რა გეგმები აქვს „რთველისს“ საერთაშორისო ბაზრების გაფართოებისა და ახალი პარტნიორების მიმართულებით - ინტერვიუ კომპანიის გენერალურ დირექტორთან
„რთველისი“ მაღალი ხარისხის ღვინისა და სხვა ალკოჰოლურ სასმელების მწარმოებელი კომპანიაა, რომლის ისტორიაც 1920 წლიდან იწყება. კომპანიაში არსებულ სიახლეებსა და სამომავლო გეგმებზე Business Insider Georgia „რთველისის“ გენერალურ დირექტორსა და მმართველ პარტნიორს, თორნიკე ჭიკაძეს ესაუბრა.
როგორია კომპანიის მიმდინარე სიახლეები?
კომპანიისთვის ამ ეტაპზე საკმაოდ აქტიური და დატვირთული პერიოდია. ტურისტული სეზონის დაწყება ჩვენგან ორმაგ ძალისხმევას და განსაკუთრებულ მზადყოფნას მოითხოვს. პარალელურად, როგორც საქართველოში, ისე მის ფარგლებს გარეთ, არაერთი მნიშვნელოვანი ღვინისა და ალკოჰოლური სასმელების საერთაშორისო გამოფენა იმართება, სადაც „რთველისი“ აქტიურად მონაწილეობს.

საერთაშორისო გამოფენები ჩვენთვის განსაკუთრებით მნიშვნელოვანია ახალი პარტნიორებისა და იმპორტიორების მოძიების მიმართულებით. მსგავსი პლატფორმები შესაძლებლობას გვაძლევს, ადგილზე დავაგემოვნებინოთ ჩვენი პროდუქცია, დეტალურად გავაცნოთ ბრენდის ფილოსოფია, ხარისხი და სრული ასორტიმენტი, რაც მნიშვნელოვნად ამარტივებს საექსპორტო ურთიერთობების განვითარებას და ახალი ბაზრების ათვისებას.
რაც შეეხება საქართველოში გამართულ გამოფენებს, ისინი მნიშვნელოვან როლს ასრულებს ადგილობრივ ბაზარზე ბრენდის სწორი პოზიციონირების და ცნობადობის ზრდის მიმართულებით. ამავდროულად, მსგავსი ღონისძიებები გვაძლევს შესაძლებლობას, მივიღოთ პირდაპირი უკუკავშირი ათასობით მომხმარებლისგან, რაც ჩვენთვის განსაკუთრებით ღირებული და განვითარებისათვის მნიშვნელოვანია.
როგორ შეაფასებთ დღეს ქართული ღვინის ექსპორტის დინამიკას და რა ძირითადი ტენდენციები იკვეთება მთავარ ბაზრებზე?
ქართული ღვინის ექსპორტის დინამიკა დღეს საკმაოდ საინტერესო და პოზიტიურ ეტაპზე იმყოფება. ბოლო წლებში განსაკუთრებით გამოიკვეთა ქართული ღვინის მიმართ ინტერესის ზრდა როგორც ტრადიციულ, ისე ახალ ბაზრებზე. მომხმარებელი სულ უფრო მეტად ინტერესდება უნიკალური, ავთენტური ისტორიების მქონე ღვინოებით, და სწორედ ეს არის ქართული ღვინის ერთ-ერთი მთავარი უპირატესობა.
მნიშვნელოვანი ტენდენციაა პრემიუმ და საშუალო-მაღალი სეგმენტის ღვინოებზე მოთხოვნის ზრდა. საერთაშორისო ბაზრებზე იზრდება ინტერესი როგორც კლასიკური ქართული ღვინოების, ისე ქვევრის ღვინის მიმართ, რომელიც უკვე არა მხოლოდ ტრადიციულ პროდუქტად, არამედ უნიკალურ კულტურულ გამოცდილებად აღიქმება.

ასევე აშკარად ჩანს ბაზრების დივერსიფიკაციის პროცესი. თუ წლების განმავლობაში ექსპორტი ძირითადად რამდენიმე ბაზარზე იყო კონცენტრირებული, დღეს ქართული ღვინო უფრო აქტიურად შედის ევროპისა და აზიის სხვადასხვა ქვეყანაში. განსაკუთრებით მზარდია ინტერესი ისეთი ბაზრებიდან, როგორიცაა იაპონია, სამხრეთ კორეა და ევროპის რამდენიმე ქვეყანა, სადაც მომხმარებელი უფრო მეტად აფასებს ხარისხს, ისტორიასა და ღვინის წარმოშობას.
