედიტირებულ ლაბორატორიაში. ეს არის ძალიან მნიშვნელოვანი ასპექტი, რადგან ჩვენი პროდუქცია მზადდება საერთაშორისო ხარისხის სტანდარტებით.
პიელის სლოგანი „ერთი წასმით შეყვარება“ ნამდვილად ამართლებს. სასტუმროების სტუმრები, როდესაც იყენებენ ჩვენს პროდუქტებს, ერთი შეხებით უყვარდებათ არა მხოლოდ „პიელი“, არამედ გარემო და იქაური სურნელი, რომელიც ღრმად ებეჭდებათ გონებაში იმიტომ, რომ ჩვენი კომპანია ყოველთვის იყო და არის პირველი და განსხვავებული “, - ამბობს კომპანიის დამფუძნებელი.
სხვა სიახლეები
„ვილაპარაკოთ, რომ გავუგოთ და არა მოვუგოთ“ - სელფი მობაილის ახალი კამპანია
19.11.2026.16:15
სელფი მობაილმა, კრეატიულ სააგენტო „სუპერმარკეტთან“ თანამშრომლობით, ახალი კამპანია: „ვილაპარაკოთ, რომ გავუგოთ და არა მოვუგოთ“ წარადგინა. კამპანიის მთავარი იდეაა, საზოგადოებას შეახსენოს, რომ საუბრის რეალური ღირებულება ერთმანეთის მოსმენა და გაგებაა.
დღეს, როდესაც ყოველდღიური საუბრები, ხშირად, კამათსა და საკუთარი სიმართლის დამტკიცებაში გადაიზრდება, სელფი მობაილი ყურადღებას ამახვილებს გულწრფელი კომუნიკაციის მნიშვნელობაზე. კამპანია ადამიანებს მოუწოდებს საუბარი არა შეჯიბრად, არამედ ერთმანეთის უკეთ გაცნობისა და გაგების შესაძლებლობად აღიქვან.
კამპანიის მთავარი ვიდეორგოლი ყოველდღიურ, ყველასთვის ნაცნობ სიტუაციებს ასახავს, სადაც ჩვეულებრივი საუბრები დებატებად იქცევა. დედა-შვილი, მეგობრები და თანამშრომლები ერთმანეთს არგუმენტებით უპირისპირდებიან, თითოეული არგუმენტი კი ქულად ითვლება. ყველა საკუთარი პოზიციის დამტკიცებას ცდილობს, რის შედეგადაც საუბარი თავდაპირველ მიზანს - ერთმანეთის გაგებას კარგავს.
„როგორც ტელეკომ ოპერატორი, ჩვენი მთავარი მიზანი ადამიანების ერთმანეთთან დაკავშირებაა. თუმცა მნიშვნელოვანია არა მხოლოდ კომუნიკაციის შესაძლებლობის შექმნა, არამედ ისიც, თუ როგორ იყენებენ ადამიანები ამ კავშირს. ამ კამპანიით გვსურს შევახსენოთ საზოგადოებას, რომ საუბრის მიზანი ყოველთვის საკუთარი სიმართლის დამტკიცება არ არის. ზოგჯერ გაცილებით მნიშვნელოვანია მოვუსმინოთ ერთმანეთს, გავიგოთ საპირისპირო მოსაზრება და მეტი სივრცე დავტოვოთ გულწრფელი დიალოგისთვის“, - აცხადებენ სელფი მობაილში.
„ვილაპარაკოთ, რომ გავუგოთ და არა მოვუგოთ“ კამპანია ადამიანებს მარტივ კითხვაზე დაფიქრებას სთავაზობს: ბოლოს როდის ვისაუბრეთ იმისთვის, რომ ერთმანეთისთვის გაგვეგო და არა მოგვეგო?
ვილაპარაკოთ, რომ გავუგოთ და არა მოვუგოთ
კრედიტები:
კრეატიული სააგენტო: SUPERMARKET
კრეატიული დირექტორები: ეკა ყიფიანი, სანდრო ციცქიშვილი
არტ დირექტორი: ანი როსტომაშვილი
დიზაინერი: თიკუნა ადეიშვილი
ექაუნთ მენეჯერი: გიორგი ტაბატაძე
აღმასრულებელი პროდიუსერი - სანდრო გაბილაია
ფროდაქშენის ჰედი & პროდიუსერი - მაიკო გურაბანიძე
რეჟისორი - დავით ბორჩხაძე
დამდგმელი ოპერატორი - სანდრო დარახველიძე
ფოტოგრაფი - ელენე შენგელია
1st AD / LP - ნინი იაშვილი
ფროდაქშენ მენეჯერი - ტატო ფანცულაია
ფინანსური მენეჯერი - მაკა ლაბაძე
ფინანსური ადმინისტრატორი - თეკო გურაბანიძე
პოსტ ფროდაქშენ პროდიუსერი - ბურო
ლოჯისტიკის მენეჯერი - დავით მაღლაკელიძე
ტრანსპორტ მენეჯერი - დავით ფერაძე
ლოკაციის მენეჯერი - ნათია ჩომახიძე
ლოკაციის კოორდინატორი - ზაზა ჭიღლაძე
კასტინგის მენეჯერი - ლიზა ადამაშვილი
კასტინგის ასისტენტი - ვიკა ბოკერია
PA - ანეტა გვასალია
სეტი
სეტ მენეჯერი - ნიკო ჩხაიძე
დიასახლისი - სვეტა ბაღდასარიანი
მხატვრობა
ფროდაქშენ დიზაინი: Nisley studio
დამდგმელი მხატვრები - სოფიო გულისაშვილი, ზურა კიკვაძე
არტ დეპარტამენტი: დავით ღვინაშვილი, თამაზ ბოჭოიძე, გური ჭვრიტიძე, გარიკ მარტიროსიანი, ბექა ყალაბეგაშვილი
რეკვიზიტორი: თათია გულისაშვილი
კოსტუმი /გრიმი
კოსტიუმების მხატვარი - ანკა გაბუნია
კოსტიუმების მხატვარი - მარიამ გელაშვილი
გრიმი - სალომე ზაქარაია, ტაისია ერაძე
ტექნიკური ჯგუფი
2nd AC - კარბელა
ფოკუსი - საბა თეთრაძე
გაფერი - კადაფა
პოსტი
VFX/AI - Highway VFX
VFX/AI - გიორგი ფაილოძე
ფერის კორექცია - მინდია ინასარიძე
მუსიკა - Break Records
საუნდ დიზაინი - Uzupo
Motion Graphics - ლევან ზაზარაშვილი
მუსიკა - გიორგი ჩაგელაშვილი
საკონტაქტო ინფორმაცია მედიისთვის: asadunashvili@cellfie.ge
დამატებითი ინფორმაციისთვის კომპანიის შესახებ, ეწვიეთ: http://cellfie.ge; ასევე სელფის სოციალური მედიის არხებს: