პროდუქციის გაფართოება და რეგიონული ზრდა FantastiClean Georgia სამომავლო გეგმებზე
ბოლო პერიოდში FantastiClean Georgia-მ გააფართოვა პროდუქციის ასორტიმენტი და განსაკუთრებული აქცენტი გააკეთა პრემიუმ ხარისხის ეკომეგობრულ მიკროფიბრის ტილოებზე, - ამის შესახებ Business Insider Georgia-ს კომპანიის თანადამფუძნებელმა ირაკლი ზამბახიძემ განუცხადა.
რომელი მნიშვნელოვანი სიახლეები განხორციელდა კომპანიაში ბოლო პერიოდში?
ბოლო პერიოდში FantastiClean Georgia-მ გააფართოვა პროდუქციის ასორტიმენტი და განსაკუთრებული აქცენტი გააკეთა პრემიუმ ხარისხის ეკომეგობრულ მიკროფიბრის ტილოებზე, რომლებიც გამოირჩევა მაღალი მდგრადობით და მრავალფუნქციურობით.

ერთ-ერთი მნიშვნელოვანი სიახლე იყო სპეციალურად „ანტრესთვის" შექმნილი ინდივიდუალურად მორგებული მიკროფიბრის ტილო, რომელიც დამზადდა მათი საჭიროებებისა და მაღალი დატვირთვის სპეციფიკის გათვალისწინებით. „ანტრე" ერთ-ერთი ყველაზე მაღალი დატვირთვის მქონე ობიექტია, ამიტომ მათთვის განსაკუთრებით მნიშვნელოვანი იყო გამძლე და ინტენსიური გამოყენებისთვის გათვლილი პროდუქტის შექმნა. აღნიშნული ტილო ამ ეტაპზე ექსკლუზიურად მხოლოდ მათთვის არის ხელმისაწვდომი.
ამასთან ერთად საგრძნობლად შემცირდა ერთჯერადი ხელსახოცების თუ სხვადასხვა უხარისხო ტილოებში დახარჯული მრავალი არა საჭირო ხარჯი.
რა არის FantastiClean Georgia-ს განვითარების მთავარი მიმართულება მომდევნო პერიოდისთვის და როგორ ხედავთ კომპანიის გაფართოების პოტენციალს სამომავლო პერსპექტივაში?
მომდევნო პერიოდისთვის ჩვენი მთავარი მიმართულება იქნება პროდუქციის ხაზის კიდევ უფრო გაფართოება, (ამ წუთისათვის კომპანია ,,მადარტისთვის" ვმუშაობთ სპეციალურად მათ საჭიროებაზე მორგებული ტილოს შესაქმნელად) თანამედროვე cleaning და detailing გადაწყვეტილებების დანერგვა და რეგიონალურ ბაზარზე პოზიციების გაძლიერება.

ვგეგმავთ ახალი პარტნიორობების განვითარებას, ონლაინ გაყიდვების მიმართულების გაძლიერებას და მომხმარებლისთვის უფრო ფართო არჩევანის შეთავაზებას.
სამომავლოდ FantastiClean Georgia-ს ვხედავთ როგორც ინოვაციურ და ლიდერ ბრენდს cleaning & detailing სფეროში, რომელიც მომხმარებელს ხარისხიან, ეკომეგობრულ და თანამედროვე პროდუქტებს სთავაზობს როგორც ადგილობრივ, ისე საერთაშორისო ბაზარზე.