ჩვენი შეფასებით, ქართული ღვინის ინდუსტრიისთვის დღეს ერთ-ერთი მთავარი ამოცანაა არა მხოლოდ რაოდენობრივი ზრდა, არამედ სწორი პოზიციონირება, სტაბილური ხარისხი და ბრენდების გრძელვადიანი განვითარება საერთაშორისო ბაზრებზე.
რა განაპირობებს მოთხოვნის ზრდას?
მოთხოვნის ზრდას რამდენიმე მნიშვნელოვანი ფაქტორი განაპირობებს - პირველ რიგში, ქართული ღვინის მრავალსაუკუნოვანი ისტორია და უნიკალური მეღვინეობის ტრადიცია, რომელიც მსოფლიოსთვის სულ უფრო საინტერესო ხდება. გარდა ამისა, მნიშვნელოვნად გაიზარდა ქართული ღვინის ხარისხიც, რაც საერთაშორისო კონკურსებსა და გამოფენებზე მიღებული არაერთი აღიარებით დასტურდება.
რა გეგმები აქვს კომპანიას სამომავლოდ - ახალი ბაზრების, ექსპორტის ზრდისა და წარმოების განვითარების მიმართულებით?
კომპანიისთვის ერთ-ერთი მთავარი პრიორიტეტი საერთაშორისო ბაზრებზე პოზიციების კიდევ უფრო გაძლიერება და ექსპორტის გეოგრაფიის გაფართოებაა. აქტიურად ვმუშაობთ როგორც უკვე არსებულ პარტნიორებთან ურთიერთობის გაღრმავებაზე, ისე ახალი ბაზრების ათვისებაზე, განსაკუთრებით ევროპისა, ამერიკისა და აზიის მიმართულებით.
ჩვენი მიზანია, ქართული ღვინო კიდევ უფრო ფართო აუდიტორიამდე მივიტანოთ და საერთაშორისო ბაზარზე სწორად წარმოვაჩინოთ როგორც ხარისხიანი, პრემიუმ და ავთენტური პროდუქტი. ამ მიმართულებით განსაკუთრებულ ყურადღებას ვუთმობთ ბრენდის განვითარებას, ხარისხის სტაბილურობასა და თანამედროვე საერთაშორისო სტანდარტებთან შესაბამისობას.

პარალელურად, კომპანია განაგრძობს წარმოების განვითარებასა და ტექნოლოგიური შესაძლებლობების გაძლიერებას. მუდმივად ვახორციელებთ ინვესტიციებს როგორც საწარმოო პროცესების დახვეწაში, ისე ახალი პროდუქტებისა და კოლექციების განვითარებაში. ასევე აქტიურად ვმუშაობთ პრემიუმ და რეზერვის ხაზების გაფართოებაზე, რადგან საერთაშორისო ბაზრებზე სწორედ ამ სეგმენტზე მოთხოვნა განსაკუთრებით მზარდია.
ჩვენთვის მნიშვნელოვანია, რომ კომპანიის ზრდა იყოს გრძელვადიანი, სტაბილური და ორიენტირებული როგორც ხარისხზე, ისე ქართული ღვინის კულტურის საერთაშორისო პოპულარიზაციაზე.
სხვა სიახლეები
„ვილაპარაკოთ, რომ გავუგოთ და არა მოვუგოთ“ - სელფი მობაილის ახალი კამპანია
19.11.2026.16:15
სელფი მობაილმა, კრეატიულ სააგენტო „სუპერმარკეტთან“ თანამშრომლობით, ახალი კამპანია: „ვილაპარაკოთ, რომ გავუგოთ და არა მოვუგოთ“ წარადგინა. კამპანიის მთავარი იდეაა, საზოგადოებას შეახსენოს, რომ საუბრის რეალური ღირებულება ერთმანეთის მოსმენა და გაგებაა.
დღეს, როდესაც ყოველდღიური საუბრები, ხშირად, კამათსა და საკუთარი სიმართლის დამტკიცებაში გადაიზრდება, სელფი მობაილი ყურადღებას ამახვილებს გულწრფელი კომუნიკაციის მნიშვნელობაზე. კამპანია ადამიანებს მოუწოდებს საუბარი არა შეჯიბრად, არამედ ერთმანეთის უკეთ გაცნობისა და გაგების შესაძლებლობად აღიქვან.
კამპანიის მთავარი ვიდეორგოლი ყოველდღიურ, ყველასთვის ნაცნობ სიტუაციებს ასახავს, სადაც ჩვეულებრივი საუბრები დებატებად იქცევა. დედა-შვილი, მეგობრები და თანამშრომლები ერთმანეთს არგუმენტებით უპირისპირდებიან, თითოეული არგუმენტი კი ქულად ითვლება. ყველა საკუთარი პოზიციის დამტკიცებას ცდილობს, რის შედეგადაც საუბარი თავდაპირველ მიზანს - ერთმანეთის გაგებას კარგავს.
