რა სიახლეს შესთავაზებს სტუმრებს Kass Land აქტიური სეზონისთვის

ბიზნესი

გაფართოება, ასორტიმენტის გამრავალფეროვნება და ახალი ობიექტები - „ქეთო'ს“ სამომავლო გეგმებზე

06.05.2026.12:00

ეკოლოგიურად სუფთა, ჯანსაღი და ნატურალური უცხო სახეობის ჯემებისა და მურაბების მწარმოებელი კომპანია „ქეთო'ს“ ისტორია 2020 წლიდან იწყება. სიახლეებსა და სამომავლო გეგმებზე Business Insider Georgia-ს დამფუძნებელი ქეთი მელაძე ესაუბრა.

„ასორტიმენტი გავაფართოვე და დავამატე ნიგვზიანი აჯიკა, აფხაზური აჯიკა შებოლილი პაპრიკით, მარაკუიას ჯემი წიწაკით, სვანური მარილი, ასევე „ქეთო’ს“ არომატული მარილების ხაზიც - ბაზილიკით, ტარხუნით, ჟოლოთი და სხვა მიქსები.

ხილის სეზონის დაწყებასთან ერთად, წარმოების პროცესიც უფრო გააქტიურდება “, - ამბობს ქეთი მელაძე.

მოთხოვნა სტაბილურად შენარჩუნებულია. ამ ეტაპზე ასორტიმენტს ვაფართოებ და აქტიურად ვმუშაობ სამომავლო გეგმებზე. თბილისში ობიექტების დამატებას ვგეგმავ, სადაც პროდუქცია განთავსდება. მოლაპარაკებები მიმდინარეობს და მათი დასრულება უახლოეს პერიოდში იგეგმება.

გარდა ამისა, ვგეგმავ მცირე კაფისა და მაღაზიის გახსნას “, - აცხადებს კომპანიის დამფუძნებელი.

ინფორმაციისთვის, პროდუქციის მთავარი ინგრედიენტი წიწაკაა, რაც მას გამორჩეულ პიკანტურ გემოს ანიჭებს. „ქეთოს“ პროდუქცია ხშირად მიაქვთ საჩუქრად ქვეყნის ფარგლებს გარეთ. მისი შეძენა შესაძლებელია „ბაზარი ორბელიანზე“, ასევე ონლაინ ბრენდის Facebook გვერდის მეშვეობით.