ინფორმაციისთვის, FantastiClean Georgia თანამშრომლობს საქართველოს წამყვან კომპანიებთან, რომელთათვისაც მნიშვნელოვანია ბრენდის სახელი, მომხმარებელზე ზრუნვა და სისუფთავის მაღალი სტანდარტები. კომპანიის პარტნიორებს შორის არიან სამედიცინო და საგანმანათლებლო ცენტრები, სასტუმროები, სარესტორნო ქსელები და სხვა.
სხვა სიახლეები
„ვილაპარაკოთ, რომ გავუგოთ და არა მოვუგოთ“ - სელფი მობაილის ახალი კამპანია
19.11.2026.16:15
სელფი მობაილმა, კრეატიულ სააგენტო „სუპერმარკეტთან“ თანამშრომლობით, ახალი კამპანია: „ვილაპარაკოთ, რომ გავუგოთ და არა მოვუგოთ“ წარადგინა. კამპანიის მთავარი იდეაა, საზოგადოებას შეახსენოს, რომ საუბრის რეალური ღირებულება ერთმანეთის მოსმენა და გაგებაა.
დღეს, როდესაც ყოველდღიური საუბრები, ხშირად, კამათსა და საკუთარი სიმართლის დამტკიცებაში გადაიზრდება, სელფი მობაილი ყურადღებას ამახვილებს გულწრფელი კომუნიკაციის მნიშვნელობაზე. კამპანია ადამიანებს მოუწოდებს საუბარი არა შეჯიბრად, არამედ ერთმანეთის უკეთ გაცნობისა და გაგების შესაძლებლობად აღიქვან.
კამპანიის მთავარი ვიდეორგოლი ყოველდღიურ, ყველასთვის ნაცნობ სიტუაციებს ასახავს, სადაც ჩვეულებრივი საუბრები დებატებად იქცევა. დედა-შვილი, მეგობრები და თანამშრომლები ერთმანეთს არგუმენტებით უპირისპირდებიან, თითოეული არგუმენტი კი ქულად ითვლება. ყველა საკუთარი პოზიციის დამტკიცებას ცდილობს, რის შედეგადაც საუბარი თავდაპირველ მიზანს - ერთმანეთის გაგებას კარგავს.
„როგორც ტელეკომ ოპერატორი, ჩვენი მთავარი მიზანი ადამიანების ერთმანეთთან დაკავშირებაა. თუმცა მნიშვნელოვანია არა მხოლოდ კომუნიკაციის შესაძლებლობის შექმნა, არამედ ისიც, თუ როგორ იყენებენ ადამიანები ამ კავშირს. ამ კამპანიით გვსურს შევახსენოთ საზოგადოებას, რომ საუბრის მიზანი ყოველთვის საკუთარი სიმართლის დამტკიცება არ არის. ზოგჯერ გაცილებით მნიშვნელოვანია მოვუსმინოთ ერთმანეთს, გავიგოთ საპირისპირო მოსაზრება და მეტი სივრცე დავტოვოთ გულწრფელი დიალოგისთვის“, - აცხადებენ სელფი მობაილში.
„ვილაპარაკოთ, რომ გავუგოთ და არა მოვუგოთ“ კამპანია ადამიანებს მარტივ კითხვაზე დაფიქრებას სთავაზობს: ბოლოს როდის ვისაუბრეთ იმისთვის, რომ ერთმანეთისთვის გაგვეგო და არა მოგვეგო?
ვილაპარაკოთ, რომ გავუგოთ და არა მოვუგოთ
კრედიტები:
კრეატიული სააგენტო: SUPERMARKET
კრეატიული დირექტორები: ეკა ყიფიანი, სანდრო ციცქიშვილი
არტ დირექტორი: ანი როსტომაშვილი
დიზაინერი: თიკუნა ადეიშვილი
ექაუნთ მენეჯერი: გიორგი ტაბატაძე
აღმასრულებელი პროდიუსერი - სანდრო გაბილაია
ფროდაქშენის ჰედი & პროდიუსერი - მაიკო გურაბანიძე
რეჟისორი - დავით ბორჩხაძე
დამდგმელი ოპერატორი - სანდრო დარახველიძე
ფოტოგრაფი - ელენე შენგელია
1st AD / LP - ნინი იაშვილი
ფროდაქშენ მენეჯერი - ტატო ფანცულაია
ფინანსური მენეჯერი - მაკა ლაბაძე
ფინანსური ადმინისტრატორი - თეკო გურაბანიძე
პოსტ ფროდაქშენ პროდიუსერი - ბურო
ლოჯისტიკის მენეჯერი - დავით მაღლაკელიძე
ტრანსპორტ მენეჯერი - დავით ფერაძე
ლოკაციის მენეჯერი - ნათია ჩომახიძე
ლოკაციის კოორდინატორი - ზაზა ჭიღლაძე
კასტინგის მენეჯერი - ლიზა ადამაშვილი
კასტინგის ასისტენტი - ვიკა ბოკერია
PA - ანეტა გვასალია
სეტი
სეტ მენეჯერი - ნიკო ჩხაიძე
დიასახლისი - სვეტა ბაღდასარიანი
მხატვრობა
ფროდაქშენ დიზაინი: Nisley studio
დამდგმელი მხატვრები - სოფიო გულისაშვილი, ზურა კიკვაძე
არტ დეპარტამენტი: დავით ღვინაშვილი, თამაზ ბოჭოიძე, გური ჭვრიტიძე, გარიკ მარტიროსიანი, ბექა ყალაბეგაშვილი
რეკვიზიტორი: თათია გულისაშვილი
კოსტუმი /გრიმი
კოსტიუმების მხატვარი - ანკა გაბუნია
კოსტიუმების მხატვარი - მარიამ გელაშვილი
გრიმი - სალომე ზაქარაია, ტაისია ერაძე
ტექნიკური ჯგუფი
2nd AC - კარბელა
ფოკუსი - საბა თეთრაძე
გაფერი - კადაფა
პოსტი
VFX/AI - Highway VFX
VFX/AI - გიორგი ფაილოძე
ფერის კორექცია - მინდია ინასარიძე
მუსიკა - Break Records
საუნდ დიზაინი - Uzupo
Motion Graphics - ლევან ზაზარაშვილი
მუსიკა - გიორგი ჩაგელაშვილი
საკონტაქტო ინფორმაცია მედიისთვის: asadunashvili@cellfie.ge
დამატებითი ინფორმაციისთვის კომპანიის შესახებ, ეწვიეთ: http://cellfie.ge; ასევე სელფის სოციალური მედიის არხებს: