Norde, პრემიუმ ავეჯის ბრენდია, რომელიც GABUILD GROUP-ის მიერ შეიქმნა. მიმდინარე სიახლეებსა და სამომავლო გეგმებზე Business Insider Georgia კომპანიის კომერციულ დირექტორს გიორგი წიფიანს ესაუბრა.

Norde-ს შოურუმის გახსნის შემდეგ რა ეტაპზეა დღეს ბრენდი და როგორ შეაფასებდით ამ პერიოდის შედეგებს?

Norde-ს პროექტი GABUILD GROUP-ისთვის მხოლოდ ახალი შოურუმის გახსნა არ იყო. იგი კომპანიის ევოლუციის ხილვადი გამოხატულებაა. გახსნის შემდეგ ბრენდი აქტიურ ჩამოყალიბების ეტაპზეა: ბაზარი იცნობს Norde-ს, მომხმარებელი სწავლობს მის ენას, მინიმალიზმს, ბუნებრივ მასალებს, თანამედროვე ესთეტიკას. ეს პერიოდი ნებისმიერი პრემიუმ ბრენდისთვის ყველაზე მნიშვნელოვანია, სწორედ აქ ყალიბდება ის პირველი შთაბეჭდილება, რომელიც წლების განმავლობაში რჩება. GABUILD GROUP-ის მხრიდან კმაყოფილება სწორედ იმითაა განპირობებული, რომ Norde-ს შოურუმი უკვე ამ ადრეულ ეტაპზე გახდა სივრცე, სადაც მომხმარებელი არა მხოლოდ ავეჯს ყიდულობს, არამედ ცხოვრების სტილს შეიგრძნობს.

როგორ იცვლება მომხმარებლის მოთხოვნები პრემიუმ ავეჯის მიმართულებით და როგორ ერგება ამას თქვენი კომპანია?

ქართველი მომხმარებელი იცვლება და ეს ცვლილება სწრაფია. პრემიუმ სეგმენტში სულ უფრო მეტად იზრდება მოთხოვნა არა ძვირადღირებულ, არამედ გამორჩეულ, თანამედროვე პროდუქტზე. მომხმარებელს სურს იცოდეს, რატომ ირჩევს ამ ავეჯს, რა მასალაა, რა ფილოსოფიაა მის უკან, როგორ ჯდება მისი სახლის საერთო სურათში. Norde სწორედ ამ კითხვებს პასუხობს: ბუნებრივი მასალები, რბილი ფორმები, მინიმალისტური ესთეტიკა ეს არ არის ტრენდი, ეს არის გააზრებული არჩევანი. გარდა ამისა, თანამედროვე მომხმარებელს სულ ნაკლებად სურს ათეულობით მაღაზიაში სიარული. მას სრული სურათი ერთ სივრცეში სჭირდება. Norde-ს ინტეგრირებული მოდელი - კარი, ტიხარი, ავეჯი ერთ შოურუმში პირდაპირ ამ მოთხოვნის პასუხია.

გეგმავთ თუ არა ახალი კოლექციების დამატებას ან შოურუმის გაფართოებას 2026 წელს?

2026 წელი GABUILD GROUP-ისთვის Norde-ს ახალი განვითარების ეტაპია. კომპანია მუშაობს ავეჯის ხაზის თანმიმდევრულ გაფართოებაზე, ახალი კოლექციები, რომლებიც შოურუმის არსებულ კონცეფციას კიდევ უფრო ასრულებს და მომხმარებელს საშუალებას მისცემს ნახოს სრულყოფილი, კომპლექსური ინტერიერის გადაწყვეტილება. მიზანი ნათელია: Norde-ს შოურუმი იქცეს GABUILD GROUP-ის ინტერიერის გადაწყვეტილებების მიმღებ მთავარ სივრცედ - ადგილად, სადაც კარი, ტიხარი და ავეჯი პირველად ერთიანდება სრულფასოვანი, შერეული ასორტიმენტით.

გეგმავთ თუ არა გრძელვადიან პერსპექტივაში ბრენდის განვითარებას აქართველოს რეგიონებში?

GABUILD GROUP-ს უკვე აქვს რეგიონული გამოცდილება - ჩვენ წარმატებით ვოპერირებთ როგორც თბილისში, ისე ბათუმში. თუმცა, ბრენდ Norde-ს შემთხვევაში, ჩვენი მიდგომა უფრო ეტაპობრივი და სტრატეგიულია.

ამ ეტაპზე ჩვენი მთავარი პრიორიტეტი თბილისის შოურუმის სრულფასოვანი დამკვიდრებაა. გვინდა, ეს სივრცე იქცეს იდეალურ მოდელად (Proof of Concept), რომელიც პრაქტიკაში დაამტკიცებს, რომ ინტეგრირებული პრემიუმ ინტერიერის ფორმატი ქართულ ბაზარზე საუკეთესო გადაწყვეტილებაა. ჩვენი ამბიციები, რა თქმა უნდა, დიდია და სამომავლო ზრდასაც გულისხმობს, თუმცა მანამ, სანამ რეგიონულ გაფართოებაზე გადავალთ, გვსურს თბილისში შევქმნათ ხარისხის ის უმაღლესი სტანდარტი, რომელიც შემდეგ ჩვენი ბრენდის სავიზიტო ბარათი იქნება მთელი ქვეყნის მასშტაბით.

ინფორმაციისთვის, Norde-ს შოურუმი თბილისში, გამრეკელის #19-ში მდებარეობს.