„როგორც ტელეკომ ოპერატორი, ჩვენი მთავარი მიზანი ადამიანების ერთმანეთთან დაკავშირებაა. თუმცა მნიშვნელოვანია არა მხოლოდ კომუნიკაციის შესაძლებლობის შექმნა, არამედ ისიც, თუ როგორ იყენებენ ადამიანები ამ კავშირს. ამ კამპანიით გვსურს შევახსენოთ საზოგადოებას, რომ საუბრის მიზანი ყოველთვის საკუთარი სიმართლის დამტკიცება არ არის. ზოგჯერ გაცილებით მნიშვნელოვანია მოვუსმინოთ ერთმანეთს, გავიგოთ საპირისპირო მოსაზრება და მეტი სივრცე დავტოვოთ გულწრფელი დიალოგისთვის“, - აცხადებენ სელფი მობაილში.
„ვილაპარაკოთ, რომ გავუგოთ და არა მოვუგოთ“ კამპანია ადამიანებს მარტივ კითხვაზე დაფიქრებას სთავაზობს: ბოლოს როდის ვისაუბრეთ იმისთვის, რომ ერთმანეთისთვის გაგვეგო და არა მოგვეგო?
ვილაპარაკოთ, რომ გავუგოთ და არა მოვუგოთ
კრედიტები:
კრეატიული სააგენტო: SUPERMARKET
კრეატიული დირექტორები: ეკა ყიფიანი, სანდრო ციცქიშვილი
არტ დირექტორი: ანი როსტომაშვილი
დიზაინერი: თიკუნა ადეიშვილი
ექაუნთ მენეჯერი: გიორგი ტაბატაძე
აღმასრულებელი პროდიუსერი - სანდრო გაბილაია
ფროდაქშენის ჰედი & პროდიუსერი - მაიკო გურაბანიძე
რეჟისორი - დავით ბორჩხაძე
დამდგმელი ოპერატორი - სანდრო დარახველიძე
ფოტოგრაფი - ელენე შენგელია
1st AD / LP - ნინი იაშვილი
ფროდაქშენ მენეჯერი - ტატო ფანცულაია
ფინანსური მენეჯერი - მაკა ლაბაძე
ფინანსური ადმინისტრატორი - თეკო გურაბანიძე
პოსტ ფროდაქშენ პროდიუსერი - ბურო
ლოჯისტიკის მენეჯერი - დავით მაღლაკელიძე
ტრანსპორტ მენეჯერი - დავით ფერაძე
ლოკაციის მენეჯერი - ნათია ჩომახიძე
ლოკაციის კოორდინატორი - ზაზა ჭიღლაძე
კასტინგის მენეჯერი - ლიზა ადამაშვილი
კასტინგის ასისტენტი - ვიკა ბოკერია
PA - ანეტა გვასალია
სეტი
სეტ მენეჯერი - ნიკო ჩხაიძე
დიასახლისი - სვეტა ბაღდასარიანი
მხატვრობა
ფროდაქშენ დიზაინი: Nisley studio
დამდგმელი მხატვრები - სოფიო გულისაშვილი, ზურა კიკვაძე
არტ დეპარტამენტი: დავით ღვინაშვილი, თამაზ ბოჭოიძე, გური ჭვრიტიძე, გარიკ მარტიროსიანი, ბექა ყალაბეგაშვილი
რეკვიზიტორი: თათია გულისაშვილი
კოსტუმი /გრიმი
კოსტიუმების მხატვარი - ანკა გაბუნია
კოსტიუმების მხატვარი - მარიამ გელაშვილი
გრიმი - სალომე ზაქარაია, ტაისია ერაძე
ტექნიკური ჯგუფი
2nd AC - კარბელა
ფოკუსი - საბა თეთრაძე
გაფერი - კადაფა
პოსტი
VFX/AI - Highway VFX
VFX/AI - გიორგი ფაილოძე
ფერის კორექცია - მინდია ინასარიძე
მუსიკა - Break Records
საუნდ დიზაინი - Uzupo
Motion Graphics - ლევან ზაზარაშვილი
მუსიკა - გიორგი ჩაგელაშვილი
საკონტაქტო ინფორმაცია მედიისთვის: asadunashvili@cellfie.ge
დამატებითი ინფორმაციისთვის კომპანიის შესახებ, ეწვიეთ: http://cellfie.ge; ასევე სელფის სოციალური მედიის არხებს: